傻‧小玲^O^@部落格

昨晚終於有覺好訓..因為食左訓覺藥..不過其實昨天早起身...個人其實都幾累架..有覺訓天光好爽..好耐未試過..唔記得有無發惡夢..起身仲想訓..今朝約左見輔導員去九龍城..早餐都食唔切..每次見完都有得著..$350真係唔講得笑..佢地真係好勁..其實入到一個房仔好簡單咁好似傾閒計..佢地會問下你對呢件事既睇法...佢知道我係一個好considerate既人..佢想我係攪活動既同時..除左見到別人開心既時間自己會開心..佢想我係過程中都會得到滿足感而ENJOY去幫人...佢成日話我最喜歡替人做嫁衣牚..人地開心我就開心...我都係架...不過要FOCUS多D做自己令自己開心既野....

佢分析到我細個因為家庭關係..對人無信心..因為無安全感..成日要同人隔一隔個安全空間先安心...佢明白既..你叫我諗一諗..過去既野就由佢啦..

到宜家呢一刻無人會再傷害我...身邊有家姐,細佬, 2個好姊妹,老公等等錫我保護我..我唔需要再驚..要建立返到人信心..

就算第時出去做野同人合作都要講個信字..放過人地...都等於放手自己...我要衝破呢個黑暗時期..投入另一段精彩新生活..

佢唔話我知我都唔知原來我咁驚..係對人無信心..完全唔可以比自己最坦白既一面比一般人睇...好保護自己...小時間受過太多傷...佢讚我好堅強..其實可能細個以為自己過得去..忍得到..但其實不竟我係一個小女孩又點會承受到呢...呢D野我由細到大都無同人講..因為我覺得無人幫到我...

最後佢叫我寫下曾經傷害我, 我嬲過既人...其實我都無咩...宜家無嬲..我寫左父母..因為佢地既關係我好心痛同唔開心..

佢叫我寫左封信比爸爸...我就寫佢個陣帶住我同媽咪講大話既事...佢叫我幻想下同爸爸讀呢封信..讀個陣都好冷靜無野架...

之後佢入來同我REVIEW返讚我堅強..我眼淚就係咁流...不知道為什麼..佢可能想我抒發..想我放低...今次又失守比姑娘....第三次哭...真係好勁..

每次哭完都好累..但個心好舒服啊....謝謝你...

之後返左屋企個邊剪下頭髮迎接生日同聖誕呢個咁開心既節日....點知今次剪到好短..有少少接受唔到...算啦..2星期又係一條好漢~~

今日好累啊..要休息下先..唔洗煮飯...