傻‧小玲^O^@部落格

一星期我通常會煮2-3次飯啦~~其餘都去父母屋企食...不過雖然唔係日日煮, 但要諗食咩都真係有d困難~奶奶好多時見到靚豬扒都會買2塊比我...佢買d豬扒真係好好味架...點煮都好林~~正啊~~所以我每隔2星期都會重覆一次整豬扒, 煎炸都熱氣~我會用中式煮, 之前用蜜糖...但覺得太悶, 係外面食飯我鐘意點一個京都肉排覺得啖啖肉好正..難得個d 汁我係食既...

今次又跟左<簡易食譜>煮既~~再調整左小小變化啦~~真係好好味~~謝謝你既食譜啊~~http://www.christinesrecipes.com/2008/11/peking-pork-chops.html (詳情請按link)

材料

豬扒.............2大塊

洋蔥.............1個

蒜頭.............1粒

呢2塊係梅頭豬扒, 買呢種豬排一定唔會"鞋"口~~之前係超市買個d 真係好硬架~~先將豬扒先淨抹乾

呢個步驟好重要, 記得用刀背拍鬆, 前後都要, 豬扒會更淋~

我習慣將豬扒先去骨並切成小塊先醃會入味d

醃料:
生抽           1湯匙
老抽           1/2茶匙
糖              1/2茶匙
粟粉            1/2茶匙
紹酒            1/2茶匙
蛋汁            1/2隻
麻油            少許

準備好d 材料, 豬扒醃至少半小時, 洋蔥切絲洗淨備用, 蒜頭拍好~預先準備好醬汁

汁料：
茄汁 4湯匙
片糖 1/2片 (先行用少許熱水溶解)
水 4湯匙
白醋 1 1/2 湯匙

做法:

1)燒熱油獲, 以中火煎豬扒至兩邊金黃, 撈起備用

2)下油炒香洋蔥, 待炒至軟身再落蒜頭爆香

3)下汁料煮滾 (留意轉中火因為易黏底), 再將豬扒倒入, 煮汁至差不多收乾即成

好簡單既一個好味伴飯既小菜又完成啦~~~YEAH~~