過去的星期真係節目豐富哦~~星期日約左班中學同學..呢班係識左10幾年既兄弟~~有6個男仔為主幹~除左2個好姊妹..最friend係佢地..我地一齊通常都係賭錢~同埋想當年..中學時既低b野...次次都好好笑~~好開心大家都係咁純真...宜家係社會上好難得...大家既價值觀都無變~~今日其實我唔知佢地去邊架..我仲以為去一個朋友既屋企..點知佢地帶左我去西貢一個club house係對住海邊既bbq場..好靚好好view...全面有好多唔同既野食..一個個凍櫃裝住好衛生...好方便..仲有基本汽水同埋橙汁, 蘋果汁任斟...唔洗限住限住..最好既係...呢度係無限時間架...即係燒到夜晚一點都仲得..真係幾堅...最正既係仲有熟食拎..成日都refill既炸咖啡角,麥樂雞, 薯條同魷魚等等, 又有燒賣蘿蔔糕, 炒飯同炒河~味道也不錯呢...就算係唔bbq都食到飽..因為我地有2個人妻係孕婦....所以都會安心d...真係好開心..我唔知道佢地會攪到咁大..因為我好喜歡bbq 架..一大班人坐埋一齊燒下野食傾下計..我感覺上大家都對我好好...可能我是主角吧...今天的主意要老公的主意..真係鍚晒佢啊...我都知道佢出左好多力tum我開心..我更估唔到...大概差不多7點..我的至好姊妹...莊氏夫婦....突然..出現係我面前..我見到真係o晒嘴..完全估唔到....老公居然會比呢個咁大既surpise我...真係未試過..因為佢唔會係我呢班朋友到出現..通常都係我地2個自己約架咋...我本來都諗住約佢架啦..因為我倆很有緣的...我19號生日佢遲我一日20號..唔知係唔係咁..我地唔洗成日見但係就好了解對方....佢幫左我好多...讀書又叻...我都好欣賞佢..宜家2個都係人妻成日都研究家居既野..好鬼攪笑..天啊...想也沒想到有這安排..我的好姊妹同我一齊切蛋糕....真係好開心....發緊夢一樣....真係最好既生日禮物啊....我知道我老公本來想叫埋我另一個好姊妹...呢個難道仲高...可惜佢要做節..如果佢都來埋既話..我諗我真係哭出來了....宜家咁樣已經想哭啦....大家玩到成11點先走..個個都好開心..仲有大版kitty蛋糕...今個生日既第2次許願...好滿足~~
有禮物收....你們也很有心思哦...很喜歡...大家也很疼我...其實我真的好幸福哦....我會好好愛自己..不要你們擔心..愛死你們哦...我知道人間還有愛...
昨天回老公家吃飯, 奶奶給我利是....真係很好啊..我會開開心心...大家一齊睇頒獎曲禮真的很窩心...
大家都咁支持我...我真的要開開心心地過哦....^^
未到生日已經好開心啦...我要KEEP住唔好比佢停..我已經好滿足啦...真的~~~
請先 登入 以發表留言。