傻‧小玲^O^@部落格

好耐無打個BLOG 啦~~~呢2個月都好BUSY~~OVERCOME緊調整藥物既反應~~我相信我既進度係好既~~我要努力~~~唔講咁多~~分享既我至愛既煮食~~自從變左主婦之後~~我每日既工作都係打掃執屋同煮飯~~識煮飯之後就知道街外食既野唔太健康~又多油又多味精~~所以自家煮就健康得多~~配合我既減肥計劃~~通過如果個日無街出, 我既早餐同午餐都係自己煮架~~通常係星期一我會落超市買齊呢個星期要食咩~~放定係雪櫃就有得煮啦~唔好以為一個人食就會好求其~~因為我鐘意煮~所以一個人食都要整得好靚, 咁先可以好好享受生活嗎~~同埋想鼓勵一D 姊妹們只要有心~~可以煮到健康又美味的食物比自己~~要學一D都唔整~~亦都好多謝鬼鬼老師既日式食譜教學~~令我係呢後時間學識左日本人既健康美食~~今日介紹係我至愛既吉野家牛肉飯~~好耐無食~原來宜家普通一個飯要$38蚊~~不過又真係幾好味~~有珍珠米真係好好食

材料: (1人份) ( 食譜參考自鬼鬼老師, 再自己調整....http://oniyomeryori.blogspot.hk/2011/09/blog-post_17.html)

肥牛.................150g (大約半盒急凍肥牛, 睇下自己食幾多)

洋蔥................半個

蛋   .................1隻

牛油...............適量

調味

鰹魚粉....................1包 (5g) /汁 40ml

水       ...................50ml

日本醬油................1湯匙

味醂.........................1湯匙

糖   .........................1湯匙

做法:

1. 洋蔥切條, 預熱平底獲加牛油炒至變軟

2. 所有調味料倒入, 細火煮洋蔥變淋

3. 加入肥牛煮至剛熟就熄火, 如果唔夠汁就可以再加多少少水

4. 將預先準備好既米飯, 放上牛肉及洋蔥, 淋上汁就可以啦~~還可以放上溫泉蛋更飽肚

**溫泉蛋製法...在碗中打入蛋, 加入開水蓋過蛋, 於微波爐加熱40-60秒至蛋白呈白色 (要視乎w數而定), 再隔去水份加入牛肉飯

這個我成日都煮比老公食~佢都大讚同吉野家差不多~~連洋蔥都可以食埋架~~好甜啊~~

簡單又易既一個lunch /dinner~~一人份量剛剛好~~15mins 攪掂晒~大家也試試啊~~