傻‧小玲^O^@部落格

  我實在太懶啦...成2個月未寫過BLOG, 因為之前都在忙同埋自己既病情唔係太穩定..所以沒精神寫啊...其實都想寫多D..等自己面對返少少大眾...差不多10個月...其實都盡量唔想幫自己倒數...會好緊張的...呢段期間..為左令自己唔好惡化..我做事上來都有D要留意...

• 唔可以提早諗定將來的事,會緊張到晚晚訓唔著,呢方面老公幫我諗晒,真的辛苦佢
• 唔可以面對太悲傷同負面,會承受唔到,身邊既人都好體諒我
• 唔可以出太耐街,尤其係一個人沒人陪既時候,好怕見陌生人
• 大事自己處理唔到
• 唔好諗人地諗咩

呢幾樣野我都盡量會做好~~免得刺激自己又累到人...宜家睇醫生D藥又係咁食,但其實想開始逐步去減,始終想靠自己去好返..但身心要配合

要好感激我老公,比我一個好舒適既環境我養病, 唔洗我太擔心財政的問題, 當然也是好節儉的生活吧...

這段時間愛上插花..自家製小花瓶, 很日系FU 呢...我也很喜歡,雖然一星期都要換一次...擺唔得耐,但見到花也特別開心哦~~~充滿朝氣~~

4月中到6月, 我不斷去練車...因為去應付剛剛考完既棍波van路試, 結果, 又fail...可以都係自己大意又緊張, 一開車就..>___<

真係唔知嬲定笑好....我自己都幾唔開心...好在個日老公有陪住我...個心都定D..呢D講彩數...我承認可以再好D...唯有11月再試過啦..我唔會灰心...雖然都唔開心左好耐..因為今次練左好多堂...好比心機...帶病在身...始終都欠一點...希望下次我會好一點吧...

好吧,這2星期唔洗學車...咁啱D覆診又係晒6月...好不容易這星期才沒有節目...其實我宜家不喜歡出街行街..唔洗係咪怕人...留係家個感覺舒服D...大訓特訓..好似前世未訓過咁...但因為晚上睡得不好....所以翌日會覺得好累..無野做我又唔想起身....

平時我起身除了做下家務外, 我會整麵包比老公做早餐,我做下午茶, 一整就3-4小時..其實好用時間架...所以平時趕時間就無時間整...麵包機真係好好用...宜家終於諗到一機出幾款麵包, 等老公唔洗咁悶, 今日整左STAWBERRY JAM 包, 紅豆包同芝士棒, 食譜我遲D POST, 之前係書城買左好多整麵包同甜品既書...超方便...仲有好多新款未試過...正啊~~

有時間仲可以食住自己整既包同嘆杯啡~~呢個TEA真係正啊~~~就係咁..簡單既生活...我也不會悶..只係現在也很難做些事會令自己開心..成日都覺得自己好忙...忙東忙西的..不知為什麼呢~~

下星期老公帶我出國,因為之前講過出國我的精神狀態會好點, 他就帶我去台灣啦~~真係開心...係香港好似好有壓迫感...可能我還有恐懼吧...

所以宜家在家努力PLAN行程中...等我忙完要寫返個遊記分享下..因為我PLAN旅行都有一手...尤其係食個方面~~~

今次向花蓮, 宜蘭進發~~~