超耐無寫過食譜啦~~真係好懶~~見到其實原來都好多人會留意到'今晚食乜餸"來拎d idea, 當然我自己都係啦~~每日諗煮咩比老公食...真係一個大大難題~~又要唔重覆..又要簡單易煮~~真係唔係一件易事~~做左2年全職師奶唔多唔少都有d心得, 算係可以keep到水準~~我要努力再研究下新菜式~~見到老公辛苦返到來有餐飯食完滿足的樣子就是我的動力~~各位靚靚人妻朋友們要加油哦~~只要肯嘗試~~無野係做唔到~~個個都會係大廚~~
好啦~~唔講咁多入正題~~我同老公都好喜歡食花甲~~因為唔洗吐沙~~又大隻~~比蜆好味好多~~不過唔係成日有咁大又平既花甲買~~一斤好似$30~40左右~2個人好夠食~~~
今次試下用唐芹,大頭菜的簡單油鹽水煮法~~可以食出花甲平身鮮味~今日買到又平又大既花甲, 一斤有咁多..其實佢無咩沙~不過循例用水養住佢~煮之前我會保險d用擦每隻擦下安心d
材料:
花甲............................1斤
粉絲............................半包 (不用浸水)
大頭菜.......................一小包(雜貨店有售)
唐芹.........................一扎 (同莞茜差不多但大條D, 搵左幾個街市先有)
薑 ........................1片切絲
蒜頭............................3粒(切片)
陳皮.........................半塊浸軟切絲
好啦~~準備好晒材料就可以煮啦~~好快攪掂~
做法:
1. 燒熱油獲, 下蒜頭及薑爆香,
2.下3杯水滾起轉中火, 加入大頭菜, 陳皮, 胡椒粉煮3分鐘
3. 加入粉絲同花甲加蓋煮3-5分鐘至花甲全部打開, 再加上唐芹即成 (可以試味睇下夠唔夠咸, 由於大頭菜係咸所以唔洗落鹽, 如果唔喜歡芹味可以不加)
**咁樣食就可以食到花甲既鮮味, 當然用蜆也可以, 不過要吐沙, 而花甲就無咩沙)
我地都好喜歡整花甲OR 蜆食架~~夠平又有營養~~唔會太肥膩~~
請先 登入 以發表留言。