傻‧小玲^O^@部落格

嘩~~原來不知不覺間兩個多月沒有更新啦~~呢2個月其實發生左好多事~~一直都好想跟大家分享一下但沒有時間~~再想不到是大病了一場~到現在處於康服期才有點精神去打BLOG~~

6月中開始~~我為了令自己動起來過一個精彩的暑假~~係康文處, 工聯會等報了Dance , 學游水, 學日文, 學急救同yoga比自己~~一星期除了兩天~~簡直是非常忙碌的生~~~活~~雖然累但幾enjoy~~好似上學咁有規律~~朝6晚12~~哈~~回到家還要住煮婦照顧老公~~夜晚正處於減藥階段所以會訓唔著但第二天又要6點起身去學游水~~呢個生活持續左一個月~~可能早上有幾天天陰下水有點冷~~自己冷親都唔知~~

發病的第一天~~

係一個月前有一日就可以個頭有d唔妥, 好似又冷又熱但唔算嚴重~~我以為自己太累~~所以就無去上堂比自己休息2天~~到上完急救班返去探下熱~~嘩~~燒到39度~~其實個人都有d暈暈地但堅強既我就繼續扮無事~~仲整甜品比老公食~~之後知道發燒就食必利痛 (因為我個人成日都發燒架唔知點解, 所以我習以為常, 食完藥通常第二天會好). 個晚就乖乖早訓~但個晚其實係訓唔到~~又冷又熱個人好辛苦~

第二天~~

都唔太記得攪咩~~好似都係留係屋企~~繼續食必利痛~~但無退燒既跡象~~但個晚係第一日上hip pop堂~~我知道老公好期待~~我見訓左晏覺好似感覺好d~~所以就照出去~~跳完舞仲要去行街買衫捉精靈~~攪到好夜先返去~~頂到返家~~又係仲發緊高燒~~個人開始周成痛~~又係成晚訓唔好~又凍又熱~~食左藥都高燒唔退都知唔少野~~

第三天~星期日咁啱好多好醫生都無開~~迫於無奈去左上水睇24小時既hea醫生~~等左一小時終於到我~~一如以往個醫生都好hea~~但今次我話我有胃痛~~佢開既藥話係特效收我成800蚊~~普通科wor~咩宜家咁貴既~~有5日抗生素~~係無醫生睇既情況下無法啦唯有信住佢~因為個人真係唔妥~~所以叫老公買外賣食~~就係咁~惡夢就開始~~我永遠都唔去睇呢2個醫生~~

第四天至第五天~~算係訓到少少~~退左一度燒~~但個人好辛苦~~開始咳~~o訓又咳~~坐又咳~~隔1分鐘咳一次~~成晚o訓唔到覺~~捱左2日~~燒終於退~~但我既咳無好到~~之前都試過但無咁嚴重~~直至咳都心口痛~~老公忍唔住叫我再睇~~

第六天~~我忍唔住去左我睇開樓下個醫生~但入到去先知佢放大假~由另一個女醫生頂上~~我個陣已經係咳得好辛苦但退左燒~~我拎埋之前醫生d藥比佢睇~~佢問我仲咩唔繼續食~~我話食唔好緊係要再睇~~佢居然叫我繼續食~~佢係咁易幫我探熱~~探左2次~~無幫我聽心肺呼吸~~佢聽到我係咳到死架~~我覺得佢勁hea~~我話我氣管敏感~~但返到去先知佢剩係開左2隻藥同埋喉糖~~係d普通傷風感冒~~我都病到五顏六色都無精神再研究~~食左一日藥咳越來越勁~~無好到~~辛苦到~~咳到心肺撕裂~~成條氣管都痛~~咳到嘔~~食唔落野~~一呼吸就咳~~呢方面我老公o訓係我身邊都好擔心~~咳左成個星期都唔好~~要係床旁邊放支水~~一咳就飲先會好d~~

第七-八天~咳左成個星期~~太辛苦啦~~再頂唔順又轉醫生~~朋友介紹左屋企附近有個好既女醫生~~我就打去試試~~點知佢好full, 要第二天早上先有位睇~~到第二朝我飛奔走去睇~~到見醫生~~佢好詳細問左我既情況~~再細心聽左我個肺部呼吸~~佢話有好多雜聲唔正常...建議我立即去照張肺片返來比佢睇~~有機會係肺炎~~我心諗~~嘩~唔係掛~~好似好大獲咁~~咁所以我想了解清楚~~拿拿聲出去照張肺片~~之後即刻拎返去比醫生睇~~佢一睇就見到我個左肺花左大部份~~下~~跟住我問即係點~~佢話如果再大範圍d就要入院吊針同隔離~~我心諗~~又入院~~唔好啦~之前有過2次入院經驗我怕怕~~但佢話好在我唔算話太大範圍~~可以試下係診所打針打抗生素睇下會唔會好轉~~咁我緊係試啦~~唔洗入院wor~~雖然入政府平過睇醫生~但我真係唔想7日都見唔到家人同被隔離~~自己係屋企隔離~~但就要辛苦我老公照顧~~我初初唔知打針要打咁多次~~我以為一次~~果日醫生問我想打咩位~~我以為pat pat厚肉唔痛就打左第一針~~好後悔原來打pat pat係最痛~痛左我幾日~~之後醫生開左好多抗生素同氣管藥比我~~安排明天要覆診~~返到家都係咁咳~~又係個人迷迷糊糊~~但今日又無去上急救班~在家隔離~~今日先感受到條氣管弱行完樓梯差d呼吸唔到~~條街又多人~~我差d暈低...之後同自己講~~慢慢來~~停低抖抖~~順返先繼續行~個一刻我諗到死亡離我好近~因為我左肺發炎呼吸唔到唔夠氣~~唔可以做劇烈運動~~第一次感覺到自己係有限制~~唔可以勉強自己~老公當晚有聚會好緊要架~我叫佢一定要去~~之後我就返去自己煲左紫薯肉碎粥比自己~呢排食粥食到怕~~不過又無咩胃口當有D野落肚~自己煲好味好多~~我雖然病但都懂得照顧自己~之前未嫁如果係家媽咪會照顧我~~諗起其實幾掛住~~不過今次為免佢擔心我無講~~我知道如果佢知道一定會照顧我架~忽然掛住媽媽的味道~

第八-十五天~星期六,日女醫生唔開診~~轉係佢老公睇~~呢個醫生都好好人~~不過因為佢本身係專科醫生~~睇佢就收貴一倍~~但無法我太嚴重所以要去睇~~佢睇完都問我做過咩去過邊~~我話學游水咋~~佢話好少我呢d年紀會有呢個肺炎~通常抵抗力弱先會感染到~~係大病, 如果嚴重d係會有生命危險要入院~~我好驚啦~死唔驚係驚累到人同過程辛苦~~佢建議要同我打加強份量抗生素~每日要打兩次~~由於來緊7日都要日日打~佢唔想我忍受14次痛楚~~所以係我右手種左個針口~~即係好似吊針咁插住個針頭係隻手到~~每次打抗生素就咁打返入個針頭盲得~聽落好啊~痛一次就得~~原來我諗得簡單左~~係惡夢開始~~其實我成日都抽血~~打針唔驚~~但如果日日打而打落去係痛既就真係堅難過~~就係咁我就開始單手生活既第一天~~

我特意叫醫生打右手~~咁我仲有手可以食飯嗎~不過就煮唔到飯~~因為個針口唔可以濕水~~所以煮飯買飯就老公代勞~~平時都係我打點起居飲食~~一時間要由老公包辦晒我真係過意唔去~因為佢要返工~~已經好辛苦~~我只能做有限到既野~~自理到已經好好~~第一次感受到個種無助同無奈~~老公好緊張叫我咩都唔好做~~坐係沙發休息~~如是者我就做左個病人HEA左7日~~沖涼要包住隻手~~單手真係抹唔到頭~~要老公代勞~好耐無煮過飯比我食啦~好感動~~因為我怕傳染唔可以出外食~又唔可以時時外賣咁無益~所以有時會買好野教佢煮~

似模似模很好味啊~~

呢一個星期生活好規律~~

起身~去醫生到打第一針~買D野返去食同抖抖~吃藥~午睡~去打第二次針~買餸返家等老公放工煮~~沖涼~睇奧運~吃藥~訓覺

每日都行去診所兩次~~姑娘醫生都認得我~~好似好親切咁~~從未試過要睇醫生連續睇10日~~一日兩次~~本來以為個針口唔洗轉只係痛一次~~點知~~原來用2日佢d藥本身好"那", 會塞住條血管~每當用左2-3次之後, 醫生再打藥入去~嘩~~痛到我飛起~~要再打鹽水先好d~~有幾次真係血管脹晒打唔入~~就換手~~但由於我既血管太幼好難搵~枝針又粗~~醫生幫我搵左4次位先打到~~有次要打近心臟既靜脈位頂住先~有幾次打到個人震晒~~諗起都驚~~都怪我平時唔運動~~血管太幼~~所以連打針都要受皮肉之苦~~諗到呢度~~每次見醫生都好驚~~因為一打入去好痛知要換位~有時左手有時右手~~宜家左右手共有6個針口~~因為打完左手條血管會痛幾日所以必要轉手~~如果係轉左手~~就連飯都食唔到~~要用匙食~~諗起呢度就覺得生病左真係好痛苦~~

每日就係食呢d藥~~氣管藥會心跳手震~加上手有針口會就住~~當然就o訓得唔好~~因為怕傳染老公~係家也帶住口罩~~出街也是~~

打左第5-6日針~~開始無咩痰同咳~~比之前好返好多啦~~雖然日日都有皮肉之苦~~中間見病情差不多自己會有擔心~~又怕老公擔心~~所以同左家姐同好姊妹講出來~~會舒服d~~起碼我支持有人在支持我,關心我~~要你地擔心真係抱歉~~今次係一生中其中一次最大獲既病~~之前d長期病都係心靈上~~今次係身體上~~感受好多~~以後會更加照顧自己~調理好d身體先可以將來做到更多自己想做既野~~

到剛剛上星期五~~醫生話我有明顯好轉~~但個肺仲有d雜聲~~要繼續食抗生素~但可以唔洗打針~~下星期再覆診照多次肺片~我開心到呢~~終於唔洗再受皮肉之苦~即刻返屋企自己煮麵食~~雖然隻手仲有d痛~但無左個針口就可以做家事~~自在好多~~不過未好返都唔可以去人多地方~~只可以行下公園~呢個月都唔可以做劇烈運動~~我就要聽醫生講~要做個乖病人~

到今個星期一~~去左照多次肺片~~好緊張~~醫生話花既部份少左好多~~仲有少少雜聲~~不過都會慢慢好~~因為我病左咁耐同打左抗生素, 抵抗力會弱d~~唔好去人多地方~小心注意身體~~唔好再感冒~吃多4日抗生素~一星期氣管藥再注意後續調理就可以啦~~唔洗再覆診啦~~太好啦~~我太感動啦聽到醫生講呢句~~好在有佢地~我先知道自己肺炎~~及早醫~~一星期就好返好多~~如果唔係可能都入左院都未出返來~~

大家都要保重身體~~如果一個人無好既身體真係咩都做唔到~~個種無奈同無助既感到我宜家好明白~~有健康既身體先有美好既將來~今次真係嚇壞愛我既人~~謝謝你地啊~~我知道我並唔孤單~~雖然我既上半生似乎比較多錯折~~但我會收拾好再加油~~我要下半身過得更精彩~~

今次打左好多文字~謝謝收看~~我會好返之後繼續打返食譜架啦~等我啊~~小休一會~~