傻‧小玲^O^@部落格

識我都知道我除左熱愛咖啡...仲好喜歡飲茶..無種類限制...中茶西茶...咩都會試..前幾個月去左中環置地看醫生...經過見到馬卡龍始祖-LADUREE係呢度開左間SHOP..比佢色彩繽紛既顏色吸引住...好多唔同款既馬卡龍啊...真係好想帶返屋企..但係成25蚊一粒又唔捨得..同埋又會好肥喎...所以我打消左呢個念頭..

Ladurée Hong Kong Landmark

Address: Shop 211, Level 2, The Landmark - 中環置地廣場2樓211號舖
Hong Kong

曾經睇過報紙介紹過花茶同果jam..我當然揀左前者..因為茶感覺上抵d...飲極都仲有...入到去有好親切既staff來問我想要d咩佢會介紹..我剛好想睇玫瑰花茶..因為成日都想搵d 質素好d 既花茶..女生飲玫瑰花茶就最好...但我之前自己買左d好平既玫瑰花..就咁沖淡而無味..混入其他茶葉又好似好怪...咁來到就睇睇...原來佢得一重玫瑰花茶...佢會溝埋d中國茶同好茶..佢個d show 左一盒盒可以比人開來taste 下..其實係聞下.但唔知有無得試飲...唔敢問...應該有掛..佢比左呢款我一聞..超香玫瑰花味啊...

裡面唔似我地平時見紅色既玫瑰...佢係散左既玫瑰花瓣...佢話比起原個浸更出味..

跟住我問佢幾錢呢..呢款大盒既散茶葉$230...嘩.好貴..我買到最貴既凍頂烏龍都係$100...佢係2倍有多...本住一試心態..貴就貴啦..好豪佢叫佢拎一盒比我...

個盒真係好靚..又有靚紙袋..下次有機會一定要試下堂食...好似銅鑼灣有....

佢盒底有教你點沖..用95c既水等5分鐘...佢裡面成份有中國黑茶同基里蘭卡茶, 0.5%玫瑰花瓣, 2%玫瑰香氣...列得好清楚

返到家即刻沖來飲...配埋我至愛既斑蘭雪芳蛋糕...個茶層次好豐富..有玫瑰香味..有d甜甜地..仲有好似中國茶既香..無左一般紅茶既澀...真係幾特別!!喜歡飲玫瑰花茶既女生..又唔想咁淡..呢隻茶係一個好選擇....

 再來個近鏡...大家見到我專登用返我既high-tea 御用茶杯過來飲呢個茶..係咪好似去左cafe 到呢...不過飲左差不多4個月...差不多見底啦..好唔捨得..我已經唔係成日飲架啦...會考慮再回購啊...因為我好鍾意招呼朋友來飲茶吃cake..我至愛..所以要有返d靚茶襯下先得...

玫瑰花茶好多人都講其實女生飲好有功效..網上找到個資料跟大家分享,

原文請到............玫瑰的神奇功效 (from u beauty)

治療經痛：

玫瑰含有的玫瑰精油對女士特別有效， 常飲用玫瑰花茶能調節腹部月經週期，改善荷爾蒙失調，舒緩經前乳房脹痛，減輕經痛。懷孕期間切忌飲用。

此外，玫瑰花茶泡得太久，玫瑰精油會揮發，失去保健功效。

促進血液循環：

玫瑰對身體各部份都有保健作用。它含有豐富的維生素 C，多飲用玫瑰花茶能可調理血氣，促進血液循環，強化心臟和微血管。

殺菌、止痛：

玫瑰花茶具有殺菌、止痛功效，多飲用可預防感冒菌入侵，有減輕喉嚨痛和咳嗽等感冒症狀的作用。玫瑰對偏頭痛亦有很好的療效。

調理消化系統：

玫瑰亦有強化胃部及調理消化系統的功效，能有效改善便秘、反胃、食慾不振的情況。

養顏美容：

玫瑰當然亦有很好的養顏美容作用。長期飲用玫瑰花茶能促進新陳代謝，滋潤肌膚，亦能抗氧化、抗衰老及消除皺紋。

我這個偽貴婦在家也可以嘆茶, 又健康~真是一大享受哦~~