好耐無寫過麵包文啦~~因為近來無咩精神...所以無咩整啊~~今次買左新用具~~所有想試下整唔整到街買個D麵包型啊~~因為我個飛記麵包機啊~~個內膽好鬼大架..一做就磅半, 同P仔好唔同架..所以如果250G粉出來個型會唔正方, 好似長方型咁架...為了解決呢個問題, 同埋聽講焗爐出來既麵包係好食過係麵包機焗, 所以就試整一次啦~~
之前買左本陳郁芬麵包達人既65度湯種麵包研究, 如果做出來既麵包唔想隔日已經變硬(同法包無咩方便)或者屋企人少即日食唔晒...用飛記整既吐司最好就用湯種整..係麻煩D..不過好味好多..過左2日都仲係軟棉棉架...之前比老公投訴..其實通常佢食架D早餐,我好少食..所以問佢係用家最直接~~試過之前整過比家人...嘩~~硬到呢..真係勁樣衰, 所以洗心革面去學整軟軟的吐司~
準備好晒要既材料就可以開始整麵包啦~~
食譜出自陳郁芬的65度湯種麵包,原食譜可以做兩條, 所以我將份量減半
材料:
方型吐司模具一個 (20cmx 12cmx 10cm) (烘焙店有售,約$60)
記得要買有頂蓋的才可以做方方的吐司形狀呢~
高筋麵粉 270g
細砂糖 43g
鹽 4g
即溶乾酵母 5.5g
全蛋液 43g
淡忌簾 29.5g
牛奶 27ml
奶粉 4.5g
湯種 92g
無鹽牛油 24.5g
湯種的準備:
這次我們要用約100g左右, 我習慣每次煮多些待下次用, 記得要放入雪櫃, 一星期之內沒有變灰的話就可以了.
湯種的日本發明的, 湯是日本語意思是將麵包泡溫泉,很可愛的意思~它的組成是高粉加熱水成為令麵包柔軟的關鍵~
湯種的煮法大約是高粉跟水的比例是1:5, 即是 20g高粉加上100ml的水就大約煮到100g的湯種, 我的做法是先將100ml開水量好, 再倒入20G的高粉攪拌
然後放到煲中以細火加熱, 其間不斷攪拌以防燒焦, 見到開始有紋路就熄火完成等放涼了就可以做麵包啦~~
雖然做湯種很麻煩, 不過做出來軟棉棉的麵包又很吸引哦~~
記得用不完的湯種用保鮮紙蓋好貼上表面以防水分流失
- 先將所有材料, 除牛油外, 由濕到乾的次序放入面包機, 即奶, 蛋, 湯種, 鹽, 糖, 高粉, 最後才落酵母。切記不可以令酵母碰到鹽, 這樣會影響其發酵的化學作用,因為我的麵包機沒有獨立投放酵母的格, 所以會避開鹽, 在中間撥開麵粉放進去
- 放好材料後就開麵包機DOUGH 麵團的功能, 我的麵包機這個程式共1個半小時, 頭半小時是搓粉,待面團成形後才加入牛油,其後一小時就是基本發酵, 不同機都有不同時間,如果做呢款包, 基本發酵是40分鐘。
- 過了40分鐘發酵後, 機應該還未停, 我們可以測試下面團是否已經至薄膜階段, 只要用手指沾點高粉, 插入面團到底不回縮的話就代表完成,灑點高粉上工作台(因為湯種面團比較黏手), 取面團準備造型, 用手按出空氣, 將麵團分為3份, 滾圓, 然後用濕布蓋上, 中間發酵15分鐘
- 將每個麵團用木棍滾至拖鞋的形狀, 反轉, 左右摺至中間, 再捲起, 收口朝下, 放入吐司模具蓋好待至八分滿, 約50分鐘左右, 夏天會比較快~丙搽上蛋汁,準備預熱焗爐180度
- 將吐司放入已經預熱180度的焗爐, 用上下火焗約35-40分鐘即成 (不同焗爐時間也不同~記得自行調教哦)
新鮮出爐的麵包完成啦~~~你也來動手做吧~~很簡單哦~~記得焗好立即拿出來於鐵架上放涼, 不然會變硬哦~~
老公也讚跟出面一樣軟, 但這更健康, 因為是人手做的沒有化學物質呢...如果預計2天也吃不完請放雪櫃以防變壞呢~
如果不想用焗爐, 用麵包機白麵包模式也一樣可以, 提早10分鐘收包會幾好~~
***好用小物分享~~麵包切片助手
切麵包每次也會很厚切的,因為要跟外面切都每片一樣很難控制, 這個就好好用..又在烘焙店買$20左右平過taobo, 將麵包放入去就可以輕易切出片片大小一樣的麵包啦..真心推薦大家也買一個啊~
分享完畢~謝謝收看~
留言列表