傻‧小玲^O^@部落格

又係木瓜湯...之前講完用肉同雞腳煲~~宜家講下用魚煲~~我超喜歡呢隻湯...魚湯眾所周知係好有營養架啦~~這個湯水清熱潤肺, 健脾養胃, 潤腸通便, 一家大小也合適~不過有D人會覺得煲魚湯好麻煩同好難~~但其實只要記住D簡單的小撇步~在家也可以煲到奶白色既湯水~~我都係嘗試過好多次先至成功咋~~大家努力哦~~~而且已經豬肉價格比魚貴好多~~如果驚有骨又唔食魚~~用鯇魚尾煲湯又唔洗落湯袋又唔怕有骨~可以安心飲啦~~

材料: (2-3人)

鯇魚尾....................一條 (去街市魚檔通常佢都劏好晒放晒出來, 揀條新鮮既魚尾就OK LA...都唔洗$30)

木瓜......................一個(青皮的熟木瓜, 裡面係紅肉, 如果用青木瓜我都未試過)

雪耳......................1-2隻(用水浸開已經發到好大隻啦)

薑...........................2片

做法:

1. 將魚尾洗淨抹乾再抹上少許鹽OR 生粉防黏底, 下油中大火爆香魚尾至金黃, 侈入凍水用大火煲5-10分鐘,此為奶白色魚湯的做法, 必須要凍水加大火才有這個效果)

2.加6碗清水, 再加入所有材料, 水滾加入魚尾連湯, 慢火煲1小時, 落鹽調味即成

p.s: 魚湯不宜煲太耐會破壞魚的謍養及味道, 而且魚湯不宜隔夜因為海鮮易變壞, 新鮮即飲最有營養~