傻‧小玲^O^@部落格

      今個星期五六日做左好多野...好BUSY既3天...但心情好似好點...好過自己屈起屋裡面....

星期5等老公放工..本來諗住唔出街..但老公話出去行下..去左沙田...周圍都好多人...搵食其實好麻煩架..今次試新野...去左間新開既日本CAFE..係食咸PANCAKE..都幾特別..坐既位置有CUSHION幾舒服..不過就有限時90分鐘..2個人就夠...款式唔多..飲品比較多..有MILKSHAKE , COFFEE,酒個D特式野..都幾貴...38-68既價錢..無SET 架...睇下我地食左D咩..

叫左個煙三文魚牛油果咸PANCAKE..呢個推介..另外係墨西哥炒飯..有飯焦的..仲叫左個紅豆抹茶奶昔...呢個正啊....$68都幾貴...試一次好了...試左新地方...

之後又係行街既時間...我地自從有自己家庭..我就成日都會行一田超市..睇下有咩特別食材買...成個師奶仔咁...哈哈...變左無興趣買其他野啦...同老公又睇下鞋..去下書局咁...咁就一晚..生活就是這麼簡單已經足夠..反而覺得自己做野既時候就算放工都唔可以Relax...幾辛苦架...宜家就可以真正享受做個普通既師奶...都蠻不錯...

到星期六..接到家姐電話說想帶孖B過來探我...佢地都好耐無來..真有我心..見佢地成日都出街食...我就試下煮個便飯佢地食..好似未試過係我到食..可惜老公去飲...同唔到孖B玩...佢地真係又精靈又可愛架...^^...由出世睇到佢地宜家識行識走..咁就一年半啦...好在佢地去我到都無喊啊..都幾喜歡係我度玩啊...家姐姐夫真係好好...好關心我既病...我知道有人錫我..我就幸福啦..希望快D好返唔洗佢地擔心啦..帶左佢地去樓下睇車車..佢地好好奇...好喜歡啊...見到佢地真係幾開心架..

就係咁..一日就過去啦....

到星期日....早上老公返左家攪單車生意..我就訓到晏一晏...成隻豬咁....之後就會合老公去睇中醫..大家要勤D睇...調理下身體...老公最近呢幾個月皮膚都好差..勁爆瘡...但又唔關食野事..係唔夠訓同壓力..我知道除左工作佢好大壓力...佢比之前忙左好多..但我又幫佢唔到...可能我病都令佢有壓力...佢唔知...我知道架..佢會擔心...仲要佢顧埋我同頭家..真係對佢唔住啊...我諗我快D好返開心D就會幫到佢..但我知道呢D唔急得...睇下自己既情況..我只可以盡力去煮飯比佢食..照顧佢同頭家...我只能夠這樣...睇完中醫..老公帶我去我喜歡既CAFE...之前成日去但自從結業後就無咩機會..好喜歡佢既百吉包同咖啡..幾年前自己如果一個人LUNCH既時候..我就會去呢間..點咩醬都無既煙三文魚包..覺得好健康..再嘆杯咖..就係我最享受既一個人時光...唔知幾時開始要節儉..就無左呢D FREE 既空間..太多顧慮太多煩惱..我都要學習下對返自己好一點..

之後老公上山探下路..但見無咩特別我地就回家..我就回家煲藥...老公就做埋D手尾..晚上我地約左中學同學好兄弟Dinner..因為佢有D唔開心..同佢打下邊邊傾下計...希望佢會好快振作開心返...其實我自己都攪唔掂自己..就去幫人同擔心人..都真係想寫個服字比自己...哈哈..

雖然老公熱氣但知道我好鍾意打邊爐都就我..實在太好啦..其實我唔係特別喜歡食打邊爐既野...只係...打既過程真係好開心..又滾下食下咁..傾計一流...打左成3個鐘..稻香真係幾貴架...不過d食材新鮮同埋有自由斟(任飲糖水同埋飲品,雪糕)...一次半次都ok la...

就係咁..充實既3天就過左啦.....希望我都可以漸漸enjoy返個生活...