傻‧小玲^O^@部落格

之前試過ucc同key coffee的咖啡~~都係記掛住出面飲的即磨~~上網搵左好多資料~~好多咖啡達人都說咖啡豆一般炒左未磨最好一個月內要飲完~~風味最好~~不過我地在家中又得我一個人飲~~唔可能買到d未秒過的咖啡豆又可以好快飲晒~~係唔會買咖啡機的前提下~~點樣先可以飲到一杯比較好d既咖啡呢~研究左一排~~終於拎起心肝係jusco買左個濾杯同濾紙 (90 pieces for 1-2 cup)total: 24~~~試下自己手沖~~上youtube睇過d教學又唔係好難~~試下先如果都係三分鐘度都唔會浪費錢嗎~~

之後, 去左沙田間citysuper 買咖啡豆~~要揀一間有得提供磨豆服務的超市~呢間有個獨立的咖啡corner, 有好多種唔同的咖啡~因為第一次買唔識~~~之前飲過藍山出既就非常好飲~~所以就揀左呢個<小川咖啡店>的藍山咖啡豆~$148~180g (大約10~18杯)飲到半個月啦~~除返開都唔洗$10~~都ok 啦~~去到cashier比錢, 之後就有staff幫你磨~佢會問你磨幾度~如果用濾紙沖就中度~同佢講手沖濾紙佢都識架啦~~佢會幫你磨完之後入返原本個袋~~貼左幾重膠紙密封~~免得滿漏氣~~新鮮磨的咖啡真係零搭唔同d 啊~d 香味勁到~~我拎住搭火車都有好香的咖啡味傳出來~~拎到返去老公都聞到~勁啊~如果試左好飲~去買過磨豆機自己手磨~即磨即飲應該會更好~~哈哈~~~初學者可以試下咁樣入手~~一來budget唔大~唔洗$200~二來~好飲過即溶同3in1好多啊~~飲左返唔到轉頭~

jusco有幾款濾杯~~建議買呢個有埋個coffee spoon~~~一人飲一匙=12g左右已經夠啦~

將一張濾紙尾部對摺, 左邊又摺一下~放去個濾杯上~之前先用熱水溫熱個咖啡杯~將一匙咖啡粉放入~用快子中間開個洞~

預備160cc左右90度熱水~先用20cc的水倒入"浸潤"約20秒, 令咖啡香氣釋出~此“浸潤”動作可使咖啡粉中所含氣體釋出，更易與熱開水溶合，得以引出咖啡的香醇成分

從中心以畫「の」的字樣，咖啡粉表面與熱水注入角度呈「90度」的方式注入熱開水 。不建議將熱開水從濾紙邉緣流下，如此無法將全部咖啡的香味給引出 。也不要將所有熱開水一次注入，而是配合咖啡液的流出量 ，注入同量熱開水 ，如此才能將全部咖啡粉的香味呈現出來 

以螺旋形式將80cc水慢慢注入, 到水份剩餘3份1再注入40cc水, 之後邊調整流量再慢慢注入20cc水~

整個過程盡量不要超過3分鐘~否則咖啡會苦的~~

一杯自己手沖的香濃咖啡就完成啦~~按自己口味再加點奶及咖啡糖~真係唔洗出去飲咖啡都得啊~~

呢隻blue mountain好合我心水~~唔酸唔苦~~有醇醇的咖啡香味~