傻‧小玲^O^@部落格

好耐好耐無寫關於自己近況的文章~~其實呢2個月都係不斷教藥戒藥咁~~~個人實在有點反複而又唔太適應~~~整日都昏睡過去~~如果是沒有蛋糕堂同埋唔洗煮飯的日子~仲O訓得耐D~~可能自己都討厭呢D生活~~個人無咩目標會係沉d~~~呢幾個月大部份時間都留係家~~一來唔會亂洗錢, 二來比自已抖下~~身心需要平靜去面對減掉食左2個月的震靜劑~~其實大部份的事情老公也幫我擋了很多~~因為想休息....所以暫時缺席他家人...朋友等聚會~~我知道其實逃避係唔好~~不過我覺得係暫時階段~因為出席太多聚會太多人的話我會無安全感, 覺得自己好似格格不入, 有點壓力,我知道錫我的家人同朋友唔會...不過佢地始終有時唔可以下下都顧累到我...所以我明白...寧願自己好返D先見面我會好過一點, 慶幸我老公家人也很理解與支持....也有點掛念佢地~~就算我唔出現,佢地都會送湯給我...實在太好~~

但由於唔想增加我老公的負擔, 我負責返自己個邊...因為家人都很忙..我也不好意思解釋咁好~~試過講想摺埋一排但仍然會好多顧慮...可能係媽咪係最大掛心....同佢講又驚佢唔明又擔心....一個人又怕佢亂諗野...又唔好意思要老公出面講...果然...只係兩星期無返去...佢就已經亂諗...又無人幫我安撫佢..所以寧願返去解決晒.....有時想做某D 野都唔成功, 呢個家令我顧慮太多...我放低唔到...我知道要佢理解係好難...亦都怕左佢個D 少少事好似天跌下來咁...所以我都好怕去接觸...有時真係EQ高D都唔得...尤其我係呢個RECOVERING既期間~~我只係想靜修, 但無人會明..更加唔想作多解釋~~只係會埋怨我點解唔出席咩咩咩聚會~但呢D場合實在令我懼怕...人大左...可以自己選擇自己過點既生活...點解我唔可以...反而令自己背負太多...其他人就可以揮手而去...做人真係有好多既矛盾....所以我希望透過呢D難得清靜既時間....聽多D自己內心的聲音, 幫自己走出困境....希望身邊人會理解...我做左20幾年人其實只係想靜返一段時間應該可以吧？可以過一D唔再活係別人底下的生活嗎？除了工作之外, 日常生活也令我有點累, 當你有心大家無意的時候...........就有好多的失望同沮喪...久而久之....就會失去動力.....凡事盡了力便對得住自己啦~

呢2天也沒有外出...在家中喝著自己喜歡的茶...聽著歌...看著劉姑娘送給我的勵志書....有幾節也看到流下淚來...真係很有意思很好看~~~這樣的生活我已經很滿意啦~~沒有外界的干擾...

謝謝老公無私的付出及愛護...我才可以平靜的養病~~