傻‧小玲^O^@部落格

唔經唔覺今日已經係8/21號啦...要返學既學生都已經放完暑假啦~我既暑假都放左好長~唔知幾時放完呢~

今日係幾個月嚟無野做嚟講最早起身既一次......仲整埋早餐比老公食~~8點起床~~雖然昨天o訓得唔係咁好~又成日發惡夢..早起身又多d時間用...不過今日都準備出去睇醫生..

所以我自己食完個元氣早餐之後先開始 " 工作" 啦~

昨晚新鮮出爐整既"米飯麵包", 我用佢來整左芝腿三文治啊~~有米飯加落去真係煙un d , 好qq既口感啊~

食飽之後就好起勁咁打返d blog, 其實想打好多好多野...成年都無同任何人分享過咩野啦~~個人好似好屈結咁...雖然唔知道有無人睇到..我至少知道有我姐姐呢個忠實fans就足夠啦~

因為面對其他人, 我還是沒有勇氣, 我知道想先學習對自己坦誠, 才可以對人坦誠~所以宜家去學習要面對返自己...我摺得太耐..係...要d時間去適應...但自從3年前開始~我好耐都未試過咁有心機打BLOG同埋可以堅持~當係抒發下好~~一次過打左幾篇都用左成日啊~~原來都要用好多時間同心力架~~

宜家又轉緊新藥....一食就會好好訓~所以呢排都好晏先起身~攪到無咩時間做野~~覺得好浪費啊~~希望隻藥啱我...

等我精神好返D ...我想重整下自己既Planning...食返準時既三餐~plan左有好多野要做...係我未開始做野之前...我想睇想睇既書....砌返d模型, 學多d煮西餐, 中餐, 麵包甜品~

養返自己健健康康~就先有精神再面對返大眾~我要加油~~好享受寧靜既生活啊~~自己一個在家也不錯吧~

到差不多時間就出旺角睇醫生啦~~我一個人仲未克服到自己去多人地方..去到地鐵站直程抖唔到氣, KEEP住低頭,勁想哭, 只想快些到目的地~今次有老公陪我, 因為每次診所都爆晒人..所以我會好驚好驚~之前家姐都有陪我..但我唔可能每次都要人陪架ma..佢地都要上班, 所以自己有時都要硬住頭皮去啦~~

今次約晏左...診所剩返幾個人..好在..今次見醫生..呢個醫生都好正面..我同佢講左我有個interview..佢叫我就自己心情想去就去..唔好迫自己..佢覺得我宜家個情況未穩定住...所以可以等d藥firm左...stable d先試下搵d 輕量既工作做下...野我就一定會做返...但等緊適當既時機...同埋要搵自己啱既~~醫生話今次隻藥啱我,起碼食得落野..無反胃同埋個人無震得咁勁~佢叫我如果可以就唔好食鎮定劑啦..始終太多會上癮...我要慢慢試下戒左佢...算係訓得好左..因為d藥有睡意~之前再等2星期再覆診..希望之後好返d...唔洗去咁密~因為睇私家都幾貴~~但老公話最緊要醫得好~

之後老公帶左我去食野~~搵左間特式潮州野~

心夜來潮

地址:旺角塘尾道18號嘉禮大廈地下A鋪

佢店舖細細, 好有懷舊feel, menu 唔多野..係食潮州比較傳統的菜式..唔係打冷個d..

潮州手打牛丸..d湯好濃~好彈牙啊~~

" 手工捻面猴", 似係小食, 刀削麵既質地,食半碗已經好飽肚

炒菜茶~係個菜式我聽過但未食過~~好多種唔同既料, 最特別係有好似米通咁一齊食~~係有埋湯咁食架..我喜歡呢個~

我地叫左3樣野已經好飽啦..食完飯無目的咁食左陣朗豪坊...大家都無咩想做~行左陣就回家啦~~簡單又充實的一天~

臨走係7仔發現到有新野~~有宮古島雪鹽既乳酸飲品~係有咸味既乳酸飲品, 幾好飲架~~不過就貴左d..$14~值得一試啊~