傻‧小玲^O^@部落格

除左中國茶...我對咖啡也很熱愛, 之前返工真係一日會飲2杯, 後來身體唔好~所以就少左飲好多, 宜家出去食野..如果知道係即磨咖啡既我先會飲~對咖啡好有要求架~宜家一般罐裝咖啡已經滿足唔到我...我又無至於會唔飲無精神個種~偶然飲下係種享受~宜家唔多出街, 所以就研究緊點先可以飲到好似出面高級餐廳飲到個D即磨咖啡呢~不過如果無即磨咖啡機既話, 應該就唔會飲到架..即溶個D又無咁好飲~所以掛濾咖啡就係中間既選擇~因為咖啡豆磨左既賞味期限係好短, 即刻飲係最好味既~之前飲3合1係有埋糖同奶一沖就得, 我試過UCC炭燒個種係幾好飲架~~不過太甜同埋無咖啡味...所以又試下自己沖...之前都買過UCC 職場達人個種...不過都覺得總係唔啱口味~~

前幾日去行下我屋苑附近個間百佳...佢成日都會有個Corner專買日韓既野食, 比我見到有種Coffee , key  coffee我之前未見過架...要$40左右10 包~就一試心態買來試下~~

個包裝勁大包囉~~好似好pro咁,係獨立包裝,賞味期限係一個月啊~真的是要保持新鮮度啊~ 我未試過呢種牌子所以買嚟試下~即刻上網睇下沖呢種濾掛式咖啡既技巧~之前買咖啡粉都總係唔好飲..可能我要求越來越高啦~~

佢呢種係mocha口味, 苦同酸味都屬於中等強度, 其實我喜歡偏濃一點的

要準備好沖咖啡既配備~1)熱水 2)黑白淡奶 3)太古咖啡糖 4)靚靚咖啡杯 5)咖啡粉

這個咖啡杯好喜歡...好有貴婦的感覺啊~~其實它是花茶杯啦~一set 2個杯連碟, 購自一田~有貴客到訪我都會用到..

沖泡方法: 1)將濾掛袋揭開, 置於杯中...你會聞到咖啡香~將約90度少量熱水注入等15秒左右, 令咖啡香釋放出嚟

            2)以轉圈方式將熱水倒滿濾袋等水份揮發至咖啡杯

            3)再重覆一次以上步驟, 放置時間視乎個人喜好, 我喜歡濃所以大約放置左5分鐘左右

            4)咖啡完成, 可加入奶, 糖增加風味

黑白淡奶比伴侶更香滑,我姐姐同網友都有大推, 我感覺用淡奶會好似茶餐廳飲個種~但我比較喜歡鮮奶...

$9一小罐~我諗沖到好多次啦~~因為我唔飲太甜,每次落3茶匙左右就足夠啦~ 記得開左就倒入玻璃樽保存到一個月既~

講到糖, 我試過好多種, 都係呢種日本製既太古黃金咖啡糖最吊到個咖啡香味~有試過黃糖同白糖都唔得..所以好豪咁買左盒好似$15..我沖咖啡先用架~~真係差好遠~所以我有時出面食飯睇間餐廳pro唔pro就睇佢糖樽個度有無放咖糖~~呢個會令我揀唔揀個間餐廳既原因之一~~白砂糖真係唔得架~~但我發覺日本個d餐廳都係落白糖~~唔知點解~

我淘寶特意淘左個調味瓶嚟裝呢個咁貴既啡糖架~係咪好靚呢~~落糖個刻都開心d 啊~

咖啡沖完啦~~不過我覺得個味都係唔夠濃啊~~下次再試d濃味d...不過係家中來說都算係好飲過即溶咖啡粉架啦~~~起碼有香味同埋自己落奶糖可以控制到..

飲杯靚咖啡又可以有精神咁開始新既一天~~