傻‧小玲^O^@部落格

荔園係我地細個玩得最多既遊樂場~我依稀記得內面既大笨象~孔雀, 玩船仔, 鬼屋, 同丟香口膠~~我地個陣應該幾歲~~家人好鍾意帶我地去玩~因為之前無海洋公園~所以荔園對我地一家人來說真係一個好好既回憶~~但原來我老公細個係未去過~~隨住1997年正式關閉~估唔到今年summer又會係中環重開,雖然只係開2個多月,  當然來懷念下啦~~

基本資料:

日期: 2015年6月26日-9月3日

地址: 中環龍和道九號中環海濱活動空間   

開放時間:11am-11pm (6月26日下午6時起開放)

費用: 免費入場; 參與遊戲須購買代幣 ($10一個代幣, 一個遊戲通常都要用2-3個代幣, 所以都幾貴啊~~)

佢係正摩天輪旁邊~玩完荔園可以坐摩天輪~我地就無坐啦~因為好貴啊~~今次帶埋老公家人...隨便逛逛

荔園正門, 由於係免費入場, 人數都唔少啊~當係拍拖節目都好啊~又可以行下附近海旁~大家快d把握機會啦~~

一入到去見到最多人既地方就係電動大象"天奴"的位置啦~~雖然唔係真, 不過仿真到幾高架~大部份人都排隊玩呢個丟蕉遊戲, 丟得多就有獎品大象公仔送~其實隻大象都幾高...所以要擲中都唔易, 如果有人擲中佢會噴水同發出聲音~真係好佩服製作單位的創意~我還記得舊時我都餵過大象吃蕉, 佢自己會吸架啦~~仲有異味tim...係我第一次近距離見到大笨象~

另一個吸晴既位置係呢個巨形恐龍屋, 我就印象不大..唔知舊時玩咩, 但宜家就變左條巨形滑梯, 小朋友玩到樂此不疲~這是自拍的最佳位置~我們都有拍呢~

再來經典擲階磚~宜家都係送綠箭~~我地有人掟到啊~~真利害~之前都玩過~好似用5毫子好易就中架啦~宜家要用2個代幣啊~~

$10換一個代幣, 真貴啊~~我地用換左10個~玩左幾個遊戲~hea 玩就算啦~

經典的船仔...適合小朋友玩~~呢個細好多~兒時個個好大架..我地玩左好多次..所以我特別記得~

我地既收獲係擲飛標到有一個細獎~~當係留念~ 

就係咁就玩左一陣啦~~裡面有個歷史館係免費, 有返以前的報導~介紹下舊時荔園~重拾昔日既回憶~希望將來再有機會見返荔園啦~~

過左下午4點後去無咁曬, 行都行得舒服d~