傻‧小玲^O^@部落格

一個月前已經跟好姊妹報左工聯會既初級-按穴療法課堂, 其實都唔知道有呢樣野學架...係友人有興趣問我,反正宜家又無咩做...所以就一齊學有個伴...$590學3個月都幾抵啊..每星期上一堂...比我想像中輕鬆同好玩, 有一半都係後生仔女...可能係太多人腰酸胄痛啦...所以自己學左可以幫自己...我都有呢個問題...對穴位都有d興趣, 試過真係得..所以好神奇啊....又唔貴...所以每星期都同朋友上個半鐘...阿sir 教得唔錯架...難得唔悶...又可以實戰,我地每堂都同同學仔一齊試下...阿sir又會輪住試我地...有時d穴位真係按到好鬼痛架...叫晒救命啊我地....

宜家學識左如果胃痛, 生理痛, 手痛要練邊個穴位...手法方面都拎到d技巧啊....當然唔可以同出面專業既比較啦..我地都係學玩性質...

上堂第二個好處係可以每星期見下我個好姊妹, 自從佢轉左份工無咁忙..我地都會幾個月見到一次...從前係一年一次...陰公..加上大家都有家室...都好忙...我同佢識左15年有多啦...不過我地又唔洗成日見...但咩都講...呢排見多左先知道佢既日常飲食習慣...再了解多左...好開心啊..我地就係個d唔講野都唔會尷尬既好姊妹...因為佢係後我一天生日...所以我硬係成日都覺得我地好夾..成日估到大家諗咩...人生得一知己真係幸福啊...

  每個星期都要諗食野地方, 今晚去左美心香港地...因為感冒好多熱氣野唔食得...見到有個電飯煲蒸飯咁得意...就試下老公成日話好味既窩蛋牛肉飯, 因為我真係未試過...點知呢樣野要等足半個鐘, 好朋友都食完我仲未到, 佢真係成個電飯煲上, 都幾大個, 比隻生雞蛋自己落落去...但原來個牛肉唔係免治牛肉, 係山竹牛肉d frd,, oh my god, 我係唔係生竹牛肉,仲要將d飯撈到好勻....結果就吃了一半左右....其實係我唔喜歡食呢種...下次唔食啦..都要$56, 仲要等咁耐..

之後食完拿拿臨落去, 因為友人既老公揸車接我地返家...真的是太好了....我地傾好如果上堂, 兩位老公輪流接放學...我們真幸福啊..當然大前提係佢地有時間啦...^^

就係咁, 每個星期四都會好期待同好忙....

呢幾日感冒迫左自己1點前上床訓覺, 其實都唔早...但之前我要3點先訓到...宜家早d訓, 再迫自己9點起身...夠8小時健康D

唔想再浪費自己時間, 所以set 左個timetable比自己早睡早起,做下運動, 打下blog, 做家務等等....

要養返好身體, 感冒遠離我啊....

希望由今天開始盡量keep住寫blog, 唔好浪費我喜歡拍照既習慣嘛~~宜家唔like玩fb, 係呢度低調share下都幾好啊....