傻‧小玲^O^@部落格

上次講到終於照完唐氏~~好不容易過了12week~~個個都話頭3個月要好小心~~所以我都格外要戒口~~因為真係唔想有咩閃失~~未做過媽媽既真係唔知~原來頭3個月真係咁辛苦~~我係頭4個月先對~~

之前因為頭4個月都好唔舒服~~所以都無咩出街~~除左產檢之外~~我都係係屋企休息~~好幸運我唔洗返工~~~可以抖下~~BB都長得好好丫~~由我驗到有左8week開始~~個胃就好辛苦~~野又食唔落~~

本身我自己個胃又唔好~~可能係咁我既害喜情況都幾嚴重, 綜合我的初期不適如下:

-反胃~食咩都想嘔~飲啖水都嘔

-無胃口~為左生存而吃幾口~~唔會覺得肚餓~食量比以前食少左2/3~~~

-頭暈~企得耐同坐得耐都會暈

-暈車浪~之前無架~~宜家坐巴士同火車都會暈

-耳嗚~靜止同埋O訓覺都會

-嘔吐~個感覺係強烈到呢...早上一起身~~晚上睡覺前~~刷牙會吐水~~食得太飽會吐~~聞到噴髮水會嘔~~整個孕期真嘔出來大概十幾次~~作嘔就成日都有

-口苦~~個口覺得食咩都苦~~直到16week都覺得有陣怪味..攪到唔想食野~~只有食d濃味少少先會食得落~~例如麥當奴..

-胸脹痛~~比起谷m前~~胸脹得好厲害~~又會痛~~前2個月都未換新內衣~換左d家居型無綱線就有好一點~直到16week就無痛啦~

-嗜睡~~雖然個人都好唔舒服~~胃口又差..但唔知點解我真係好o訓到..成日都覺得累~~每日12點半可以一直o訓到10點, 中間都會午睡一小時~如果偶然知道明天會有野做我會有少少失眠

-尿頻~依稀記得好似10week左右~~都會比平時去多左洗手間..但最奇怪的是~~我每晚都準時5點9就彈起身去洗手間~~好盡時~~一直持續到16week~~>_<~所以睡眠質素真係有d影響~起左身又唔係咁易o訓得返~所以日間要補眠

-醒o訓~未有bb之前...其實我係極度唔醒o訓架~~即係咩聲都嘈我唔到...但有左BB之後~可以未天光就醒..再O訓返都係半睡半醒..唔得深睡...所以有時都會好累~~

-腰痛~~雖然頭3個月個肚都未算好大~~但我發覺條腰會易攰..企得耐坐得耐都辛苦~~由其係煮飯既時候~~所以我企得耐就要坐下...

-忌油煙~~大家都知道我係好喜歡煮飯, 通常一星期都會煮4至5餐, 但初期好唔舒服個陣真係煮唔到..因為聞到油煙味會想作嘔~~所以要煮一煮就離開~~我老公都好錫我..所以頭2個大多數買外賣食..等我唔洗咁辛苦

以上係咁多啦~~雖然都係好辛苦~~不過我都知道呢D係做媽媽甜蜜既負擔~~我每日都希望快D恢復味覺...因為我好鍾意食野~~所以食唔到野係我呢個孕期最慘既事~~同埋都想阿B健康D~食多D營養野~~

各位準媽媽要加油丫~~頭3個月真係唔容易丫~~~~我就嘔足4個月~~~最緊要多休息~~唔好有壓力~~盡量唔好做粗重野~~食野要清淡~小食多餐..平時一日三餐宜家要一日6餐..份量減半~

好快就可以迎接第4個月~~16周既蜜月期~~好好享受做準媽媽既感覺~~