傻‧小玲^O^@部落格

上網睇到有好多媽媽都唔清楚驗到有左之後應該接下來要做什麼~~好迷茫~~我都係~~所以不斷爬文~~睇下有咩要做~~

係大家係屋企驗到有左既時間~~通常都係5-6 week~~~左右~~如果period準既~~大概係過左期14日驗就最準~~~不過clearblue個隻可以準到period前4日已經可以測到~當然越遲就越準確

電子個隻其實好準~~咁之後我覺得大概6-8 week左右就可以約醫生做第一次檢查~~如果太早佢未必同你照~~可能都會係比驗孕棒比你自己驗~~所以到6 week左右都係照陰超~只係照到胎窶~~到8 week就會照到心跳同bb 架啦~~不過可能因人而異~~

到照到bb同心跳既時候~~我地有左張懷孕證明就可以開始安排一連串既檢查~

首先，你要決定究竟想去公立醫院定私家生bb~~~咁而我為例就係政府醫院生~~因為收費平又係香港人福利~~所以都安心既~~所以我係一收到醫生證明之後就去我住個區所屬既婦產科醫院登記~~

由於我住北區~~所以就要去沙田威爾斯親王醫院登記~~

產科(新症)預約帶備以下文件:

1.有效之香港永久性居民身分證(正本)

2.產婦或配偶的住址證明(由發出日期起六個月內有效)

3.香港註冊中西醫之懷孕證明, 並寫上預產期

香港永久性居民既產科檢查係完全免費架~~就算開藥都係唔洗錢~~終於覺得自己係有福利啦~慳唔少~

婦產科專科門診

辦公時間

星期一至五: 上午9時至1時; 下午2時至5時 (星期六,日及公眾假期休息)

因為weekend係唔開架~~所以要上班既媽媽可能要請半日假去登記~~不過宜家好似可以用醫管局既預約通app預約新症好方便~~方便媽媽唔洗請假~

我係8week左右就拎齊資料去登記~~如果搭火車的話我去馬鐵既第一城站出~~行大約5mins左右就到醫院門口~~李嘉誠專科診所南翼都幾遠~~我就係急症室旁邊有指示牌跟住走~~都要行10mins~~會去到北翼抽血中心個到~~再過馬路去對面~搭lift上2樓~~係1號窗排隊~~我個日都多人~~有個姑娘比定form我填~~都係填基本資料~~等左大約20mins就交晒文件比個姑娘~跟住就坐低等叫名~~本身我仲諗住去報埋d免費產前講座架~~但係原來未做過第一次產檢係唔可以報住~~唯有下次先~~

各準媽媽記得帶口罩~~因為醫院始終菌多~~

咁我等左大約半小時~~被叫名去3號窗~~~姑娘會比返一埋文件你~~叫你下次去健康院檢查時拎去~~仲有2個預約紙~~1個期係照oscar 唐氏綜合症篩查~~我好好彩佢安排到我係12week4日去照~~根據醫院提供資料11-13week照都有80-90%準確~~如果中期照就70%~~第2個期係臨生前一個月左右返來見醫生~即係話除左呢2次要返威院~~其他時間產檢都會去返就近健康院檢查~都好既~~近D唔洗出沙田咁遠~我個邊健康院係我家附近~~拎完期就走得~~呢個時間就已經自動留埋床位架啦~~到時就會係呢度生架啦~~

咁其實好多媽媽都會好似我咁一方面由於係政府生~~所以會去健康院同政府到登記做產檢~咁起碼生個時有個紀錄~知道你有咩病史~~但係要留意既係~~健康院產檢頭7個月通常係6week一次~~仲要係無得照超聲波~~所以如果想密切檢查住bb~~而經濟情況又許可~我地都建議媽媽會出去搵私家做產檢安心D~~就算中間出左咩問題都可以早D知道~咁以我為例~我個醫生就每4 WEEK左右做一次檢查~~每次收費大約800-1000左右~~應該係中價左右~~因為係婦產科轉科~~我知道有D診所都可以照超聲波~不過我覺得搵個專科安心D~~老公公司保險都可以Claim少少幫補下~

雙管齊下一齊檢查更安心~~不過都有d慳錢小秘訣~~雖然我係私家產檢~~由於我自己比較多毛病~~好似有甲亢同貧血仲有肝炎前科~所以如果呢d安排係我下驗都好貴~~但如果交返比醫院驗~~雖然報告係會等耐d~~同埋如果無事佢唔會打比你~~自己要等2星期~但檢查費用係全免~你只要同醫生講就得架啦~~呢方面我覺得醫院都好細心~

但有D檢查政府真係無既話~~咁我地先至自己去私家安排~

以下有幾個重要日子要記住:

1. OSCAR 唐氏綜合症篩查~懷孕11週至13週6天之內

呢個通常政府會安排~~但個期未必係以上呢個範圍之外~~所以未必最準~~呢個測試係好緊要~~所以我就算安排左早期照~但係因為都擔心~~所以就去診所做左T21 ~~抽血就已經驗到~準確度99%

這個遲D會分享~

2. 高解像胎兒結構超聲波~懷孕20週至22週之內

呢個係第3個BB檢查既重要日子~~係照結構~~初初我都以為係同普通產檢一樣只係照得仔細D~原來唔係架~~要用第2 D機~同埋唔係個個醫生都有呢個牌去做~~所以我一知道我個間無得做就BOOK左第二間約21 week左右做埋佢~~過埋呢關就安心晒啦~~~所以大家記得預早少少約期係~~唔係過左時間就會照得無咁清楚~~

最後，係醫院登記完之後~~佢會比左D資料你~~話你知你應該打去邊區健康院安排第一次產檢~~同埋打電話既時間係有限制架~~所以大家睇好資料就自己打去約姑娘~~我就安排左係12week左右做第一次產檢~

之後約6 week做一次~~

所以我地會係12 week之後就會成日都去檢查~~~開始忙碌既生活啦~~