已經5月天啦~~天氣悶悶熱熱~~香港既天氣有時都高達30度~~真係堅熱啊~~夏天剛剛來臨, 又係木瓜盛產的時候~~我好鍾意煲呢個湯, 因為好開胃同埋滋潤~~落魚同肉煲都ok~~再加埋雪耳同雞腳~~係女生既恩物~~ 木瓜具有防治高血壓、腎炎、便秘和助消化、治胃病,對人體有促進新節代謝和抗衰老的作用,還有美容護膚養顏的功效 ;雖然我唔食雞腳, 不過飲呢個湯就可以吸收晒個d 骨膠原啦~~d雞腳真係煲到熔晒~~成個湯都好多膠質~~唔講咁多睇下有咩材料準備, 都唔太難架~~今次係用肉煲~
材料: (2-3人份量)
木瓜....................................1隻 (煲湯就揀生d 既, 青皮就對啦)
雞腳....................................6-8隻(我去超市買一盒)
花生....................................適量 (一小碗)
眉豆....................................適量(一小碗)
紅棗.....................................5粒(剪開去核)
肉眼/豬展..........................$20 (因為已經有雞腳所以唔洗咁多)
果皮.....................................1小塊
做法:
1. 將花生眉豆紅棗洗淨備用, 木瓜去核起肉切件, 雞腳洗淨斬去腳址甲, 肉眼洗淨切細, 連同雞腳放入冷水開中大火飛水至水沸騰關火, 沖水備用 (這樣可以去除腥味, 湯會更清甜)
2. 預大半煲水, 凍水將所有材料加入, 大火至水滾煲半小時, 轉細火煲1.5小時, 再加鹽調味即成
又是一道簡單又好味的健康湯水~~
留言列表