傻‧小玲^O^@部落格

    昨晚早左少少訓..都係要少少時間先可以訓著..今朝其實8點左右醒左..因為懶..又想訓多陣..就斷斷續續訓多左陣...又醒下又訓下..因為今天老公不在..唔洗煮飯..亦都唔洗出街..就係屋企好好休息..越來越喜歡留在家..播著自己喜歡既音樂...點著薰衣草香薰...坐係沙發上睇書..這就是我小玲的悠閒生活...好享受..家也是我唯一既安全地帶...真係唔想離開..呢4個月與這個家相處久了..有時間好好享受這個家..幼時被摧毀那個家...宜家自己一手一腳建立返..仲有我至愛的人...我相我可以做到..活在過去太多太多的包袱...我跟本無考慮到自己有多大能耐去應付..到宜家最好既時光就崩塌了..想都想不到..可能好多時自己面對事情唔想靠人既時間...自己就吞左落去..唔知道自己根本受不了...顧及太多...做野就左思右想...什麼事也攬上身上...其實好多野..無左自己都可以好順利..因為自己完美主意..迫自己做個好好既人..唔可以出錯...自尊心太強了...要學懂放下...

同埋我知道其他人都會好錫我...我對人好..人地係會知道...真朋友既會係有難幫你一把...幸好身邊也有...我對朋友都是義不容辭的!!曾經一個朋友既經歷影響我好深..真係好擔心..我就係咁...付出友情...愛情105%..唔望回報...

我唔知道我自己係唔係一個好好人..不過我諗我唔會係衰人既...做事問心無愧....就OK 啦....

今晚的生日派對係我咁多年來第一次缺席..因為咁多年來都係自己攪各個朋友的生日.一年應該有6-7次啦..今次身體唔好..放手唔攪..佢地都會一樣處理到...其實用不著去操心...但一直咁多年來的堅持也沒白費..起碼總有人會記起我會問候下我..我也想情緒好一點才活躍返...永遠要臉子的我...係別人面前要漂漂亮亮..精神生猛...我好期待我既復出...

今天午餐是自家製的方包再加2塊火腿及蛋烘底既腿蛋治..很好味..好滿足啊....

下午茶是老公之前買給我吃的chesse cake...無論咩味道...老公買的心意就已經覺得很好....他常常也買點我喜歡吃的逗我...

我知道他工作壓力也很大....再面對呢個無精打采的我...我知道他一定好辛苦...結婚剛滿一年...b就生唔到...病就有...這是我們的一個考驗吧..我嫁左比個蠻貼心的老公..佢會鼓勵我..支持我..無放棄我..我諗我揀得對...人生總不會一帆風順..我諗如果佢唔係揀左我..識個開朗同積極既女仔..佢既人生應該好好多...我成日都覺得我唔係佢最喜歡既類型...我份人都幾負面...我都唔想變左第2個媽咪...咁會好痛苦架...我要活在當下..要加油...好快會見返以前那個開心快樂既我....

今日就係咁比自己休息下..放鬆一下....