傻‧小玲^O^@部落格

有一個星期沒有打blog啦..這星期每日都過得好忙....無晒時間啊...

由星期一開始就係咁整麵包...今次係造型麵包..即係放係麵包機到用佢搓粉既功能...等佢完成第一次發酵後就拎出來造型...就真接係焗爐焗...咁樣就會軟d同好食d....係真架..從前做得麵包第2天就會變硬...好難入口..宜家放2-3天都可以...

今個星期挑戰左幾款包...紅豆包....菠蘿包...雞尾包...腸仔包...真係多得有網上既好心食譜...做一次已經成功...初初以為係我個麵包機唔得..宜家越來越覺得原來係麵粉同做法都會影響到架...所以好喜歡整...雖然都係隔夜...唔係新鮮出爐...但已經好多了...等我做多幾次先同大家分享下心得...唔post 相住啦...

分享下自己今個星期做左乜...

呢間"公主房"我買左幾年..一直返工都無時間整..宜家放假係TASK LIST其中之一...終於完成啦...一直好想自己有間咁既房...不過係DREAM..既然現實唔許可..整個模型比自己開心下...做工可以嗎？

上星期去左AEON感謝日掃貨...買左個中型既瓦煲..想試下煲仔飯同雞煲個D...100咋..平底既..不過唔好用來炸同煎..始終會唔好...

試左整煲仔飯..滑雞飯不過水份太多..失敗左....下次會再試...

登登...呢個係肉骨茶...本身上年去沙巴買左盒試...就快到期就煲來試下..又幾好飲唔辣..溫和既...煮左比老公DINNER...佢都差不多清晒....自己仲加左D白菜同豆卜又可以當一餐..幾好...

FRIDAY...

今晚約左靜雯姐DINNER..成2個月無見...佢宜家轉左工得閒左...所以可以見多D...過往佢太忙..都成半年先見一次...同埋加上我早排唔舒服就唔想見人...輔導員鼓勵我搵多個姊妹傾下..會有幫助..當然我會諗起佢啦..我地同一星座諗野都幾似...前後生日..識左16年啦...有呢個好姊妹真係好幸運...我地大家都做左人妻..傾既野都變左係家務既野..哈哈...真係好鬼攪笑...今晚去左我至愛既ITALIAN TOMOATO...我地坐左2個半鐘真係無所不談....最後吃個CAKE..大家都飽到傻...傾完真係幾開心幾舒服...

仲有係..星期5亦都係我第一日學車..第一堂已經要開車揸直路...都幾驚..不過要扮鎮定...比個好印象阿SIR...好在老公之前幫我補過課...未至於咩都唔識...有個根底...哈哈....轉波係最難..但原來我OK...最唔OK既係..行直線...原來係最基本但我有D做唔到....救命....希望下次會好D...可能我自己打慣車GAME...將個軑擰到好誇張..所以架車左搖右擺...第一堂都算係咁..開左停車...開車..倒後...期待第2堂...個阿SIR都幾好人..希望可以一TAKE PASS....

再同大家分享下我既戰利品...呢條短項鍊我係好多雜誌見到..唔同款...好適合襯PLAIN既衫...超喜歡超推....^^10幾蚊...FROM淘寶...

昨日同老公去萬寧行街見到個Kitty 水杯連3個綠茶包...$69...老公即刻拎住最後一個送左比我啦...好靚好喜歡啊...我由小到大到係kitty 迷...但係從來沒有水杯係kitty..因為通常都係媽咪買...kitty好貴..到大個女終於有一個...飲水都開心d...

呢2星期始乎適應左d藥....心情有好一點..雖然暫時沒有找工作的壓力..不過自己內心其實有點擔心之後既路要怎行...不過船到橋頭自己直...唔理啦...令自己真正做到放下放鬆才會有精神迎接新生吧..我是這樣想的....