傻‧小玲^O^@部落格

又成2個月無打BLOG, 近日都好忙~~自從過左年之後, 我好多野要做, 學車-->同家人旅行-->返PARTTIME-->繼續治療~~呢幾樣野迫到我滿滿的~~搵D 時間都無~~但今日咁高興唔分享都唔得啊~~

登登登登, 橫誇左2年既學車生涯終於告一段落~~無錯~~係2016年4月26日, 我終於從運輸處的手中拎到"P牌"~~

可以一償心願啦~~經歷左3年既學牌生涯, 2張學牌終於換來一張P牌~~呢一日我等左好耐, 上星期一考完試知道合格, 我心情到現在也不能平復, 對於我來講太有意義啦~~因為學車我由細細個已經想考~不過一直都無車所以又唔想浪費所以無實考~我細細個成日返鄉下~見到阿叔每次揸車接我地去玩都好型~跟住我就係到諗, 如果大個左我學識揸車就可以車家人周圍去幾型啊~~到左拍拖~咁啱老公家又有車~偶然都有機會做乘客再了解多D~~到我地搬左出來住再有自己既車~~先可以實現我個DREAM~~係無咩人知架~~因為大家覺我我膽小怕事係唔會學呢D咁刺激既野架~所以經歷左咁辛酸既學車過程~證明只要唔放棄, 一定會做到架~只耍你對自己要有信心,唔好放棄自己...終有一天會等到~~我也用左2年時間, 考左3次才成功~~大家加油哦~~

希望大家唔會厭我呢篇好長好悶~~我知道好多人都好易一Take pass, 考車對佢地來講唔係太難~~(好似我老公咁, 揸車當食生菜), 呢我由報名到合格拎到車牌呢個漫長既經驗裡面, 我學到好多~~所以想寫篇文章同大家分享下~~無論你準備去報考, 或者考左多次都唔成功的人不要灰心, 只要操練好, 夠冷靜同埋有自信心, 終有一次考官會認同你揸車技術, 比你拎到個p牌~~

http://hksm.com.hk/tc/exam-flow.html--> CLICK TO SEE "考車流程" (FROM 駕駛學院官網)

~~報名學車--2014/6~~

回想起我第一次報車, 記得係2014年既6月, 剛剛做sales之後出左d bouns, 同埋老公上年買左屬於我地既車~~為左想令我可以練習到~~佢買左架棍波(手波) 私家車~~老公係屬於揸車世家, 點解咁講~~因為佢地家族奶奶個邊大部份都有車牌~~因為佢地住村更加要揸車出入~~而且聽老公講學車識揀就揀棍波, 再問埋d朋友意見~~大部份都係考棍波van (因為棍私家車難考d, 睇位難d, 如果考棍van即係1,2號牌, 可以揸埋私家車~抵d wor), 綜合以上既意見~~~我人生既第一次最貴既一張單~(重點係自己比), 係元朗駕駛學院( 元朗廣場有counter)好型咁報左個自智尊棍van 駕駛課程~~~盛惠$15000~~~(分12期付款)~~人生未試過作咁大決定~~個日仲要係食完lunch同事陪我報~~哈哈~~惡夢的開始~~我個課程係貴d ...由頭到尾同一駕車同老師, 包25堂~~1堂模擬考試..同埋考試路票...等等~~總之你比3個月內住址證明同身分證比佢地, 佢地就會幫你安排晒, 申請學牌, 報筆試路試, 唔洗你擔心~~呢個係方便我地呢d唔想煩既懶人~~不過代價係我地要比多d 錢~~我知道有d 朋友仔係10,000之內攪掂晒~~自己搵街師傅學~~由於個陣我仲係元朗返工所以我先要報近近地~諗住放工去操車~~點知之後會走左啊~~~聽完個STAFF 講解後~~我都明白晒~~每堂得45MINS, 所以成個課程只有15-16個HRS~~仲要練埋泊位同路試~~所以你要比既唔只15,000-即場已經可以安排埋筆試~~大約個多月就有得考啦~~~佢會比埋本書仔你~運輸處個本~~筆試靠佢~~

~~筆試 (甲部)--2014/7~~(一個月後)

筆試話易唔易, 話難唔難~~只要你讀熟本手冊D 道路規則同埋上網搵下D模擬試題~~認下路牌~~一星期前溫習也OK 的~~~有20題M.C 用中文作答, 要在20分鐘內答對16題以上才PASS, 其實都係大路野~~不過有幾條係比較難要注意哦~~筆試要去到長沙灣運輸處個到以電腦答題形式考~~我記得當日都有好多人應考~~好似考會考咁~~好攪笑~~因為你要PASS 左筆試先可以再去學車考路試, 所以呢個考試都幾緊張~~有讀書就無問題啦~~考完大約等左幾個HR, 駕院會SEND 個SMS話你知合格與否~~我記得如果唔係跟學院既考生要留係個度等考試成績...當然我筆試輕鬆pass 啦~~其實都緊張架~

~~安排考泊位, 調頭, 路試時間(乙&丙部)及學車課堂 (pass 左筆試後)

筆試合格左~就可以聯絡安排左既教車阿sir同你排路試~~同埋上埋佢個d 理堂~~我記得有5-6堂既理論堂係必上~~有2堂機械操作係有個模擬車位比你揸, 係個電視上睇住個mon好似打機咁~~佢上堂有個考試~~pass 左先可以繼續學~~好鬼攪笑架~~比你對個司機位熟習下~~到學個陣都唔會太驚~~課堂可以安排星期六日上~~打電話or 網上約埋就可以啦~~上完幾堂理論~總算對於路面規則個d 有一定認識~~而係堂上教既都係資深既阿sir, 佢有d會係落堂sell 你買個補堂package, 好似2700有6堂左右~~(優惠價), 最可愛既係~~佢即場報名佢會送本考試攻略比你~有晒考既路線同要點~~其他同學無~~基於第一次考~又驚唔夠堂~我同另外有2位同學仔被佢sell 左啦~~哈哈~~其實你問我本攻略係無咩用~只要你記熟d 路線都唔需要啦~~

上晒堂就可以約教車個阿sir練習~~佢會幫你拎考期, 一般要最快要半年先可以~~初初唔知時間可以再揀~~第一次考係2015年既1月尾~~下午3:25 , 呢個時段係最繁忙多車~~尤其係宏業東街~~

我記得我大概係考試前2個月搵阿sir 安排個25堂~~約十日左右既堂~一星期學1-2次已經好夠~~頭5-6個小時都主要係場內好練下泊位, 上斜路同三手軑窄路調頭~~可能我學個陣都幾緊張~~係場內轉圈~~係咁比阿sir 話我唔揸得夠正中~~要望遠d~~~結果成日都無得出街練~~泊位調頭都練左好耐時間~~因為係乙部考試~~都要pass先可以~~係學院學其實佢好好既~~比個公式你標示到邊度就可以扭幾多圈軑~~最緊要係好好咁控制慢車~~慢慢做就會泊到~~其實學到尾段已經掌握得好好~~可能阿sir 想我起碼要pass左一邊先~~所以用左超過一半時間去場內學~~結果到後半先出街變得好緊張~~波轉得唔好~架車勁chok, 唔轉3波~見到物體唔停, 切線又切唔到~~幾緊張啊~~本來以為呢個阿sir 係好師傅~~但去到後尾佢都無咩心機教~可能我太緊張又唔夠快~~太多野顧~我係學棍波車之前無諗過揸車係咁多野要處理~~以為一開踩油就去~~棍波車係每做一個動作之前, 你隻左腳都要踩極力子~~再前快後慢咁放, 左配合右腳去踩brake or 油門~仲有打燈, 望鏡, 擰頭~~一連串動作~~每一步都要好似打杖咁~~左右手腳同時做緊唔同既野~~嘩~~本身手腳唔協調同埋反應慢既我真係好大挑戰~甚至認為比會考更難~~因為你無得背書~~有見及此~我見好似係考試前3星期都唔係學得好好~老公上網幫我搵左個元朗補鐘師傅幫我加堂~~收費平一半啊~~所以話駕院真係太貴啦~~呢個阿SIR 教得幾好~又細心有耐性~~不過我太遲搵佢~~結果補左大約10HRS左右就去考~呢個教車師傅幾嚴但好好人~~值得推介~~有興趣就PM我~~

~~第一次考合併試(乙,丙部)--2015/1~ (6個月後)

係考之前自己其實唔夠信心~~當日考下午3點左右, 第一次難免緊張~~同埋合併試要一次過考晒幾樣野唔容易應付架~~唔怪之得有人會選擇分開考~流程大約係咁~~

到左考試時間前10MINS左右拎學牌同ID去駕院裡面運輸處個房報到, 跟住坐低等叫車號先去出, 此事阿SIR會幫你開定冷氣, 著左車等你上車教位同鏡~~叫左車號我就出去~~上左車~拎定ID同學牌~~教位同鏡等阿考官來~~好多人會誤以為教個個阿SIR 係考個個~~當然唔會啦~考官係運輸處派來架~~聽聞新一代既考官好嚴跟足規矩~~所以點解近年好似1 TAKE難D~~所以你要做好所以正確步驟比考官睇, 表現出你係一個安全有能力的DRIVER, 佢先會比個牌你架~~記得當日考之前有3節練習, 不過始終唔係練得好多, 大概25HRS左右去考~~連基本操控都唔係太穩定~~成日彈下彈下~~即係跑馬仔~~阿SIR唔舒服~咁你就無運行~~當日都係好正常, 考官係中年男人, 又係帶晒黑超好似好惡咁~~不過唔理~~上車較好晒位同鏡, 考官上左車, 問下你叫咩名, 睇下ID , 之後問你睇唔睇到20M之後個車牌, 讀比阿SIR 聽~~P.S ~如果有近視要記得帶CON OR 眼鏡, 不過如果你係帶眼鏡好似之前拎學牌要係特別事項寫低~我無TICK 所以有帶CON, 呢個視力測試係最基本要過既TEST, 如果FAIL 左就唔洗考落去~所以記得要帶眼鏡OR CON~~

讀完之後, 考官就叫我開車, 首先好似考左泊s 位先~~我地係駕院既個考試位係前面, 開前個去就可以啦~~之後就記低阿sir教口訣~~好順利咁就泊好~~因為我用左大半時間練泊位~都係背公式~~轉幾多個圈, 幾時扭軑咁~~基本上你慢慢做就ok, 不過考官都係落左車睇, 我好似泊歪左少少~~跟住阿sir 上返車叫我做埋三手窄路掉頭~~呢個都唔難,, 又係背書~~做完就跟阿sir 指示左轉上斜路,在斜路停車~記得要望左右先鬆手掣開車落斜路, 之後ok就可以轉出去考路試~我地考元朗有4條路線~分別係最短同最易既元朗村, 最難最多車既宏業東街, 最長既工業村同最冷門既水邊圍村~~~最熱門既係元朗村同宏業東~~你考個陣阿sir係唔會話你知考邊條, 佢只會一直帶路,所以你要記熟晒d 路線自己先唔會太驚~ 出左學院基本上轉左定轉右已經決定左你成功既一大半~~如果考官叫你轉左-->你可能會考最易既元朗村or 水邊圍村, otherwise, 如果你轉右, 就會中左最難既宏業東or 長d 既工業村, 所以如果轉左係會穩陣d ~~~不過我當天知道左係右轉再右轉既時間, 就心知不妙啦~~就係考左最難既宏業東啦~~宏業東其實係元朗村既加長版~內街係泊左好多死車, 大部份時間你都需要借線, 但迎頭又有車~~高度考反應同危機意識~個日3點幾係最多車既時候, 我記得有幾次都係比車塞住過唔到, 因為我又出左去, 對頭車又唔肯讓~要考官出口術叫我慢慢去先得, 跟住去到出死亡黃格, 因為呢個係要睇4邊有無車先可以過~所以好高難度, 我基乎每次去親都係要阿sir 教我過~自己成日睇唔通~~跟住想過個陣有架的士經過~~當時我已經出左~~阿sir 無踩我, 不過就話有的士wor, 我個刻係停左係黃格到, 心知不妙~~~出口術~~諗緊真係凶多吉少, 無法, 硬住頭皮繼續考埋個半~~去到cut 2條線, 又係miss 左架的士太近我想cut, 阿sir 又講野~~我已經係咁唔好意思~~不過都無用啦~~同埋一路轉波都唔順, 彈下彈下咁~~返到學院就落車等成績, 其實都知道好大機會會再來~~太緊張~~練習唔夠~~收到成績知道乙部合格, 丙部重考~~都係既~~有幾個唔小心位, 考官出左聲~都唔可以當見唔到~結果成績單有18個tick, 3個嚴重錯誤~~我同自己講當拎個經驗, 起碼pass左一半~剩返個路試~~下次考又可以顧少樣~跟住收到成績阿sir 就同我去Counter 登記, 睇下報唔報返重考~~跟住又呈上$3300只包7堂同考試路票租車費用~再排期係6月4日再考~~又要等5個月~~呢幾個月又可以繼續努力~~

~~第二次考路試(,丙部)--2015/6~ (5個月後)

第二次考只係應付路試就可以集中d~~今次真係不容有失, 早2個月已經搵定街師傅補鐘~~每星期補2-3日~~都幾密集~~起碼係考之前已經操到每個細節都幾記得, 只係欠點信心同埋要冷靜~~不過由於我未好返~~所以情緒上會波動d~~有時忍唔住會話左阿sir tim~~真係唔好意思啦~~今次老公都教左我好多技巧~~比上次有足夠時間~~起碼操左成40個hr先再考~~今次老公好好拎左半日假車我去~~等我唔洗咁緊張好早咁趕去搭車~~個心定左d , 係車到吃飽左早餐, 上埋其餘2節課先考~~今次都係學院個阿sir 教, 其實對左佢3日~~都唔旨意佢會改變到我, 不過我對佢hea 教無心既態度真係十分奇怪~當日其實都知道改變不了什麼~佢係咁話我揸得差同慢~~態度勁差, 話我今次一定肥~~個人已經好荒, 臨考前仲要比佢話, 我咁好脾氣都忍唔住反駁佢~~叫佢唔好再影響我心情~但其實心情已經被影響左~~激到我~~已經無時間比我冷靜, 就準備考試~~今次係一個好年青好有禮貌既考官~~同上次一樣也是讀車牌-->直接考路試~~今次泊既位兩邊都有車~~同我之前學既有d唔同~通常一出車就直接扭~~但原來如果兩邊有車就要行前d 借位先轉~~結果開車頭2秒就比考官踩停左~因為太近隔離車~~跟住我唔識補救~~考官仲教返我~~我心諗死啦~~咁快衰左~~之後再繼續~~今次考元朗村~~最短個條~~心諗咁正, 係咪仲有一絲希望~~我見考官係咁用英文寫左篇文~~我心諗唔通讚我咩~~肯定唔好既野~不過點都好~~考埋落去~~好快就返到學院, 其實一路揸都無咩事~~心存一半希望~但係呢個時間我個sir 走出來話我知我無機會架啦~~我無理佢~~~到拎左成績~~真係又fail~~跟住阿sir 又捉左我去報重考~我今次太嬲啦~無論如何都要換阿sir, 於是我話要考慮下先叫佢唔洗等我..我未必報~~佢話報左要話時間比佢知~~我打發左佢就同我老公商量~~決定報埋呢次重考~~不過要換阿sir, 反映左比counter聽~~我再同我街師傅講~~佢之前都係教學院, 叫佢介紹d 好耐心既阿sir 比我, 結果就按佢介紹搵左另一個阿sir 比我, 又$3300~~for 7堂~~得左幾日新既sir 打比我安排考期~~由於之前個學牌一年已經過去~~佢幫我做左個新~本來11月都有考期~~但過左1-2個月之後我既病又唔係太穩定~~又叫素未謀面既阿sir 幫我廷期, 佢都好好啊~~肯幫我拎第二個考期, 聽教我個師傅講, 揀11:30-12左右既時間考會大機會考最短個條~~因為考官趕食飯~~雖然唔知係唔係~~但都叫阿sir 幫我物色呢段時間既考期, 結果就排左4/18日

~~第3次考路試(,丙部)--2016/4~ (10個月後)

對上一次係8個月前既事~~今次係第三次~~心理壓力好大架~~係考之前好多人都擔心我究竟會否應付得到~~但我真係想試, 揸車係我夢想~我想堅持~雖然每次學車都異常緊張~~心情幾天也不能平復~~但我同自己講...試埋今次, 盡左力就無悔~就算考唔到都唔係我問題~係身體未好返~~等好返d 再試~~又唔趕住用~~今次係2個月前已經同街師傅加強操練~~阿sir 好好~~今次有收平我...可能我已經係第三次跟佢~~vip 啦~哈哈~~今次同阿sir 勁多火花~~可能已經係第三次~阿sir好嚴~~對我要求高, 我脾氣又唔好~成日都會好易被阿sir 鬧到咩都唔記得~~一直練習都會揸得唔好~~其實我知道自己係唔夠信心~~到臨考前既兩星期~~我跟左學院既新既阿sir 學~~佢好有耐性~唔鬧人...叫我慢慢來~~唔洗緊張~~好比心機教我~~仲有d 新既技巧令我唔緊張~~係我上左佢3日之後已經決定要加堂~一來想操熟d考試架車~二來同呢個阿sir 學好似開心d~~學到野~最好既係阿sir 每堂都同我講~~你揸得唔錯~係欠點信心~~佢講中晒~~成日都比信心我~~同埋無咁惡~我覺得我完全搵到個prefect match...阿sir 除了要教我技巧~~心理輔導都好緊要~尤其係對我呢d要支持同鼓勵既人~~今次學左20個hr就考啦~~

今次老公好好請左成日假陪我考~~今次考11:35~~之前又練左2堂~~阿sir 都無咩野~~基本上佢好放心我去考~~夠鐘去試場報到, 佢幫我泊好架車~~到我可以上車準備~阿sir 行埋來同我講野~~話今次旁面無車就可以一出就轉~~(因為佢知道我好驚呢個位),同話今次d 考官好nice, 唔洗擔心~~比d 信心就ok...聽完佢講個人定d, 無咁緊張~~呢個阿sir 實在太好啦~跟住考官上左車~~好nice同我講早晨, 佢帶住mask架~可能病左~~跟住又係問車牌~~再出路~~今次開車個個位好順利咁出到去~之後去好穩定咁揸出去, 有轉3波, 無咩阻礙~~好順利~考官指示好清楚~佢一講轉左~~我心諗咁好~元朗村~~之後再直去~掂啊~~真係最易條咁益我~~一路我都同自己趕~唔洗緊張盡左力就好了~~雖然個心係跳得好勁~~但我盡量要扮到好冷靜, 一路都好順暢, 到cut 兩條線個到~~好正, 無車wor,, cut 得好順利~~過埋呢度就應該穩陣~之後過左橋底, 準備cut 右線, 有2部巴士同我好近, 所以我唔敢cut, 之後見到架巴士打死火燈, 我再望兩秒, 考官話佢地讓我可以cut 啦~~我心諗咁好?但另一方面, 阿sir 出口術~~好驚wor, 但我諗呢個位好minor 之嘛~我見考官都無咩tick過~都差不多返到車廠, 考官居然同我講野~問我對上一次幾時考~我話上年6 月, 佢就話隔咁耐既~我就話想多d時間準備嗎~跟住佢答都係既~~之後臨入學院門口佢又再同我講野~~問我如果拎到牌都係揸咩車~我話係棍波..因為屋企人係棍波~~(我心諗~~嘩~講呢d...莫非有機會..因為之前幾次阿sir都唔會講呢d).到考完, 泊好位~考官望住我, 問我仲有咩未做~~係wor, 收車步驟~熄匙, 入1波~~佢仲提我記得拎返證件~成個過程15mins左右~超快~~跟住又入去等成績, 但今次係平常心, 雖然會覺得自己機會大左~不過為左唔想失望所以平常心~其實當時我個心跳左出來~~等叫我名入左運輸處既房仔~個職員同我講恭喜晒~合格左~~嘩~我開心到不能相信~~係咁唔該, 之後出左去登記成績, 同阿sir 講pass 左~~我仲信~~問左阿sir 三次係咪真架~之後跟左阿sir 出去counter 講左拎牌既野~同埋順便sell下你報進修課程~~當然呢個重任就交比我老公~~係呢個時候無為意老公係我後面~~當我準備離開個陣老公係後面叫我~~同我講唔緊要啦~~再嚟過~~跟住我就話仲咩唔緊要啊~~我pass左wor...原來佢以為我又fail, 因為我同阿sir 講考慮下~~哈哈~~我地開心到傻左~~我知道係呢刻老公比我開心~~我辛苦,佢出錢又出力~~所以我考到對佢來說真係好緊要~~我亦都好多謝教左我接近年半既阿sir 同學院最後個sir~~太興奮忘記左同佢地拍照~~

元朗駕駛學院~~~呢個地方~~~留下不少回憶~~終於唔洗再做學牌仔~

FINALLY, 堅持左咁耐, 上天不負有心人~~用左2年時間~~~終於3RD TIME PASS~~~仲係棍VAN...我都覺得自己好勁~~只要努力~唔放棄~~堅持~~就算我呢D 手腳唔協調既人都可以夢想成真~~到現在亦不相信~~當然有個好老師也十分重要~~每個老師既教學方式都唔同~我建議可以多試不同阿SIR, 仲有家人FULLY SUPPORT~

仲有少少心得既係~~考元朗線至緊要判斷力, 要有信心, 因為宏業東同工業村都有好多死車泊兩旁, 要借線就有5步曲-->打燈-->減速-->望鏡-->擰頭(盲區)-->補望前...做晒以上先扭軚, 至少要預2個車位~~5個車位前要望定~呢幾個step學車阿sir 同我講左無數次, 亦係我最弱個項, 成日會判斷唔到見到對頭車去定唔去, 要係1-2秒間決定, 對於我呢d十級緊張既人來說係好難~學左50hrs, 到最尾學個幾次先有信心自己判斷~~有好多時比阿sir鬧到暈~~到直路就爽手, 不阻礙就轉3波...唔可以2波揸到尾~~見到唔明確就要停停諗下去定唔去~~啖定就掂架啦~~同自己講唔洗咁緊張~~揸車不外乎冷靜分析~

經歷左三次~~三張成績單, 一張比一張少tick, 最後一張只有8個~~越少tick越好架~~~真係有進步啊~為左人生加左一個好精彩既一頁~

~~拎P牌--考試後七個工作天--26/4/2016

一般拎牌要係考試日計七個工作天(星期六日唔計)之後可以到運輸處任何一個辦事處帶齊所需文件辦理, 準備文件如下:

1)黃紙(合格的成績單, 如果乙部同丙部分開合格就兩張帶埋)

2)最近三個月的住址證明( 如銀行信, 水, 電等)

3)學牌

4)身份證

5)已填妥的表格

見到有D人3日後都可以拎~~最緊要係運輸處已經有你合格既RECORD, 原本我應該4/27先夠7天~但係我太心急啦~提前左一日去左沙田個間排隊~佢有個申請牌照既COUNTER, 比晒資料佢~佢會即刻幫你做~~之後等叫名去另一個COUNTER比錢, 我地呢個係P牌一年就要$90~~比左錢就拎得個牌~會比份小冊子你睇~P牌要注意既事項~~開車唔可以超過70km, 同埋車上要貼上p 字呢d 一定要留意~~

今日終於實實在在拎到牌~~要等多一年先可以正式拎到個10年牌~~今後多多指教啦~我得你地都得架~~~大家比心機~~我都要苦練多d 先可以自己出街~~唔知幾時先有呢日~可以做車手啦~~~我會萬事小心架~~身邊家人朋友也很開心啊~~我等緊有一天可以自己揸車去買餸同車老公返工架~~