一個月前已經跟好姊妹報左工聯會既初級-按穴療法課堂, 其實都唔知道有呢樣野學架...係友人有興趣問我,反正宜家又無咩做...所以就一齊學有個伴...$590學3個月都幾抵啊..每星期上一堂...比我想像中輕鬆同好玩, 有一半都係後生仔女...可能係太多人腰酸胄痛啦...所以自己學左可以幫自己...我都有呢個問題...對穴位都有d興趣, 試過真係得..所以好神奇啊....又唔貴...所以每星期都同朋友上個半鐘...阿sir 教得唔錯架...難得唔悶...又可以實戰,我地每堂都同同學仔一齊試下...阿sir又會輪住試我地...有時d穴位真係按到好鬼痛架...叫晒救命啊我地....
宜家學識左如果胃痛, 生理痛, 手痛要練邊個穴位...手法方面都拎到d技巧啊....當然唔可以同出面專業既比較啦..我地都係學玩性質...
上堂第二個好處係可以每星期見下我個好姊妹, 自從佢轉左份工無咁忙..我地都會幾個月見到一次...從前係一年一次...陰公..加上大家都有家室...都好忙...我同佢識左15年有多啦...不過我地又唔洗成日見...但咩都講...呢排見多左先知道佢既日常飲食習慣...再了解多左...好開心啊..我地就係個d唔講野都唔會尷尬既好姊妹...因為佢係後我一天生日...所以我硬係成日都覺得我地好夾..成日估到大家諗咩...人生得一知己真係幸福啊...
傻．小玲^O^ 發表在
痞客邦
留言(2)
人氣()
又3個月無打BLOG 啦...呢排都無事忙...無咩動力去寫BLOG, 加上身體不太好...所以好多事情都Delay左...
剛剛放完復活節假, 日日都同老公出左街..好充實, 有2天也是親親大自然, 行下山...好健康呢...不過我感冒啊....這幾天精神都不太好...
3月份我開始減藥啦....由兩粒變一粒, 我希望可以盡快唔洗食....食"心藥" 好返就好啦....我自己唯有正面思想..努力點啦~
我發覺好神奇架...食左藥會開心d....減左藥剛剛就會適應唔到...個腦子成日亂諗野..控制唔到咁....所以這幾天也跟老公起衝突..其實可能係d好無聊既事...控制唔到自己既情勢....自己當然唔開心啦..我又唔會怪老公既..因為係我問題..所以有時都唔開心會偷偷地哭出來....自己好似clam down左.....始終都唔想影響到人...
傻．小玲^O^ 發表在
痞客邦
留言(0)
人氣()
今日依舊好懶...躲在家中..前半個月日日都學車實在太繁忙啦....都未試過有幾天可以抖抖..無精神做麵包啊..訓得唔太好..好多夢發..所以精神唔係咁好...終於一口氣睇晒係圖書館借返來既書啦...借左人地2個月啦..真係樣衰啦..諗住旅行之前可以了左自己應承自己既目標先...
唔知係唔係自己練車減左食藥既份量....覺得一靜下來既時候...個人突然有種無力感..好唔開心咁樣...手同頭都好震~~..但其實無野特別掛心...
可能一諗到新年又要面對好多人...本來要喜喜洋洋但我唔開心囉...呢排又要應付妹妹既情緒..又擔心佢承受唔到..自己代左入去好擔心..最終都無事就鬆一口氣..同埋無意聽到媽咪話呢幾個月唔開心..唔知係唔係因為我..因為我病佢呢幾個月除左話講屋企有木虱同埋細佬唔肯買過將新床同掉左個衣櫃....就無其他...但我諗呢2樣都足以困擾..咁我的確幫唔到佢...間房又唔係我..唔通我幫佢買..細佬都已經開左口話唔洗..我同姐姐勸左好耐..但佢係咁既..唔會為左塞住別人把口去做..係自己想就做...迫唔到..耐何佢唔知道佢唔做...阿媽同我地講..佢困擾之餘我都好困擾...但真係有心無力..我唔知可以點..唯有一星期聽一次..我都唔想媽咪為左間房而捱壞身子...真係難攪...
傻．小玲^O^ 發表在
痞客邦
留言(0)
人氣()
忙左成個月去學車...上星期五終於考完第一次合併試啦...結果只pass左一半....只有泊位掉頭上斜落斜呢個乙部合格, 丙部的路試就多加努力啦...我有3個嚴重錯誤..都怪自己心急...平時過快線明明都ok...今次心急無睇車就想衝出去...雖然都真係出左..但比阿sir出口..知咩事啦....我既緊張攪到我心急..平時唔會犯既錯都錯左..我都知道自己唔會咁叻一take 架啦...呢2個月都已經係出練..其實剛剛夠30hours,,有d人會學50hours先會一take..我又唔係特別叻..又唔係有天份..仲要挑戰最難既棍波車...我家買了台棍波..要有車揸的話就要學..況且老公也說學棍波貨van即係1,2號牌可以揸4款車...彈性高d..所以價錢貴d都值得..係我一生人除左結婚之外...最大既投資...宜家等重考排到6月4日..仲要等多4個月...所以暫時都唔洗學住...宜家路線都熟晒....係基本功再操下...呢段時間多謝老公每個weekend自己無得休息同我操練...雖然有時佢係一個嚴教練..不過嚴師出高徙...吊極力子的確快左...雖然fail個日真係好唔開心..因為想係呢段時間了左心事..又唔想再洗咁多錢補鐘...不過諗諗下又有幾多人會一take..所以我又震作起來...來緊一星期可以留係家抖下...做自己喜歡的...plan下旅行....準備好靚心情就可以啦....
應付呢個考車瘦左2公斤啊....真係野都食唔落啊....好誇張
心情可以平復一下...靜修一下....
傻．小玲^O^ 發表在
痞客邦
留言(0)
人氣()
嘩~~~成個月未寫BLOG...因為呢個月都在忙...過左聖誕, 新年...來緊下星期五就考車啦...所以日日加操..剛剛練完回家啦...終於有時間可以打BLOG...SHARE下自己既近況...宜家滿腦子也是"轉波""拉手掣"...當初半年前報學車係為左代步..見到身邊既老公都揸左成十年...我係旁邊睇好似好易咁...點知學開車唔難...難係點去睇路面既情況...係安全情況下到步..再唔係好似打機咁...撞到都唔怕...我仲要跟老公學棍波..個個都做得到點解我做唔到...我忟自己啊...學極阿SIR都唔滿意...CHOK到想嘔...真係無想像中咁易啊...係發病之後第一個巨大壓力要面對...以前考保險試...明明只有一次機會...都係唔識同緊張..我都無好似宜家咁應付唔到,宜家可以太耐都係休養中...所以突然要考一個自己準備唔到既試..就會十級恐懼...真係仲難過會考..一來唔想Retake..因為真係好貴..無咩錢去再考...2來真係好驚撞到人...路面上令我驚慌..我知道應該信阿sir會睇住..我剛才緊張到連阿sir既指示都聽唔到..腦一片空白....比阿sir 醒...有幾次都左面太貼..其實真係好危險架....但我都唔想..驚到手都震..我呢個情況真係唔可以去考試..咩心機都無晒..連最有信心既泊位調頭都做得唔好啊....我唔可以再係咁啦....雖然係唔識...雖然係好驚...但身邊有老公幫我練...其實又有咩好怕....我比好多人好好多..可能我既反應同埋專注未練返..因為吃左藥個人會好放鬆...集中唔到...所以成日呢排都食少左藥..唔知有無影響呢...
我好想刻服佢....唔想浪費左考試既機會....我要放鬆d自己....我得既...心態上要...考唔到咪再來啦..老公咁叻都係2 take la....哈哈..我又唔特別叻...就算再考都係正常..咁樣諗應該會好d....考牌官都要顧及路人既安全架嗎~~佢有要求係正常架...~~
我要做D野放鬆自己啊....要TAKE IT EASY...RELAX RELAX~~~~
我既目標係唔比阿SIR再同我踩BRAKE....我要揸車自己去行街~~~~向住呢個目標進發..我係個安全既DRIVER~~~
傻．小玲^O^ 發表在
痞客邦
留言(0)
人氣()
上星期好忙啊...由上星期日到宜家才有時間坐在家裡休息下...打下BLOG...同大家報告下做左D咩...
上星期到19號係我既生日週..開心一浪接一浪..並不是有什麼特別事情..而係我真係可以唔洗再徬徨工作..完全放低晒煩惱去享受我既12月...過往通常正日要返工...就算公司有福利...生日當天可以3點放...不過通常總有客人攪到放唔到..每次都係咁..到真係放工...往往帶著疲倦既身軀...真係食之無味..今年....無返工..精神好...
最Surprise係老公請左假陪我....就算去邊都開心..佢通常都慣左神神秘祕..前一晚我先知..^^
宜家有車車代步..真係好開心..係懶人恩物.....老公好趕咁帶我過海食好野...我又要攪個頭...遲左出門..港島又塞車...所以我地比原定時間遲左成個鐘..見到老公好忟又急..因為港島我地唔熟路嗎..人之常情...我亦都唔知去邊..其實食咩又有咩所謂..我大把貨...
傻．小玲^O^ 發表在
痞客邦
留言(0)
人氣()
呢排唔知係唔係要學車又有野做...好似無左失眠既問題...因為天寒地凍夜晚訓唔著真係好驚架...唔通行出去睇書咩...咁凍...呢幾個星期都唔洗輔導同睇醫生...除了學車同煮飯就無咩做啦...通常無野做我個人就會懶...訓到成1點先起身...>_<...無咩動力..其實浪費左好多時間架...我知道..不過一覺訓天光又好爽喎~~唔想靠安眠藥先訓到...既然今年都差不多完結..係時候都要比D目標自己...做晒自己想做既野...搭埋心水....再出發..不過如果宜家突然活躍返我又有D驚...要逐步來..預計最遲新年後就找工作....投入返社會...
其實我之前係圖書館仲借左一大堆書...都未睇...宜家目標係努力比心機睇埋D書先...希望有所得著...睇書可以調整自己心情...學到好多野....不過我成日個心都唔靜..好難叫到我靜靜坐係度睇書...要加比勁..
就快聖誕節好似咩都未準備...今年不要太忙..跟家人及老公靜靜地過好了....太多Gathering 反而比較累...又要提早準備什麼的啊....比較緊張~~只要簡簡單單開開心心就好了~~
傻．小玲^O^ 發表在
痞客邦
留言(0)
人氣()
過去的星期真係節目豐富哦~~星期日約左班中學同學..呢班係識左10幾年既兄弟~~有6個男仔為主幹~除左2個好姊妹..最friend係佢地..我地一齊通常都係賭錢~同埋想當年..中學時既低b野...次次都好好笑~~好開心大家都係咁純真...宜家係社會上好難得...大家既價值觀都無變~~今日其實我唔知佢地去邊架..我仲以為去一個朋友既屋企..點知佢地帶左我去西貢一個club house係對住海邊既bbq場..好靚好好view...全面有好多唔同既野食..一個個凍櫃裝住好衛生...好方便..仲有基本汽水同埋橙汁, 蘋果汁任斟...唔洗限住限住..最好既係...呢度係無限時間架...即係燒到夜晚一點都仲得..真係幾堅...最正既係仲有熟食拎..成日都refill既炸咖啡角,麥樂雞, 薯條同魷魚等等, 又有燒賣蘿蔔糕, 炒飯同炒河~味道也不錯呢...就算係唔bbq都食到飽..因為我地有2個人妻係孕婦....所以都會安心d...真係好開心..我唔知道佢地會攪到咁大..因為我好喜歡bbq 架..一大班人坐埋一齊燒下野食傾下計..我感覺上大家都對我好好...可能我是主角吧...今天的主意要老公的主意..真係鍚晒佢啊...我都知道佢出左好多力tum我開心..我更估唔到...大概差不多7點..我的至好姊妹...莊氏夫婦....突然..出現係我面前..我見到真係o晒嘴..完全估唔到....老公居然會比呢個咁大既surpise我...真係未試過..因為佢唔會係我呢班朋友到出現..通常都係我地2個自己約架咋...我本來都諗住約佢架啦..因為我倆很有緣的...我19號生日佢遲我一日20號..唔知係唔係咁..我地唔洗成日見但係就好了解對方....佢幫左我好多...讀書又叻...我都好欣賞佢..宜家2個都係人妻成日都研究家居既野..好鬼攪笑..天啊...想也沒想到有這安排..我的好姊妹同我一齊切蛋糕....真係好開心....發緊夢一樣....真係最好既生日禮物啊....我知道我老公本來想叫埋我另一個好姊妹...呢個難道仲高...可惜佢要做節..如果佢都來埋既話..我諗我真係哭出來了....宜家咁樣已經想哭啦....大家玩到成11點先走..個個都好開心..仲有大版kitty蛋糕...今個生日既第2次許願...好滿足~~
有禮物收....你們也很有心思哦...很喜歡...大家也很疼我...其實我真的好幸福哦....我會好好愛自己..不要你們擔心..愛死你們哦...我知道人間還有愛...
傻．小玲^O^ 發表在
痞客邦
留言(0)
人氣()
12月係我最期待既月份...雖然我朋友唔算多..但係都總會有幾個會跟我慶祝一下生日哦..一年到黑做慣攪手既我...到年尾終於可以休息下..等人安排比我..其實咩都唔洗理都不錯..我只要我的好朋友及家人簡簡單單吃個飯..開開心心聚埋一齊已經好開心啦..就是這麼簡單...哈哈..今年好唔想過但都要面對既告別2字既生涯..真係話其實大個女啦...要活得更開心..更精彩...我好珍惜宜家所擁有一切...身邊有好多錫我既家人及朋友...已經足夠..雖然跌到.但我亦是要相信.我會自己爬返起身..努力追求我既夢想..不要想太多...努力投入精彩既人生吧..人生都沒幾多30年呢...
昨日老公出左cwb做激光..沒錯是他不是我..因為他面上的暗蒼太利害啦...真係不知道為什麼會這樣..是壓力吧..還是不夠睡..這很影響他心情..我已經用左好多方法也不能好返..她有個朋友做美容的很好啊..試下幫佢做激光看一下有沒有效用..因為太早我沒法子跟他出去.我要冬眠啊..但我有起床煮早餐給他先去啊...想不到老公去cwb也記掛著我..自己的東西沒有買..買了我很喜歡又捨不得買的甜點給我..是sogo很出名的..hello kitty marcoon 及牛乳蛋糕kitty造型的呢..我知道很貴哦..自己行過也不捨得買啊..so sweet...好幸福他經常買我喜歡的tum我..
那個蛋糕真的捨不得吃掉..可愛到呢...^^..最後還是吃掉了..軟綿綿的蛋糕配奶凍...很特別
在家稍作休息後, 老公約了朋友出去..而我在家做好家務差不多時間就回媽媽家準備今晚我的生日慶祝~~
傻．小玲^O^ 發表在
痞客邦
留言(0)
人氣()
昨晚終於有覺好訓..因為食左訓覺藥..不過其實昨天早起身...個人其實都幾累架..有覺訓天光好爽..好耐未試過..唔記得有無發惡夢..起身仲想訓..今朝約左見輔導員去九龍城..早餐都食唔切..每次見完都有得著..$350真係唔講得笑..佢地真係好勁..其實入到一個房仔好簡單咁好似傾閒計..佢地會問下你對呢件事既睇法...佢知道我係一個好considerate既人..佢想我係攪活動既同時..除左見到別人開心既時間自己會開心..佢想我係過程中都會得到滿足感而ENJOY去幫人...佢成日話我最喜歡替人做嫁衣牚..人地開心我就開心...我都係架...不過要FOCUS多D做自己令自己開心既野....
佢分析到我細個因為家庭關係..對人無信心..因為無安全感..成日要同人隔一隔個安全空間先安心...佢明白既..你叫我諗一諗..過去既野就由佢啦..
到宜家呢一刻無人會再傷害我...身邊有家姐,細佬, 2個好姊妹,老公等等錫我保護我..我唔需要再驚..要建立返到人信心..
就算第時出去做野同人合作都要講個信字..放過人地...都等於放手自己...我要衝破呢個黑暗時期..投入另一段精彩新生活..
傻．小玲^O^ 發表在
痞客邦
留言(0)
人氣()
今日去左北區做第三次覆診, 記得對上一次見醫生個感覺唔多好..因為個醫生好惡..好似想趕我走咁...今次老公特意請左半天假陪我...真係個心定好多....不過我自己當然要學會獨立啦..因為唔可以成日為左陪我而請假.佢好忙架..我都唔好意思架...今朝好早起身,好耐無試過咁早起身...昨晚又諗緊D野失眠..我發覺我好少事就會帶埋入個腦到揮之不去..明明好眼訓..但都係訓唔到..連續3天...真係就快支持唔住啦...明天還要見姑娘輔導架...我的黑眼圈想遮都遮唔住啊...好嚇人...
去到醫院要比左錢先...最驚既事情終於發生..見到親戚...我每次好彩都見唔到..今次好在有老公係度...無咁怕..見到都要硬著頭皮上前打招呼..老公同佢傾計..我就去比錢先可以見醫生...到最後最擔心既問題出現..佢問我地睇內科定外科...(其實我真係唔知點講..咩科都唔係..係精神科@_@..我成日都怕比人知..帶有色眼鏡睇自己..我知道咁樣唔啱..不過又唔知道可以點處理)..老公居然話我都唔係好知..(哈!咁都得..呃鬼咩), 我好緊張就道別完拉左佢走...鬆左一口氣..下次我緊要來..有機會又預到..我下次要勇敢一點要面對...話比佢知我睇甲狀腺 (好多人都唔知咩來)..應該也OK 吧...
我地坐左成個鐘醫生先見我地..今次唔知做咩等咁耐..再見醫生..佢係中年既男人來架..應該有好多年經驗...佢問我食左藥點..我照同佢講頭2個星期會比較辛苦同埋情緒起伏好大..成日都喊...同埋嚴重失眠...不過其他就無咩..佢話比我試新藥因為佢比舊藥少副作用..我都同意既..起碼不會胃痛吧..之前既舊藥會...佢見我老公係度..佢都好詳細解釋..無好似好趕時間咁..又幾好..好有耐性傾左9個字...嘩..真係賺左啊...有家人陪係唔同D...佢話我本身有甲狀腺功能亢進底...就算驗到正常個一刻..但因為甲狀線既內分泌直接影響情緒..其實有可能成日都會波動個指數而我唔知..因為我地唔會時刻CHECK住..所以我的情緒起伏係會大...好似糖尿病咁斷唔到尾..唯有可以做既係吃藥穩定返個水平同埋KEEP返好的生活..放輕鬆..做下運動, 因為會釋放安多芬...令人開心D...減少壓力令佢唔好爆發..會係有幫助..但係佢會係毫無原因地發作..因為我係內分泌影響而唔係周圍環境影響較多..就算身邊無咩壓力亦都可能會唔開心...哎呀...咁真係令人沮喪喎..好似唔可以預防..但唯有盡量令佢唔惡化..好似個計時炸彈咁..又複雜左..點解我個甲狀腺會咁..???真係唔知架...不過算啦..我呢個病都唔算太嚴重..係個人DEPRESS D...又唔洗戒口..好過好多人架啦...我應該要珍惜..同埋好好對待我呢個身體...盡時三餐..早睡早起..已經是盡力地過好生活...之前完全唔會架...
仲有另一樣野..醫生可能見我地後生會CONCERN...佢話千萬唔好因為有呢個病而唔生BB..因為就算吃緊藥..如果情緒穩定自己又Handle到既話..可以照樣計劃生bb...只要即刻停藥...到懷孕完之後先食返藥就ok...當然要好好take care..因為孕婦d 荷爾蒙會亂晒..情緒有機會波動d但又未至於會令個病惡化...醫院會keep check住..見佢咁講我都安心d..即係唔係完全唔可以諗..不過要自我感覺良好先...咁都好d..所以我要乖乖好返...咁就可以有健康既身體生bb...不過我知道呢d野唔急得...
傻．小玲^O^ 發表在
痞客邦
留言(0)
人氣()
昨天做左好多野...下午去左元朗駕駛學院學車..已經係第2堂..之後會密d..因為我下年月尾就考..仲有個多月...不過我應該係熱愛揸車..雖然都唔係揸得咁好..視線依然差少少...唔知點解轉完彎都係比較難揸返直線..下堂要再努力點啦~~
去到元朗學..因為個度比較偏僻, 駕駛學院有免費穿梭巴士送我地過去, 5分鐘就到...超方便...不過由我家去元朗都真係要大概1小時...好遠呢...去到有個幾新幾FASHION既LOBBY比大家休息等考車..因為有時巴士同學車時間唔match.所以變左真係要等幾個字先到...今次一去到阿sir就比我開車..好在我返家都有溫習..仲有老公幫我...我記熟晒d步驟..開車無難道..不過始終直線就仲差少少..成日都剷左上行人路....真係大獲...@_@...今堂阿sir 教我轉波..無錯我是考棍波貨van...勁呢...係度挑戰自己...不過其實有少少擔心自己handle唔到..不過比d信心..做得司機旁邊都算有少少路面經驗吧..哈哈~我覺得自己轉波都ok..起碼只死過一次火...係個半小時內裡面...算係咁啦...哈哈...由1波轉2波有d速度感..覺得好爽..只係有個心理包袱係...成日都會驚撞到野或耆人..阿sir話佢會幫我睇住...唔洗驚....我下次要更比信心自己..i can do it....阿sir成日都話我唔夠自信..可能我成日都將自己既自信建立係人地既肯定方面..所以會咁..今堂係個場內勁轉圈...真係頭都暈啊...最後阿SIR教左上斜停車同開車..有少少技巧不過都幾易..呢個係考試之一來架...希望下次會做到...
就係咁我會成日將阿SIR教既野寫低係本手冊到..因為驚無記性嗎..自己溫返都唔怕...
傻．小玲^O^ 發表在
痞客邦
留言(0)
人氣()
