傻‧小玲^O^@部落格

很久沒有寫文章啦，今次終於鼓起勇氣寫下自己既抗病經過，其實想抒發一下同希望更了解自己既想法，因為過往一直再逃避自己既身體聲音，沒有好好對待自己的身體哦...結果身體跟我起革命啊~

其實3個月前，由於工作上突然出現了些症狀，好像是手震,心跳,呼吸唔到,情緒好激動(平時的我不會跟人起爭執)，出汗但其實是在冷氣地方，而且每晚也做惡夢睡得不好，每天起床上班就覺得身體好震動，頭暈至天旋地轉一樣...好似是世界末日...已經跟上司請了很多日病假，覺得有點不妥，所以出中環看一看我的甲狀腺醫生...是的...其實我之前有甲狀腺功能亢進，經過一年半的藥物治療,於今年2月已經停藥了。這個病其實跟情緒病好似，病發的時候也是心跳手震冒汗的。

有好有壞, 好的是醫生說我的甲狀腺指數正常...沒有復發, 這是7月份的事，壞的是可能有其他精神緊張之類的問題，初時我很抗拒,但離開診所之後越想越害怕，其實去看一下能夠心安，為何不嘗試呢？就這樣我便打比醫生叫他給我轉介信...是同一層的另一個女精神科醫生。終於鼓起勇氣約了醫生約一星期後到診。當時心裡在忐忑不安,怎樣跟老闆說呢？怎樣跟家人說？怎樣跟老公說？這是一個比甲亢更難以啟齒的病....我並沒有歧視..只是不相信自己也會有情緒病...因為我的性格是一路以來是比較堅強,喜歡靠自己,勤力做野唔懶惰,EQ奇高...(被家人訓練到), 好快就會唔記得唔開心既事...從來唔會生別人的氣....但可以由細到大一直忍下去比較多...問題一直沒有解決。

由到等睇醫生的一個星期間,我依舊上班...但脾氣同態度變了另一個人一樣.....也察覺到自己平時不會為意的小事也在意....工作效率特慢...(平時我很快...因為已經在工作崗位3年多啦....有些同事不知道會說我很慢....我因為咁而好生氣...平時我係唔會架..我還會反撃呢...那一定不是平時的我...大家不知道我有病...所以不可以怪他們....老闆雖然無咩講....但我知道他很好,我請假他從不過問....都會問我身體....其實呢個老闆都算好好..唔會迫我返公司....畢竟我其實平時都可以做到好多野架...係我病重既時候也盡力簽左張單....都算係咁...

到睇精神科的醫生啦...因為是女醫生...我更加心安....因為是私家醫生...所以有很高貴的登記處...跟其他診所沒分別,只是比較隱敝...可能是關注病人私隱...其實第一次去心情滿緊張的。但因為是平日所以老公沒法陪伴, 等左半個小時....終於到我...入到去是很大的醫生房間....有位聲音很柔和的女醫生,看上去應該都滿有經驗的，一開始就問下我個人資料,家庭背景,工作,唔舒服既情況...問得非常詳細...好似傾計咁....傾傾下...佢推斷我應該患上嚴重的GAD (廣泛焦慮症), 即係咩都擔心無特定既原因...但似乎已經影響到生活同工作...她勸我好好休息放鬆同轉工...工作可能是比較重要的來源....其實銀行我已經做左7年..當中受氣既可以積埋唔少....到忍唔住就爆發。第一次佢建議我食藥放鬆同埋出去搵d私人既心理治療。初初聽到食藥,當然抗拒....剛剛好不容易才停了甲狀腺藥...再做埋身體檢查想打算生小寶寶...現在又要食藥至少一年....那我的生育計劃又遲了....醫生勸我生bb之後諗..宜家要穩定左個病先...不過佢見我咁抗拒..比左輕量既藥我...又比左隻鬆弛法光碟在家做練習....叫我選擇下食唔食藥..一食就唔可以停...確實要考慮。

回到家當然心煩..食唔食藥...點醫呢個病..要用好多錢嗎？這些問題困擾住我...然後問一下我有個做社工的好朋友....她經常接觸有關這個病的人..她跟我說有2個方法去醫治,食藥會更快個療效...再搵下出面心理輔導..她很好..推介醫生,輔導員給我..老公跟她也幫我約了個機構輔導員幫我...她們實在太好了....她說這個病很普遍..會醫好的...另一方面,我亦有跟我家姐說....她擔心我...叫我不可以拖..因為她有朋友跟我一樣...吃藥才會控制到...經過咁多討論...因為想快D好..吃了第一個療程的藥...是2粒訓覺藥(鎮靜劑)及抗抑鬱藥20MG...是低劑量.

距離下次覆診...我有幾天也是出不到門...起身返工就會頭暈...成身震...很誇張啊我...吃了藥晚上是睡得很好...但白天亦是一樣....

到覆診時間..今次老公陪我...我地見醫生...我說影響比想像中嚴重....見到醫生跟老公對話..我知道佢很擔心亦很緊張我...我就忍不住落淚..自己病不要緊,但要身邊人擔心實在不想..所以醫生認為我要休息...先考慮辭工再想吧...結果給了我差不多一個月的假期...我亦好好跟老闆在第2天請辭...他很好有挽留我..說我可以休息夠才回來...公司可以留位置..本來我也動搖..實在不捨得離開3年半的工作崗位..我的同事..我的客人...但為了令個病快點好返...我知道我需要沒牽掛的休息...同埋轉行..這才是真正的幫到我...老闆明白也接受了...就是這樣...我就休息了一個月...

這一個月還是員工..所以公司的問題也要處理..所以不算很休息...因為中間有試新藥..有2星期都是作嘔沒胃口...辛苦得瘦了5公斤..吃了訓覺藥就真的是嗜睡...睡到老公也收工我才起床...但好似也不夠...亦覺得自己很浪費時間但控制不到..這個月沒有什麼心機...沒有出門約朋友(除了覆診及做輔導)...但又唔知自己做過咩..

一個月後覆診..病情好了點..拎埋轉介信...由於私家每次800-1000左右太貴...所以為了節省...轉了到公立醫院看...排了個半月就到了...也很快...這也是我要回公司收拾物品的一天...這一天令我緊張了很多...好在輔導員有一直在幫我.....結果當天...我請了大家吃糖水...前晚每人弄了一張書簽...寫我想講的說話...老闆當然是卡呢..收拾好自己既野..交代晒客人既事...跟各同事道別...照片也沒有拍...就跟這公司揮手..出去門口也不捨..但我要養病..我要新生活...所以就係咁..結束了3年半的工作...心也定了點

接下來2個月亦是我治病的關鍵時期，首先十分感激老公無條件比我做少奶奶直至我個病好返...我想左好耐..但唔想因病囉...再要多謝雙方家人..大家也不斷陪我...給我營養的食物....本來想隱瞞他們因為不想他們為我擔心..我出左名係病人...但發覺咁樣自己說謊還辛苦...所以說了...大家都好明白...但我每次回到家...我也會覺得不好意思要他們擔心...所以我必須快點好返..做個有貢獻既人...

就係咁...時間一分一秒過去..我每3星期都會見一下機構輔導員跟我傾計..解開我由小到大錯誤的認知模式...令我心結解開..好多執著也放下..淚也肯流(其實我係不易係別人面前流淚..因為唔想人地見到脆弱既我,係開心既我)..諗野都唔好太緊張...的確幫左我好多...由於從小受得太多人恩惠..所以到大個樣樣都想靠自己...頂得耐了就爆左...

越係唔想成為別人負擔既我就越迫自己好返...所以成日都係咁幫人..做呢樣做個樣...忙得不可開交...所以實際上無靜下來休息....吃了藥已經沒有幫助...失眠緊張持續....

前幾天見完醫生..佢要我戒掉會上癮的震靜劑...換另一隻新藥睇下有無幫助..他說我是生理上的問題...剛吃完新藥又減左藥真的很不慣...失眠..焦慮...易哭...疲勞..發熱..有自殺傾向..連落街買菜也覺得好辛苦啊....下午就唔出街想一個人係度靜...如世隔絕啊...呢種感覺真係好痛苦架...網上說呢D副作用會大概持續1-2WEEKS...藥效要3-4WEEKS先見到...即係我又要等到12月...我選擇唔同人講係因為沒人會明架..我忍到架..只要快D好返...真係每次諗起老公咁為我.對我咁好..我就想哭..我真係好對佢唔住...

接下來的一個月..我要好好地抖....希望心情有好轉.適應到新藥可以快D減份量.....12月我要去玩架...