傻‧小玲^O^@部落格

由今天開始我要學習分享,每天記下自己的事...睇書話咁樣對個病係有幫助架....我試下啦...真係有3年無寫..個人已經變得唔知點分享...因為我就是射手座性格...唔喜歡對住別人唔開心...永遠都係開心個樣..有咩事都吞左...久而久之太多太多負能量負擔唔到...就爆左...

所以我要改變一下自己...承受唔到就release 出來係最好既....昨晚可能因為藥物影響...因為我正戒緊鎮靜劑..即係幫助訓覺既...所以這星期訓覺有一點點難道..所以睡左床上也偶然愉愉地看手機...好像待天光時才能睡..這些日子不知道要適應多久...其實是滿辛苦的...希望藥的副作用快點消息..等我可以舒舒服服地休息好....那就滿足....

一如以往,我都賴床在看新聞再打機..都差不多中午看新聞才起來...近日比較注重健康....通常起身洗完面後..都會做一些申展運動..鬆一鬆根骨...人都精神d...然後我就會喝一大杯鹽水或者蜜糖水....清下腸胃...自從有這個習慣後...發覺自己都暢通了不少..真的有幫助...然後...見到雪櫃有水果就先吃水果...令自己有飽足感...然後就洗衣服...煮午飯..一個人吃通常都很簡單...今天弄了豬扒飯..對喔..我真的很喜歡吃飯...所以會自己弄一點..總覺得吃飽要吃米飯...

之後就看下電視....上下網...整理下電話的相片入電腦...有時又打下機....再掠下衫...咁就大半天...

一個全職家庭主婦真的很忙....^^然後出左去九龍塘等老公....火車上真的多人...撞正放工時間頭卡都無位坐..好唔喜歡壓迫感...可能太耐無出街...所以唔習慣...

到6點半接到老公..就帶佢去我做開輔導既九龍城伯特利神學院..今次姑娘要見埋佢...其實由病到宜家...除左吃藥治療..我還有去心理治療去醫我的焦慮症..跟左呢位係神學院出來既輔導員..2-3星期會見面大概1-1.5小時左右...咩都傾下...每次傾完都會解決左一個問題...舒服左..但又好快唔記得左自己要點...收費每次350左右...比起一般私營機構平...雖然位置比較麻煩...不過佢裡面係學院好大...我地會被安排坐一個個房..每間房唔同佈置..好舒服..今次第一次夜晚面談因為要就我老公...大家初初介紹認識下..其實我都好緊張唔知老公點回應..又唔知姑娘會講D咩...不過知道左原來呢D患病期間老公都好擔心我..同埋不斷搵方法幫我..姑娘都覺得佢好SUPPORTIVE.同POSITIVE..我諗我正正需要呢D...可以大家都緊張同錫大家...我有時唔會完全講心既說話,即係唔好既野比佢聽驚佢擔心..但姑娘話其實2個人要担白..夫妻兩為一體...心都要合一..所以要多d同對方分享..因為對方係呢一世最親既人...我同意既...有時我諗既又未必係真...身邊人有權了解我既所有野...我相信佢都係...姑娘大概都講左我既背景令到我有時處事個態度會係咁...唔知老公會唔會對我了解多d 呢？因為我驚佢唔明白..驚佢以為我無用...而且我知道佢係靠得住係我唔靠..我想自己解決...

不過有時原來無形比左壓力自己,攪到自己病情加重..其實大家都辛苦....今日哭得太多..個人又唔夠訓...其實都幾累..不過堅持打埋個BLOG 先...

我今日輔導完...要學識拎走自己既包袱...自己既前設(可能係錯既)...唔好成日諗到對方係會負面...諗多D正面..人總有兩面..我明白...要放下...唔好執著..唔好用雙重標準對自己...就算老公有事..我一定奮不顧身咁去照顧佢幫助佢....所以調轉老公都係咁諗...所以我唔洗刻意逞強...要放鬆D..因為我要快D好返...

就係咁...好夜先回到家...今晚好累希望真係訓得著就好啦~~~