整肉餅我已經試過無數次啦~~不過次次都唔成功~~研究左好耐, 又問下2位媽媽~~驚覺原來買返來既碎肉係唔洗洗架
~唔掛之得之前跟媽咪去買餸佢地攪肉之前都洗下舊豬肉~~我真係太傻啦~~哈哈~~唔掛之得個肉餅咁散~~之後又再整~已經無洗但都係差D~唔夠媽咪奶奶個D好味~~問題究竟係邊~~再問之下原來有一個步驟好緊要架~就係要將舊豬肉打到起"膠"~即黏手~~咁蒸出來先似樣~奶奶見我唔識買靚豬肉~~於是送左夠新鮮柳梅肉比我~~教我點整~~~適逢LC煲買左返來都未用過~~一於試下整肉餅煲仔飯~~2個人再加碟菜又一餐勁簡單呢~\
今次食譜係參考"鬼嫁" 的Blogger, 佢真係好勁架~有個column係LC 料理~~仲好詳細~我地呢D 業餘的師奶都可以學下大師傅的野啊~~謝謝分享~~
http://oniyomeryori.blogspot.hk/2013/06/blog-post_21.html (詳情Click 入去睇下)
我用左佢既方法去調味, 但調整左少少~自己再加左包美味棧的炸菜木耳絲~由於我個LC 係25CM oval~比佢個個大...所以我將每個時間加多5分鐘就好d~剛蒸出來的肉餅唔會太老~
木耳炸菜肉餅煲仔飯
材料:
梅頭瘦肉................$15 (可自行攪或叫肉檔代勞)
炸菜木耳絲.............1包 (超市有售)
米 .............1.5杯 (米量杯)
水 .............1.5杯(米量杯)
調味料:
生抽 .................1.5茶匙 (因為本身炸菜絲有咸味)
酒 ................. 1茶匙
生粉 ..................1/2茶匙
水 ..................1 茶匙
糖 ..................1/4茶匙
白胡椒粉.................少許
燕麥 .................1 湯匙 (原食譜係麥皮但我沒有~所以加左煮個d燕麥飯)
做法:
1) 先將所有調味料放入一個湯碗攪拌, 再落豬肉用手順時針轉動, 直至瘦肉起膠為止
2) 將米洗好, 放入適量水一併倒入鍋內, 開中火加蓋煮6-7mins 至滾起, 以筷子攪拌
3)加蓋再煮5分鐘至鍋邊有蒸氣冒出, 轉小火煮5分鐘至飯半熟 (飯不是水汪汪)
4)開蓋加入肉餅將火加大30秒, 再轉小火煮15mins 左右(視乎肉餅厚度同鍋的大小會不同)
5)熄火讓飯焗10分鐘即成
我地因為唔想太熱氣所以唔刻意煮飯焦, 但意外地我地都有少許飯焦唔會太硬~粒粒分明好好味啊~~肉餅又唔散好味~終於整到啦~~太感動啦~~LC果然唔同~我之前用瓦煲整煲仔飯勁難控制火候~每次一係就燶晒~一係就好淋D飯~~今次好成功啊~~我無自家製鼓油啊~~用淘大的煲仔飯鼓油~要加熱更好味~~等冬天伯再整~~
其實我個25CM oval 整煲仔飯係有d大~~不過無所謂啦~~好味就得~~留意下買個20cm左右既特別色架~~yeah~~~^^
請先 登入 以發表留言。