傻‧小玲^O^@部落格

昨晚又很晚才睡..今天11點約左北區醫院的職業治療師-蔡姑娘做行為認知治療...這是很好的福利哦..因為我宜家係政府睇醫生的...佢轉介左我去做心理輔導的職業治療部...因為我好怕人..佢每次都係單對單見我架..傾下計...又教我諗事情唔係跌入D思想陷阱..點樣諗野可以幫到自己...其實都幾有用..起碼係我處理事情既時間就要用D新既諗法去改變自己..令自己唔好焦慮..不過都要慢慢..始終改變自己幾十年根深柢固既本性係唔易..但我會盡力..有咁多人幫我..我諗我會更好的...係宜家來說...做D令自己開心..唔好煩既野...係最幫到我..

今日同姑娘傾計..佢問我...你自己有無D野係為自己做..或者係令自己開心...除左比快樂別人..自己其實一直對自己好差..完全忽略左自己...其實我幾可悲..因為我既快樂就建築係別人既認同身上..感覺都係...呢個完全唔健康...要做D野係為自己快樂而快樂..唔洗理別人既感受...原來咁樣唔係叫自私...換個角度..如果別人照顧左自己先再照顧我..我亦都唔會話佢自私..我對自己實在有相重標準...會令自己辛苦..我為自己做既野唔雖然有人喜歡..其實自己喜歡就好了...哦...原來咁多年來...我都唔係咁諗係錯晒....今日姑娘一席話..我真係獲盈良多...我唔應該活係別人既框架下...為自己而活..呢個真係要好好學習..因為我好驚別人唔理我..家庭背景令到我無晒安全感...所以明白自己點解會咁..我要慢慢調整返...何況宜家自己有個家...有老公好好照顧我...我要再生活得好點....

見完姑娘...我就去圖書館幫老公還書續借...去街市買定新鮮豬肉煲湯...因為唔係成日去..再買左壽司比自己食..獎勵下自己..食餐豐富的...

之後就回家了...因為好眼訓..下午打下blog..做下家務...睇下書..借左好多關於呢個病既書....想了解下....

原來呢個病會引發好多嚴重疾病...原來一個唔發脾氣咩都忍左去既人會易d有病..因為會好傷身..

我都要學習好好減壓...唔可以令自己唔健康....

之後又整左d麵包比老公做早餐..參考過網上食譜...試過超過10次...終於越做越好...我要努力...自家製麵包比較健康....

跟住做下鄭多燕..成半小時成身活動...做完出晒汗啊...做運動可以開心d...希望今晚會好訓d...

之後沖左個涼去左奶奶家吃飯..見下佢地...每次去到好多生果拎..佢地真係好鍚我地..好幸福我有咁好既老爺奶奶...感恩..

由今晚開始..我決定要12:00前睡眠....要規律D...SLEEP HYGIENE 好重要架...我要養好身心....

幾個月後又一條好漢....^^加油..要訓啦...晚安!!