傻‧小玲^O^@部落格

呢幾天做左好多野...一直都無時間打BLOG..已經停藥了一星期...感冒亦都好返...昨天開始...我已經唔洗再記住要吃藥啦...

自從甲狀腺病開始...2012年開始吃藥直到2014年1月先停...但不幸地2014年既8月又開始再吃...到宜家2015年4月停...真係基乎無停...宜家唔吃藥個人都控制到....希望Keep住啦...呢個病身心配合都好緊要...好幸運身邊的家人咁保護我...咁錫我...呢段時間咩都幫我擋..老公, 家姐,姐夫,細佬, 媽咪,爸爸,老爺,奶奶...等...真係好多謝佢地咁體諒同照顧...當初諗左好耐唔敢講驚佢地接受唔到..但其實係我諗太多...可能之前經歷...對人失去信心...亦唔相信自己值得被愛護..經過這次..我相信自己可以擁有得很多..唔再係一個人啦...有你地..我先可以有勇氣去抵抗呢個病...好快..我會面對返人...再投入工作..今次放左咁長既假期...真係身心都休息得好好..

分享一下我平時既午餐吧..因為要慳D錢, 所以我.宜家開始有平凡又開心的感覺哦....

自家整既肉鬆卷, 試左幾次今次終於唔散,呢度有成碗飯, 簡單又一餐..配上花茶~

今日既lunch想吃清d...indome撈麵加油菜

昨日去jusco搵新野...買左個新托盤夠日式呢...好開心...

前幾天一早起身...見到窗台既陽光...好有朝氣啊...久違的陽光啊...個人都精神d...呢段期間好鐘意種花...望到d花好開心..我越來越似媽咪啦...成日叫老公帶我去花墟啊...因為樓下間花店雖然d花好靚但係好貴啊...同埋我之前買左個棵士多啤梨枯萎晒...宜家搬左去媽咪屋企...可能我個度無咩陽光...希望會重生啦..

習慣了過平凡的生活...一點都唔覺得悶啊..我呢個主婦也不免太多野做吧...