傻‧小玲^O^@部落格

上次講到終於照完唐氏~~好不容易過了12week~~個個都話頭3個月要好小心~~所以我都格外要戒口~~因為真係唔想有咩閃失~~未做過媽媽既真係唔知~原來頭3個月真係咁辛苦~~我係頭4個月先對~~

之前因為頭4個月都好唔舒服~~所以都無咩出街~~除左產檢之外~~我都係係屋企休息~~好幸運我唔洗返工~~~可以抖下~~BB都長得好好丫~~由我驗到有左8week開始~~個胃就好辛苦~~野又食唔落~~

本身我自己個胃又唔好~~可能係咁我既害喜情況都幾嚴重, 綜合我的初期不適如下:

-反胃~食咩都想嘔~飲啖水都嘔

-無胃口~為左生存而吃幾口~~唔會覺得肚餓~食量比以前食少左2/3~~~

雀巢防敏媽媽會~~雀巢防敏1000天準爸媽湊b實戰坊

日期: 2018年5月1日

時間: 下午2時至下午4時

地點: 旺角帝京酒店六樓喜宴堂

剛滿3個半月~~第2次去既講座~~上網D mama group話實用同多禮物~同埋都大型d又有實戰~想學多少少湊bb既技巧~咁我又試下抽睇下中唔中~~感覺上應該容易中~~~揀左下午場~~無錯~~前2日剛去完美素佳兒~~今日勞動節假期又來~~

係我剛滿3個月之後~~害喜攪到身體狀況唔好~~唯有留在家好好休息~~呢段期間真係好灰架~~野又食唔落又攰~~所以要搵d野做比自己轉移下視線~~上下網睇下有咩可以做準備~~

見d準媽媽穩定左之後都會加入各類型既媽媽會~~~遲d開post再講~~~因為要加入各大奶粉商同bb用品既會先可以優先報佢地講座~~好似話會抽籤~~其實免費既產前講座真係好多~~不過我又唔係太舒服~~唔想個個都去~~~所以就睇下D comment邊個禮物豐富D內容唔錯先報名~~所以揀左大家都推介既美素佳兒 產前講座~~都係網上報名既~~我見係月尾咁我都差不多4個月可以聽定~~同埋個個話個三角枕好有用~~咁又係免費既~~好快就收到SMS通知出席~感覺應該唔難抽~~

<美素佳兒 陀B輕鬆好EASY產前講座 >

地點:旺角帝京酒店6樓喜宴堂
日期:2018年4月29日 (星期日)*

今日12week 4day~~等左好耐既威院照唐氏~~俗稱"度頸皮"~~係一個月前已經拎左期~好在醫院比到個近期我咁準確度就準D~雖然我自己有出去做T21~~不過安全起計都係度埋頸皮穩陣D~~因為我係呢度生B~有個RECORD都好~同埋今日老公都請左全日假陪我~~我地上個禮拜去完產檢之後~~再隔幾日又見到BB~~真係好開心~~

約左下午1:30~~咁我同老公都早左起身剩係食左早餐就揸車出去~~好在有車咁唔洗搭火車咁遠~都等我舒服D~~辛苦晒老公~泊車都唔平丫~~~一次半次唔緊要啦~

去到李嘉誠專科門診南翼~~搭LIFT上2樓就係產檢既地方~~"婦產科專科門診"

呢幾個月我都係咁進出呢個地方做產檢同聽講座~所以要熟D~~去到已經見到好多人~~今日星期4希望唔洗排咁耐~~去1號窗排隊~~都等左20分鐘~~跟住姑娘就會問你今日見唔見埋醫生~~如果見埋就會同你取消左9月個期~~我心諗是但啦~我有睇出面唔怕既~所以佢就比左張紙仔我...示意我去常規個到度高, 磅重, 量血壓同驗小便~~基本上係自己來~~有姑娘同你紀錄~~要留意係驗小便個時係要自己帶樽~無就要去便利店買~~~咁我當然有帶啦~~~費時帶住去洗手間留~~同健康院一樣~~睇下你有無糖尿咁~~跟住自己拎試紙放去樽仔到~~~無事就拎埋張紙仔走得~~出去大堂睇住電視等叫名~~~姑娘都講要攪成個下午要食定野~~

心諗弊啦~~無帶野食又唔行得開~~一陣會餓~~雖然我都係孕吐期無咩胃口但老公都要食架嗎~~所以叫老公去便利店買D野返來食~~結果我地等左約30MINS左右有叫名~~我心諗咁快~~

又過左1個月~~今次終於3個月啦~~所有野都穩定下來~但我孕吐依然~~

今次又去見BB~~~好期待丫~~這次已經架輕就熟~~自己拎試紙去驗尿~量體重同量血壓~~再等醫生~~

之前一個月都食得好差~~所以都擔心BB會唔長大~~

今日照已經唔洗陰超啦~~~可以直接上肚皮~~~方便好多~~老公依然有陪伴在旁~~今次好開心~~BB大左好多~~好明顯睇到個頭仔同身體~~仲有腳~~我地係個MON到係見到佢會moving架~~好得意~~

bb生長得好好~~keep住係12week~~心跳都好澎湃~~腳仔踢下踢下咁~~比之前又大左一個碼~見到佢肥肥白白我地都安心~~~同埋今日3個月啦~~算係過左危險既時期~~真係好開心~~

上網睇到有好多媽媽都唔清楚驗到有左之後應該接下來要做什麼~~好迷茫~~我都係~~所以不斷爬文~~睇下有咩要做~~

係大家係屋企驗到有左既時間~~通常都係5-6 week~~~左右~~如果period準既~~大概係過左期14日驗就最準~~~不過clearblue個隻可以準到period前4日已經可以測到~當然越遲就越準確

電子個隻其實好準~~咁之後我覺得大概6-8 week左右就可以約醫生做第一次檢查~~如果太早佢未必同你照~~可能都會係比驗孕棒比你自己驗~~所以到6 week左右都係照陰超~只係照到胎窶~~到8 week就會照到心跳同bb 架啦~~不過可能因人而異~~

到照到bb同心跳既時候~~我地有左張懷孕證明就可以開始安排一連串既檢查~

首先，你要決定究竟想去公立醫院定私家生bb~~~咁而我為例就係政府醫院生~~因為收費平又係香港人福利~~所以都安心既~~所以我係一收到醫生證明之後就去我住個區所屬既婦產科醫院登記~~

好不容易又等左2 week~~由於我唔洗返工~~所以呢2星期都好似好難過~~平時唯有煲下劇~~睇下書打發下時間~~有時都會上網搵下資料睇下有無媽媽同我一樣差唔多情況~~但有時越睇越驚~~到後期我都無睇啦~~產檢前一晚又係訓唔著~唔知係咪咁~~當日真係有d口淡淡~~無胃口~~胃頂住~~d懷孕反應真係準到呢~~d人話通常8 week就會開始~~

今日又係約左1點~~如常去診所~~做晒常規檢查就等醫生叫~~我同老公真係勁緊張~~真係希望今次可以同BB見下面~~今次都係照陰超~~醫生一搵左一陣~~螢幕就見到子宮裡面有粒野~~醫生話呢個係BB~~

我同老公好開心~~好感動~~鬆左一口氣~~~~勉強都見到佢係2頭身~~有個頭仔~~手腳未睇到~~但對我地來說已經好感動~~之後醫生仲比我地聽BB 心跳~~佢去到167~~好強既生命力~~真係好奇妙丫~~係呢個時候~~我地個心可以定落來~~今日照到俗稱既" 閃閃"~~即心跳~~即代表佢係正常~~跟住再去返醫生房見醫生~~醫生問我Period一向準唔準~~我話遲2-4日左右~~因為之前有睇開中醫~~已經準左好多~~跟住醫生推測到個預產期係2018/10~~~嘩~~好開心丫~~即係同老公同一個月份~~唔知會唔會同一日呢~~好方便可以一齊慶祝~~醫生話如果我食完手頭上既葉酸都可以轉食MATERNA~~孕婦綜合維他命~~個營養全面D~~仲開左懷孕證明~~有左呢張證明~~我地就可以去排政府拎床位啦~~

雖然今日已經Confirm到我懷孕~~不過依照中國人傳統我地係唔可以講住~~要夠3個月穩陣d~~不過父母可以講~~之前一早同左媽咪講~~到今日正式confirm就再同老爺奶奶講~~大家都好開心~~

我同老公可以放心~~檢查完之後仲去慶祝~~去左CAFE食好邪惡既炸野~~之後夜晚去家姐到食飯~~聽到大家既祝福真係覺得自己好幸運~~

好不容易等到6weeks~~~即係新年過後1星期~~呢日我地等左好耐~~我同老公都好緊張~~我前一晚仲係失眠tim~~~因為唔知係咪真~~唔係照唔照到~~相信這個心情係媽媽先會理解~~不過我見到老公都好緊張~~但佢好好~~有安慰我~~~今次第一次產檢約左係星期六~~老公又可以陪我~~我地約左1點~~朝早我地係屋企煮麵食~~食飽飽先去~~以免餓親~~

其實今日6 weeks都唔係話好唔舒服~~但開始會口淡淡~~但又未嚴重到食唔落~~診所係油麻地~~地點比較偏僻~~老公揸車車我去~~等我舒服點~~~

準時去到診所~~~比我想像中大規模~~同時有2個婦產科醫生Share個office~~有4-5個姑娘係到~~比我感覺好安心~~而且姑娘都好nice~~我地入到去就比身份證登記~跟住就自己拎左張試紙~~按姑娘指示去洗手間去小便浸下佢~~再放落紙杯到~~返來就比姑娘睇~~呢個步驟係要每次都驗~~驗尿婦~~1.尿蛋白 2.尿糖~~應該係觀察返有無妊娠糖尿病同其他毒血症~~~都好丫~可以安心d~

跟住姑娘就會好親切咁叫你個名~~叫你去磅重同量血壓~~我可能緊張~~所以血壓好高140~~上壓~~我知道孕婦係比正常人高少少~~~120以下都正常~~我平時係100-110~~所以姑娘都好驚叫我坐一坐Relax下先再量~~咁我又抖左陣~~再量回復返110~~咁就好啦~~因為係懷孕時血壓高會有機會患上妊娠毒血症~後果可大可小~~

再等多陣~~就入去見醫生~醫生好後生好NICE~~好細心咁問你過往病歷~~再問你幾時驗到有~~~仲派左張飲食禁忌~~估唔到西醫都有~~

成4個月無打BLOG 啦~~~因為過去3個月都好唔舒服丫~~不過係有開心事分享~~~話說我地都其實一直想生BB~~因為好鍾意小朋友啦~~同埋已經結左婚4年啦~~2口子都好開心同滿足~我地都好想有自己既孩子~可惜結左婚之後~我又不斷因為焦慮症病情不穩~要長時間吃藥所以就無考慮~~當我係2年前下定決心戒左藥~(注意係要經醫生指導才可以哦)~~等我開始返返工作~~前篇有講因為工作性質唔啱所以做了5個月就請辭~那就是合適時間開始計劃下啦~~點知去完個日本返嚟~~做完例行BODY Check之後~~發現到我中左甲型肝炎~~>_<應該係咁啱食左唔熟既海鮮~~結果計劃又一再推遲~~要過多3個月等個肝酵素回復返先可以再計劃~~如是者又1月變到10月先可以開始準備~~~其實計劃懷孕係有咩要準備呢？我緊係唔知啦~咁當然要請教我姐姐啦~~~佢生左對孖仔已經好大個啦~~有姐姐真好~~可以請教下~~

好啦~~由10月開始~~我就好努力地上網找資料~~說什麼優生~~點樣同咩方法去懷孕都會影響bb同受孕機會~~我見到身邊的例子都唔係咁容易就可以生到BB~~有關體質~身心狀況等等~~其實沒有什麼公式~~

刻意去戒口又未必係會咁快成功~~不過都聽中醫講~~想懷孕就要好好養好子宮~~多休息~~少壓力~~~盡量戒飲凍野~~咖啡~~~咁以我為例子啦~~因為人人都唔同~~我就係計劃懷孕開始就已經食定葉酸

   葉酸 Folic Acid GNC 400MCG   ($160)

• 有助胎兒腦部發展

HAPPY NEW YEAR 2018~~新年快樂~~~!!

好耐無見~~過往2017年都好忙碌~~好多野做~~睇返原來都成年無分享自己既野~~其實我成日都想分享自己既野比大家知~~係呢件年都學唔少野~~收收埋埋都夠同大家講~~

來緊2018年希望可以經營返呢個BLOG~~~~幫到自己之餘又可以幫到大家~~雖然我近一年都沒更新~~但好多開心見到大家都有睇我既BLOG~~所以令我更有動力將我呢4年既人妻心得同大家分享~一齊做個靚靚人妻~要入得廚房出得廳堂的~~

咁我又係咁易回顧下我上年做左D咩~~其實上半年我係好忙既~~因為我搵到份政府工~~心諗~~咁耐無做過全職~都有人肯請我~~雖然係最低既文員職位~~人工唔高~不過聽講準時收工又返5天~~又HEA~~心諗緊係好啦~~見工都要2次~~不過唔難~~基本野~~都好幸運我被選中~~結果我就懷住少少驚既心情~~一試心態接受左個offer~~

1月中返工~~training 左3日~~因為呢個職位係請好多人架~~再分派去唔同部門~所以之前見工都唔會知返邊到~~上training最尾個日先知~~勁緊張~~而且屋企人都好支持我返份hea工熟習返~~上堂個陣都無咩野~~我仲要係唔太驚同d同學仔交流~佢地都好好~~唔太AGRESSIVE既人~~因為做得政府工都必定係唔求好進取~~我都要讚一讚自己可以克服到~~仲可以同佢地一齊食飯同搭車~~上堂個陣已經有幾個部門話唔好入會好忙同好驚~~有圖書館~康文署~民政處~警務處~運輸處~~都係要返SHIFT 或者超忙或者好恐怖~我心諗唔會咁好彩既~~當時仲唔識驚~~最慘係你返左3日工都未知自己做咩~~最後一日TRAINING~~放學前派信封~~我知道自己做警務處~~同另一個同學仔都係~要去灣仔總部辦手續~~當時都未知驚~~心諗就算警處都唔驚~有寫字樓架嗎~返灣仔幾好~我一直都想返寫字樓工~~有自己既working desk~唔洗坐counter對客~第二日去到人事部辦手續~~填左一大輔form~~mpf~~personal info等等~~咁大個女都未參觀過警察總部~~樣樣野都好新奇~~睇下見唔見到一哥~之後我同另一個同事就安排去影pass相~~好專業架~~即刻拎得~周圍行個d都可能係阿sir madam~~跟住攪左一個早上~~人事部同事終於派左張紙仔我地正式去邊返工~~係~無錯~~係宜家先知~~所以你明白我有幾不安~~我見到張紙寫住~荃灣分區總部~~oh~~真係返警局唔係office~~另一個同事好好咁留返係總部人事部~~>_<~~我心諗why me~~莫非佢認為我係u grad所以比d難道我~~我抱住好擔心既心情搭車去大窩口既分區總部搵返我個bosS~~好日唔去警處~~今日就警處一日遊~~好艱辛個搵到個疑似BOSS~~佢同我打左招呼~收左我張紙又比返張紙我~~跟住又同我講我唔係返呢度~~直接去青衣警處報到~~>___<~~心諗~攪咩丫~~又唔係呢到~~我走左2轉~~跟住搭車去我既終極返工地方~~"青衣警處"~~我仲未知自己做咩架~~因為警處都有好多部門~~我心諗點都比返份文職我啦~~救命~懷住緊張又不解既心情去到報案室~其實我勁驚~~因為呢一刻開始全部同事都係阿SIR~去到搵個警長~~打招呼~~我心裡面幾驚~~以為係阿SIR都惡~但佢地其實好NICE好好人~~佢終於話比我知我做"證物房"~~我心裡即刻產生強烈不安~~上堂miss講最恐怖既地方之一~~~阿sir已經講左好多將會面對同發生既事~~我個一刻真係完全接受唔到~~如果要我講就有排講~~等大家有興趣先再講啦~