上星期好忙啊...由上星期日到宜家才有時間坐在家裡休息下...打下BLOG...同大家報告下做左D咩...
上星期到19號係我既生日週..開心一浪接一浪..並不是有什麼特別事情..而係我真係可以唔洗再徬徨工作..完全放低晒煩惱去享受我既12月...過往通常正日要返工...就算公司有福利...生日當天可以3點放...不過通常總有客人攪到放唔到..每次都係咁..到真係放工...往往帶著疲倦既身軀...真係食之無味..今年....無返工..精神好...
最Surprise係老公請左假陪我....就算去邊都開心..佢通常都慣左神神秘祕..前一晚我先知..^^
宜家有車車代步..真係好開心..係懶人恩物.....老公好趕咁帶我過海食好野...我又要攪個頭...遲左出門..港島又塞車...所以我地比原定時間遲左成個鐘..見到老公好忟又急..因為港島我地唔熟路嗎..人之常情...我亦都唔知去邊..其實食咩又有咩所謂..我大把貨...
好在最終有驚無險去到都仲有位...so good..係cwb一幢大廈樓上...去到見到好多人係張紙到食野...好攪笑...地方唔大...一去到有比左2支test tube既飲品..酸酸地幾好飲...之後佢叫我地揀畫布顏色...我地揀白色..一個都ok nice既員工輔張畫布係我地面前可以畫野..每樣"顏料"都係可以食落肚架...好特別...食野都可以享受藝術..幾特別架...最後個舊份子雪糕先勁啊...好似岩石咁...真係好得意同特別..^^...佢限時一個鐘就要交枱啦...每人包一杯野飲...
仲有Surpise既事...老公既朋友既女友突然出現係面前..送左2個cupcake比我...好sweet啊..原來佢係附近返工..真有心啊...
之後我地去左hyson行街街..買我既生日禮物...haha...老公無準備..咁我當然比個idea佢..想買好耐既channel 胭脂...用晒無買返啦...好like 啊...之後終於去左smile試下好hot 既yogurt...好大杯..2個人吃都飽.我地揀fruit個款...係寒冬食yogurt...正啊...人都開心晒...
我地好耐無出遠門..行下誠品..睇下野...感受下聖誕氣氛...多人到爆啊...因為落雨天...好冷...之後去左工展會...無錯.我呢個小師奶睇下有咩平野買..買左90蚊2包安記花菇...諗住比奶奶媽咪做節....又幾好味又抵...我地買左d核桃..台灣香腸咁...都唔算多人..可能下雨啦...行左陣就差不多返西貢吃dinner...
老公又係神神秘秘帶左我來呢間斯里蘭卡既餐廳..waitress係講英文..有好聖誕氣氛..木屋既設計..都幾有feel..未試過斯里蘭卡菜...雖然有咖喱但好辣..唔同印度風味...仲有條魚..用白汁咁煮..唔多骨都ok wor...寧寧靜靜又一餐...辛苦晒老公今日揸左成日車...今年生日願望好簡單..幸福, 安康, 快樂!!!
20號係我家提早冬至...真係節目一浪接一浪
媽媽煮大餐..又蠔又海鮮..真係不得了...我地個個食到飽..真係好幸福啊...仲有孖b仔係度助慶...見到佢地好奇周圍走好攪笑...佢地宜家好識聽人講野..好叻...今晚仲用左自拍神器影相tim...都不錯吧...他們望鏡頭的...我們這一家....
21號...又是冬至飯...bbq @古洞..係奶奶家做節...我地每年都好大班人聚在一起...因為有地方可以bbQ大家傾下計幾好架...我成日都覺得佢地個個都相處得好好..好開心架...大家族~~佢地都好錫我..
係去BBQ前..約左我既至愛小文姐Gather下...佢請我食雪糕火鍋啊...我地2個人食32球.肥食我地啦~~.因為我地係雪糕怪...好變態啊...哈哈~~食到好飽行下一陣....就返去做冬啦..謝謝好姊妹既陪伴啊....
阿姨都會自家製大蛋糕...真係超厲害啊...今個月我地有4個生日之星..第一次同表哥們切蛋糕...估唔到我都有份..真的不好意思啦....收到大家既祝福...我真的很幸福可以加入呢個充滿愛既家庭...
仲收到姨丈送既生日禮物~~~好可愛既充電器~~之前已經收過一隻啦...真係好開心..姨丈好錫我啊..真係有點受寵若驚...
今年雖然有點錯折..但好幸運身邊有咁多人陪我一起渡過~~來緊就開開心心迎接CHRISTMAS & 2015年啦...
請先 登入 以發表留言。