我本人好喜歡食年糕, 但老公唔喜歡, 因為無咩特別...而我就喜歡佢既口感~所以買左包韓式年糕附韓式辣醬比自己得閒煮下~~咁大包真係可以分4-5次煮
一個人就唔洗煮咁多..又唔洗咁複雜, 好食就得啦~~今次用左簡單材料同方法去煮~
材料:
韓式年糕(條狀)..............1杯
紹菜 ..............1/3棵
雞湯 .............一盒 (約250g)
蒜頭 .............一粒
薑 .............一片
韓式辣醬 ..............2茶匙(視乎個人口味)
做法:
1)先將年糕解凍同洗淨
2)燒熱油獲, 下薑蒜爆香, 加入紹菜炒軟
3)再倒入年糕炒香, 加入辣醬同上湯煮滾, 細火煮約10分鐘, 待汁濃即成
因為我唔係太食得辣, 加再好少辣醬煮咋~不過加埋菜同上湯煮年糕更入味~~
請先 登入 以發表留言。