又3個月無打BLOG 啦...呢排都無事忙...無咩動力去寫BLOG, 加上身體不太好...所以好多事情都Delay左...
剛剛放完復活節假, 日日都同老公出左街..好充實, 有2天也是親親大自然, 行下山...好健康呢...不過我感冒啊....這幾天精神都不太好...
3月份我開始減藥啦....由兩粒變一粒, 我希望可以盡快唔洗食....食"心藥" 好返就好啦....我自己唯有正面思想..努力點啦~
我發覺好神奇架...食左藥會開心d....減左藥剛剛就會適應唔到...個腦子成日亂諗野..控制唔到咁....所以這幾天也跟老公起衝突..其實可能係d好無聊既事...控制唔到自己既情勢....自己當然唔開心啦..我又唔會怪老公既..因為係我問題..所以有時都唔開心會偷偷地哭出來....自己好似clam down左.....始終都唔想影響到人...
宜家開始嘗試下多d去見下人...只限最close既家人同朋友...發覺大家也在為工作而忙碌..而我自己又係度唔知做緊咩咁..好唔積極啊....又產生自己好廢呢個念頭..會有個畫面諗到..自己好想積極d做返有用既人...家庭主婦係好..但係我知道自己唔可以長時間咁落去...好似退步緊...跟唔到時間既步伐.....諗緊人生係為乜野...其實真係有好多野要處理....去做又唔做....唔知點樣先可以令自己積極D...
為自己SET左個timetable, 每日都做唔到....產生左個惰性係度....咁唯有諗d野積極d去做...仲唔可以再係咁啦..
身體都唔好...係呢幾日病個人先可以早dd 訓....我係出返來工作之前, 我要調整好自己既時間, 有強健既body做野都醒神d.
接受唔到自己咁懶啊~~真係要比d要求自己....
有時覺得宜家呢個與世隔絕既感覺好正啊....無需要再為人地既睇法而煩惱..又唔洗交代..自己喜歡做咩就做咩~~~多好啊...
我知道宜家呢個自己係受傷既小鳥, 唔可以急要慢慢來....要小心保護自己唔好復發...咁就最好啦~~~
我要加油...記住姑娘所講既...早睡同做運動, yeah yeah~~~
請先 登入 以發表留言。