傻‧小玲^O^@部落格

傻．小玲^O^ 發表在 痞客邦 留言(0) 人氣()

      今個星期五六日做左好多野...好BUSY既3天...但心情好似好點...好過自己屈起屋裡面....
星期5等老公放工..本來諗住唔出街..但老公話出去行下..去左沙田...周圍都好多人...搵食其實好麻煩架..今次試新野...去左間新開既日本CAFE..係食咸PANCAKE..都幾特別..坐既位置有CUSHION幾舒服..不過就有限時90分鐘..2個人就夠...款式唔多..飲品比較多..有MILKSHAKE , COFFEE,酒個D特式野..都幾貴...38-68既價錢..無SET 架...睇下我地食左D咩..
叫左個煙三文魚牛油果咸PANCAKE..呢個推介..另外係墨西哥炒飯..有飯焦的..仲叫左個紅豆抹茶奶昔...呢個正啊....$68都幾貴...試一次好了...試左新地方...
之後又係行街既時間...我地自從有自己家庭..我就成日都會行一田超市..睇下有咩特別食材買...成個師奶仔咁...哈哈...變左無興趣買其他野啦...同老公又睇下鞋..去下書局咁...咁就一晚..生活就是這麼簡單已經足夠..反而覺得自己做野既時候就算放工都唔可以Relax...幾辛苦架...宜家就可以真正享受做個普通既師奶...都蠻不錯...

(繼續閱讀...)

傻．小玲^O^ 發表在 痞客邦 留言(0) 人氣()

    今天是星期日...都比平時早起床...先弄個早餐給老公..海鮮炒烏冬啊...老公也讚好味啊...用了李錦記的甜鼓油食譜...也有加蒜蓉...可是在街市買回來的烏冬麵就不太好吃...要趕快把它吃完.....
接著我們到家附近睇開個中醫...我地2個都睇...調理一下身體..希望快D幫到我個病啦...希望有用啦...
之後老公駕著車要出去睇車....我地好耐無出遠門..自己無左車之後就邊到都懶得去啦.....所以可以出街好開心哦...

(繼續閱讀...)

傻．小玲^O^ 發表在 痞客邦 留言(0) 人氣()

    昨晚打完BLOG之後..唔知係唔係夜得仔...又眼光光等天光...今晚真係試下早D先....@_@...今日早左起身...同老公趕住去銀行處理下D事務...
因為星期六...銀行比較多人....等我都慣..唔知係唔係之前自己銀行好多崗位都做過....其實完全明白BANKER既辛苦...所以我知道要等係正常..但我明白唔係個個客人都會理解..見到有其他排隊既客人嘈d職員..自己就好忟...可能自己都受過..所以特別體諒同敏感..我們這些銀行從業員真的很辛苦....幸好我已經離開...但還會有些害怕...
攪掂左之後...老公同我去左我家附近最近新開而我又至愛的餐廳....ITIALIAN TOMOATO...好開心不用等位..這是星期六啊...又可以食我喜歡既意粉....又有蛋糕...老公揀既紫薯黑森林蛋糕..

(繼續閱讀...)

傻．小玲^O^ 發表在 痞客邦 留言(0) 人氣()

傻．小玲^O^ 發表在 痞客邦 留言(0) 人氣()

很久沒有寫文章啦，今次終於鼓起勇氣寫下自己既抗病經過，其實想抒發一下同希望更了解自己既想法，因為過往一直再逃避自己既身體聲音，沒有好好對待自己的身體哦...結果身體跟我起革命啊~
其實3個月前，由於工作上突然出現了些症狀，好像是手震,心跳,呼吸唔到,情緒好激動(平時的我不會跟人起爭執)，出汗但其實是在冷氣地方，而且每晚也做惡夢睡得不好，每天起床上班就覺得身體好震動，頭暈至天旋地轉一樣...好似是世界末日...已經跟上司請了很多日病假，覺得有點不妥，所以出中環看一看我的甲狀腺醫生...是的...其實我之前有甲狀腺功能亢進，經過一年半的藥物治療,於今年2月已經停藥了。這個病其實跟情緒病好似，病發的時候也是心跳手震冒汗的。
有好有壞, 好的是醫生說我的甲狀腺指數正常...沒有復發, 這是7月份的事，壞的是可能有其他精神緊張之類的問題，初時我很抗拒,但離開診所之後越想越害怕，其實去看一下能夠心安，為何不嘗試呢？就這樣我便打比醫生叫他給我轉介信...是同一層的另一個女精神科醫生。終於鼓起勇氣約了醫生約一星期後到診。當時心裡在忐忑不安,怎樣跟老闆說呢？怎樣跟家人說？怎樣跟老公說？這是一個比甲亢更難以啟齒的病....我並沒有歧視..只是不相信自己也會有情緒病...因為我的性格是一路以來是比較堅強,喜歡靠自己,勤力做野唔懶惰,EQ奇高...(被家人訓練到), 好快就會唔記得唔開心既事...從來唔會生別人的氣....但可以由細到大一直忍下去比較多...問題一直沒有解決。
由到等睇醫生的一個星期間,我依舊上班...但脾氣同態度變了另一個人一樣.....也察覺到自己平時不會為意的小事也在意....工作效率特慢...(平時我很快...因為已經在工作崗位3年多啦....有些同事不知道會說我很慢....我因為咁而好生氣...平時我係唔會架..我還會反撃呢...那一定不是平時的我...大家不知道我有病...所以不可以怪他們....老闆雖然無咩講....但我知道他很好,我請假他從不過問....都會問我身體....其實呢個老闆都算好好..唔會迫我返公司....畢竟我其實平時都可以做到好多野架...係我病重既時候也盡力簽左張單....都算係咁...

(繼續閱讀...)

傻．小玲^O^ 發表在 痞客邦 留言(0) 人氣()