炎炎夏日, 香港天氣最近都成30度以上...真係咩胃口都無晒~~所以夏天食D瓜果就消暑到啦~~今晚係青瓜炒雞脾肉~好耐無煮過呢樣餸~準備時間約1小時15分鐘啦~
青瓜炒雞脾肉
材料:
雞脾肉...........1塊(街市買通常$15兩塊, 記得揀雞脾肉, 我試過用雞胸肉"鞋"到暈~
青瓜 ...........2條
蒜頭 ...........2粒
薑片 ...........2片
1. 先將雞脾肉切條, 洗淨, 抹乾後用酒, 鹽, 鼓油, 油, 雞粉,生粉醃一小時
2. 將青瓜間紋咁去皮, 切好洗淨
3. 下油將雞脾肉走油至8成熟, 然後拿走原獲再爆香蒜頭及薑片
4. 加入青瓜炒軟熟, 落鹽,糖,雞粉及之前炒過既雞脾肉炒勻, 再下一碗水大火焗5分鐘 (因為瓜類較硬所以要焗耐D)
5. 待青瓜軟熟至半透明再炒勻即成
唔洗10MINS就攪掂~~其實煮飯唔係好難既~~只要有菜有肉就一餐啦~~~我做女之前都係唔識煮, 成日都係睇煮媽咪覺得好似好複雜~~宜家有頭家又唔想日日外賣~所以我都會學返幾道家常小菜傍下身~~
文章標籤
全站熱搜
留言列表