傻‧小玲^O^@部落格

  今日雖然係星期日....但因為感冒...食左藥就好似昏睡左咁...老公今日有事做...返左古洞...我因為唔舒服所以無去..起身吃左野...又訓過...好耐未試過咁好眠.....點知一訓就訓到夜晚...等到7點老公打左幾次嚟我先知醒, 吃藥口淡淡...突然想飲酥皮湯...諗到去聯和墟既懷舊"雅士餐廳"

我地都好耐無去啦...係一間好懷舊既扒房

我地去到等左10分鐘左右就有位..被安排係近BAR枱既2人坐位~可能果度侍應唔夠..我地叫極都無人落單

我叫左有海皇酥皮湯個個SET有焗青口同西冷牛扒, 老公叫左個推介既菠蘿大蝦炒飯,兩個餐都有湯, 餐飲同甜品

而$165既價錢有咁豐富既野食, 其實係幾抵, 因為粉嶺上水扒房唔多. 近來係開左好多西餐廳但真係超貴, 無200都唔洗落樓, 同埋應該無咁豐富...其實無咩特別慶祝, 想食就帶我去食啊..老公真係好啊...耐唔耐豪下都幾開心...

酥皮湯足料但嫌稀左D...餐包係熱既都OK, 我叫5成既西冷佢係10成...呢方面就減左分...但都好欣賞佢前菜係熱架...

仲有焗青口...焗完仲係好鮮味...D汁好FRESH..不錯...一個人真係唔會食得晒呢個餐囉...

試左佢既咖啡..唔係即磨但都好香, 不錯...

最後係甜品..兒時回憶既啫喱....雖然係一個唔貴既甜品...不過好滿足...

懷舊既感覺....真不錯吧...

野食係其次...最緊要食得開心...

就係咁...今晚就完滿結束啊~~謝謝老公~~~