傻‧小玲^O^@部落格

昨天做左好多野...下午去左元朗駕駛學院學車..已經係第2堂..之後會密d..因為我下年月尾就考..仲有個多月...不過我應該係熱愛揸車..雖然都唔係揸得咁好..視線依然差少少...唔知點解轉完彎都係比較難揸返直線..下堂要再努力點啦~~

去到元朗學..因為個度比較偏僻, 駕駛學院有免費穿梭巴士送我地過去, 5分鐘就到...超方便...不過由我家去元朗都真係要大概1小時...好遠呢...去到有個幾新幾FASHION既LOBBY比大家休息等考車..因為有時巴士同學車時間唔match.所以變左真係要等幾個字先到...今次一去到阿sir就比我開車..好在我返家都有溫習..仲有老公幫我...我記熟晒d步驟..開車無難道..不過始終直線就仲差少少..成日都剷左上行人路....真係大獲...@_@...今堂阿sir 教我轉波..無錯我是考棍波貨van...勁呢...係度挑戰自己...不過其實有少少擔心自己handle唔到..不過比d信心..做得司機旁邊都算有少少路面經驗吧..哈哈~我覺得自己轉波都ok..起碼只死過一次火...係個半小時內裡面...算係咁啦...哈哈...由1波轉2波有d速度感..覺得好爽..只係有個心理包袱係...成日都會驚撞到野或耆人..阿sir話佢會幫我睇住...唔洗驚....我下次要更比信心自己..i can do it....阿sir成日都話我唔夠自信..可能我成日都將自己既自信建立係人地既肯定方面..所以會咁..今堂係個場內勁轉圈...真係頭都暈啊...最後阿SIR教左上斜停車同開車..有少少技巧不過都幾易..呢個係考試之一來架...希望下次會做到...

就係咁我會成日將阿SIR教既野寫低係本手冊到..因為驚無記性嗎..自己溫返都唔怕...

老公唔知點解會有個軑盤係家...佢昨晚突然拎出來比我練D手勢..真係好好多架..因為我成日轉灣都唔明亂來架..得閒有真野練下幾好..哈哈~來緊目標係1 TAKE PASS 咩都唔諗

宜家自己個心情其實都幾起伏架..因為會諗左少少野就成晚訓唔著..好誇張啊我...有時好想平靜下..其實我要練到心如止水...唔好咁波動如果唔係傷身體架..有時係家嘆返杯靚茶..可以令心境平靜同埋聽下音樂..我知道就係咁舒緩既..

12月係我既生日月啊...收到kiehl's 既birthday card, 原來會員都有生日禮物可以拎架..超好啊...有4枝野送..洗頭水,護髮素, 眼部精華, 仲有枝唔知咩來架..唔洗錢既野就算細細枝都好開心..我都幾喜歡用呢間既野..宜家用緊eye cream因為有薰衣草同埋夠潤...仲有皇牌金戔花化妝水..不過超貴所以唔捨得買啊~~

這是我的第一份生日禮物, 也算吧...

昨天行街老公係咁同我睇波鞋..可能我 無一對做運動既波鞋..之前買個誇對都係老公送應該有10年吧...已經黃晒..我地一齊揀左對好sharp既pink series running鞋啊..本身都覺得好似好浮誇..但試上身又幾fit 喎~~老公送左比我既生日禮物啊...特價479都ok啊..adidas wor, 以後行山同跑步唔洗著converse咁痛啦隻腳~~^^...好開心啊..第一次有對咁粉既波鞋~~今日也是開心的一天...

學完車好累啊....不過昨晚依舊失眠..唔知攪咩...又頭痛又發熱...個人好辛苦啊...可能成日都失眠..再係咁我會唔會支持唔住架...希望今日有覺好訓啦...本身今日約左好姊妹去街都被迫取消要約會啊..又去唔到輔導..所以要留在家好好休息..明天又要覆診呢...

要好好享受每分每秒, 活在當下~~我要有好心情~~