傻‧小玲^O^@部落格

菠蘿包細細個就好鍾意食，記得之前係幾蚊個又平又好味~~宜家買都唔貴~~不過就越來越細個, 重點係我樓下間麵包店d 菠蘿包係唔好味~行開超市見到有菠蘿包預拌粉~其實係一d預先幫你預備好既粉~唔洗你再量粉量, 糖鹽個d, 只需要加牛油, 水同蛋就做好~~最緊要係我知道菠蘿包的皮都幫你預備埋咁就太方便, 因為我自己整過~如果時間唔係太充裕, 買包預拌粉就係唔錯既選擇~做出嚟效果好過我自己搓個種啊~~各大超市有售, 好似係$30一盒做到8個菠蘿包x2~~都幾抵啊~~我搓大個d所以做到6個~

睇下佢既說明先~

要準備的材料

麵糰

水      ...................210ml

牛油   ..................28g

蛋漿   ..................適量 (入爐前搽麵團用)

菠蘿包皮 (這是做2次份量即16個菠蘿包的份量, 餘下的可以放在雪櫃待下次用)

牛油   ..................36g

蛋      ..................12g (約1/4隻蛋)

準備好晒d 材料就可以按照指示開始做麵包啦~

1)將麵糰的材料(除蛋液外)放入麵包筒, 按麵包機的麵包麵糰模式, 待一小時後完成第一次發酵

2)將發酵好的麵糰拿出, 排氣、分割滾圓, 分成8等份(我分成6份)

3)放在烤盤上, 作第二次發酵至2倍大約1小時

4)此時可以製作菠蘿包皮, 按照包裝指示將材料混合, 拌勻成麵糰, 將麵糰分成8份, 每份蓋上保鮮紙,用檊木棍檊成圓形備用

5)將麵包皮放在已發酵好的麵糰上, 掃上蛋液, 放入已預熱200度的焗爐內烤15分鐘即成

新鮮出爐的港式菠蘿包~~係咪好似樣呢~~用預拌粉做一樣好味~~