傻‧小玲^O^@部落格

我做麵包年資尚淺...仲係不繼研究同學習既階段~本身都喜歡食麵包既我同老公, 成日都係度諗每日買咩麵包做早餐~但總覺得宜家d麵包起碼都8-10一個~仲要係空氣包~食完一個都唔飽個種~再加上我上次休息在家無聊~同埋見到友人每日都分享佢地自家製既包包好吸引之下~覺得自己做麵包好神奇啊~~於是好錫我既老公就"批準"我買第一部麵包機到宜家第二部...為左配合焗更多唔同既款式...仲加埋大焗爐tim...我都係不繼失敗同被批評咁走過來...所以我絕到了解新手應該要準備d咩去迎接自己人生中做既第一條麵包~(講到好似好誇張咁)~大家可以差考下~~

1)全自動麵包機

要學做麵包, 當然最重要是有麵包機啦~~雖然早幾年未流行的時候, 坊間也是用手搓麵包, 我都上過這些麵包堂, 就好像是用手洗衫咁, 搓起碼20分鐘左右面糰才會起筋呢..這個時候真的覺得麵包機實在太方便~可以代替人手做了搓粉的程序, 大大提高了我學習整麵包的興趣~如果次次都咁辛苦去搓我可能會放棄...很沒用了呢~

買麵包機前我都做左d research, 其實市場上麵包機有好多, 最平400, 最貴2700~個range都幾大~但主留來說, 用philps, panasonic, 象印, jnc的比較多,大致上每部麵包機都會有唔同程式去焗包,佢地有佢地唔同既食譜, 所以焗出來既包會有唔同...如果選擇買邊種麵包機, 我覺得只要從做包份量, 價錢去考慮就好了~如果普通家庭2-3人, 買日本機如panasonic個d 就適合, 因為佢只會最多做到一磅包即6片, 一日其實已經食晒~如果係大家庭4-5人既, 買外國機就好D, 因為會做到磅半即8片有多~但如果照佢食譜焗出來既包會硬D, 有法包Feel, 因為外國人比較鍾意食硬包

我用的是日本牌子的麵包機panasonic p104, 最多可做一磅麵包, 詳情唔多講, 前篇文有詳細介紹, 我比較喜歡做出來有qq既口感, 就算唔落種都可以係軟綿綿既~而且我2口子的確唔想食太多包或者留太耐, p仔機自然係首選. 對於麵包機既功能, 我個人就無咩所謂, 就算有30款食譜做唔同既麵包甜點, 我相信到最後都只係用dough 同埋白麵包mode~所以basic function已經可以啦~~省些錢嗎~再加上有麵包機做麵包, 就算你放工已經好夜, 無時間搓粉, 只要將材料放晒入去, 預定明早時間啟動做麵包模式, 什麼都不用做就已經有新鮮麵包食, 不是很方便嗎？簡直係懶人恩物,因為有時我真係趕時間到麵包都趕唔切買架~~

2)電子廚房磅

一個專業同準確的電子廚房磅對整麵包係非常重要架~因為份量唔準會好影響分嚟既麵包, 係我上整麵包堂個陣個MISS同我講, 就算怕肥, 都絕唔可以將糖鹽油既份量隨意調整, 對做出來的麵包要有差的~因為唔同份量既材料經過化學作用先會做出唔同既麵包~之前買第一部麵包機見到佢送個好靚既日本電子廚房磅~~睇左陣想買之際佢居然話送完...so sad..身為粉紅控既我當然要追查下呢個粉紅磅係邊度買度啦~因為我之前用針個種磅成日都唔啱...好激氣架嘛~搵到完來好多人推介既日本TANITA 電子磅...我搵過香港既話永安買$330仲要得白色~再諗起萬能既淘寶~見到有間信譽不錯有呢隻磅, 不過佢要我等大半個月, 因為佢係日本代購~我見D評價OK...等就等啦~我見宜家已下架啦~各位如果想買可以去二德維有白色好似200蚊左右...我呢隻159包郵, 計返港幣都係200左右~

佢有3隻色揀~~真係好靚啊~未見過咁靚既磅 ,係日本買返嚟應該仲平啊~

終於收到實物啦~真的是日本直送哦~上面塊膠可拆出嚟洗架...仲好輕又薄, 可以掛起佢..不佔空間

可以將成個麵包盤放上去磅唔洗洗咁多野..好方便啊~可以量度2種單位g & ml, 最少量到0.1g, 十分精細

當然普通磅其實100蚊有找....不過真係太想要..當係獎勵自己整包...因為整包已經係我日常生活既一部份...

3. 吐司切片器

我地用麵包機做懶人吐司, 最常做就要將新鮮出爐既吐司好平均咁切好放入袋, 方便我地搽jam食~我之前無呢個神器既時間, 塊塊麵包都係厚切(自問刀工真係唔太好><),連老公都忍唔住話食一片都好飽~哈哈~因為太厚了~上次行開烘焙店見到呢個$20既切片神器當然要買返個~將麵包放入去真係可以切到又薄又整齊~食都食得舒服d 啦~~~

4. 矽膠墊 (搓粉用)

無錯又係粉紅色~~哈哈~呢個矽膠墊強烈推薦一定要買啊~之前造麵包, 一直都係鋪食飯個種膠枱布再加保鮮紙, 成日都覺得D面糰會黏住同埋好唔環保~有一次又去烘焙店逛逛, 見到佢~$60~宜家每次鋪係飯桌跟麵包整型, 又唔會黏~超好用~每次用完就用濕布抹乾, 捲埋佢就得啦~

5. 麵包書 (至少要有一本)

雖然宜家上網都可以搵到好多麵包食譜~但總覺得書本上食得比較詳細, 上次上書城就帶左呢2本返嚟~右面個本係專為P仔機而設..有超多吐司食譜~我要逐一試晒先得~

6.量杯量匙

如果跟P仔食譜的話, 呢個量杯同量匙係麵包機附送的~非常方便, 佢會教你用幾多匙同幾多ML, 量杯有刻度是用作量液體材料的(水/奶), 左面的粉紅量匙有2邊, 小匙同大匙也代表不同g,照食譜中所說就無錯啦~是用作量粉狀材料, 好似鹽, 糖, 酵母咁~

7.掃子

這些小掃子是用來烘焙時掃蛋漿或者牛油用的~是必備的工具,左邊是新買的, 矽膠造耐熱, 掃子很軟, 能夠均勻掃到麵包上,購自jusco $12

下方的是最初買的, 因為是毛用的, 所以較硬, 宜家有左新掃之間, 我用佢嚟掃蜜糖係雞翼到

8. 吐司盒 (optional)

之前用開麵包機做吐司都會覺得個形狀唔似出面買個d咁方型,原來可以用個吐司盒嚟整到同麵包店一樣既正方型麵包, 祕密在於呢個盒~只要用麵包機將面糰搓好後, 再造形放入吐司盒入焗爐焗35分鐘就得架啦~如果你唔太追求個形狀其實唔買都得架~不過用焗爐焗出嚟既吐司係好味d架~

9.擀面杖

當你要做整形麵包既時候, 你就需要用呢個幫你碌扁個粉糰做出你想要既形狀,購自jusco $12~

10.刮板

之前唔識買左塊鐵刮版, 其實膠刮版更好~因為可以幫你輕鬆分割面糰同埋清理枱面都好有用架~可以係jusco買到~鐵的可以用來切比較硬既材料

11. 計時器

我諗大部份人應該廚房都有一個貼係雪櫃吧~因為有時煮野食都好講時間既控制, 呢個購自日本城$25,幾好用~最緊要可以坐枱, 數子又大好易睇~最好用來計算發酵時間

12.可較溫度既焗爐( optional)

如果你只係會用麵包機整吐司的話就不需要焗爐, 但如果你想整埋造形麵包, 一個可以教溫度同埋有上下火既焗爐就好幫得手

我呢個係delonghi 焗爐, 唔算太大, 最多可以做到8吋pizza, 仲有旋轉烤雞功能~~最緊要係唔太貴, 中間啦~1200左右~有得調整溫度已經好好啦~當然比起專業焗爐仲差好遠啦~但我覺得都夠用啦~因為唔大..所以有時怕表皮會焦就要輔上錫紙啦~

13.長形焗盤(optional)

有得焗爐, 當然要焗盤~我個焗盤通常都放到6個包左右, 呢個方形焗盤就最常用啦~係焗爐附送的~

14.正方形焗盤(optional)

其實用焗爐焗包, 有一個焗盤已經足夠, 如果想焗餐包仔想個型靚D, 咁就要買多個正方型焗盤, 咁就好似出面買個D包咁正正方方好得意架~購自烘焙店8吋正方焗盤 $25~

15. 冷卻架

當麵包焗好後, 要立即係麵包機取出放在有腳既鐵架放涼~咁就可以防止麵包變硬~(因為機內太熱), 此架隨焗爐附送~

16. 隔熱手套

當麵包出爐既時候, 麵包機內膽係非常熱, 我地一定要帶上隔熱手套取出才不會燙到, 購自AEON $40~(千萬不要弄濕使用, 因為會傳熱會燙傷)

17. 切麵包刀連木架

這個購自IKEA, 見到呢個係專為切麵包而設的木架連鋸齒切麵包刀, 約$130, 切也很好切, 不過如果切一些外硬內軟的麵包就有點難道, 可能不夠利,做麵包要有一把好用的麵包刀才行~但這個架設計得很好哦, 當我切完麵包碎之後直接拿開上層, 用下層倒掉便可以啦..不用清洗~  

 18. 牛油紙

如果要用焗爐焗麵包的話, 一定要用到牛油紙~要把它鋪在烤盤上以防黏底, 我用的是佳能煮食紙(牛油紙) $22 一般超市有售  

好啦~~分享完畢, 新手想學造麵包可以多多交流一下, 基本上買了以上的工具已經夠用啦~~快些加入麵包達人既行列啦~我仍在努力中~

可以申廷閱讀 --->【新手做麵包必看】‧手作麵包材料~準備篇