傻‧小玲^O^@部落格

之前上網見到成日都有人介紹好多抹茶甜品, 其實我又唔係特別話好LIKE...真正喜歡係去完日本之後...因為個度咩都係抹茶...被佢綠色而又唔膩既味道吸引...所以打完邊爐又經過佐敦就去左呢間近期好紅既日本人開既甜品店

<宏>

地址: 佐敦白加士街15號藍馬商業中心地下

係佐敦地鐵站C2出口行2分鐘

店舖小小, 入到去好乾淨既感覺, 我地9點去到, 可能係閒日唔洗等位, 見到好多人都會食佢既熟食, 差不多坐滿一半...見到係蛋糕櫃一個中年既師傅, 唔知佢係唔係日本店主呢...呢道主打抹茶甜品, MENU都算幾多選擇....

由於我地食左飯, 叫左2樣甜品試啊...

上面個個係蛋糕SET, $50 配斯里蘭卡紅茶, 可以REFILL 熱水飲架...通常出面CAFE係唔比..呢一點我覺得好貼心...茶具好靚, 抹茶蛋捲好味, 又唔太甜, 好鬆軟, 唔似出面硬冰冰既蛋捲...好味...!!!蛋捲配紅茶好夾啊...

 $78 -抹茶芭菲, 好足料, 雖然貴左D...但係見到佢好開心...

抹茶雪糕唔苦, 仲有軟糍, 抹茶啫喱, 蛋糕同玉米片,好好味..建議2個人share一杯啊...好飽啊..

餐廳設有洗手間亦都非常乾淨...日本人開既餐廳真係有保證, 好似去左日本咁..估唔到香港咩都有得食...會再過來啊...