傻‧小玲^O^@部落格

早餐對於人既新一天開始係好重要~~我記得中學個好好既班主任成日見我面青口唇白就日日都提我食早餐~~自此之後, 我真係無咩試過唔食早餐~~而且時間許可的話我會食得豐富d~就算減肥都要食早餐~反而可以晚餐吃的少~食個豐富早餐人都有心機有精神開始新一天啦~~其實我既早餐唔算好健康~~不過勝在咩都有均衡d~~其實來來去去都係個幾樣~~再加d 變化~~蛋, 麵包, 蔬菜, 肉啊~~知道加工肉無益~~我盡量都係一個月食一次~~煙肉真係好好味~再加上自家製新鮮麵包~~因為煮早餐非常簡單~我就唔詳細講啦~都係煎下焗下蒸下~~就同大家分享下我既配搭比d idea大家~~

以上呢個係brunch 來架~~超豐富~我都食唔晒~~通常weekend我都比較遲起身~~通常都係在家煮~~因為想飽肚d, 通過前一晚有麵包買定(牛角包是超市買的啦~~因為太難整~~我再自己用焗爐焗5分鐘令其更鬆脆, 再戒開中間加上芝士火腿仲好味)

煎熱狗腸, 煙肉,磨菇 (用廚紙抹乾不要洗, 加香草, 海鹽, 黑椒炒至軟即可, 唔好炒太耐會好乾, 我炒的剛熟就會好juicy),

黑松露炒滑蛋 (炒蛋再加黑松露醬簡直絕配, 之前係出面食過~見到一田有松露醬買, 又唔係想像中咁貴, $65 左右一小樽, 但每次用好少, 所以用到好多次~)炒蛋既秘訣係, 大火加熱轉小火落蛋, 蛋要加一茶匙牛奶, 油同少許鹽拌勻再落去炒, 如果係炒滑蛋見到蛋汁變左半固體狀態就可以熄火啦~~

牛油栗米-我通常用罐頭既, 加一執牛油, 黑椒放入鑊蒸10分鐘就係m記個d 啦~朝早食好健康~~算係平衡下~

炒薯仔粒-將薯仔去皮切粒, 加油預熱平底鑊, 慢火煎好薯粒, 可加少少水加蓋5分鐘至全熟

呢款又係簡單~~個包係日式紅豆包, 焗得耐得仔黑左>_<, 炒蛋, 啡菇, 煙肉片, 再配上自家即磨咖啡~~

想轉下style, 食hotcake又得, 自家煎hotcake配抹茶醬, 加個煙肉同太陽蛋 (裡面流心)

唔想咁飽, 用一片麵包, 用一粒磨菇切片, 輔上芝士, 灑上海鹽, 黑椒, 放入200度焗爐焗5-10mins至金黃即可取出, 呢個好好味~~想飽d可加火腿

可可米加奶都係我至愛, 再加自家製芝士條

可可米怕肥, 可以食呢隻日本大熱既野菜殼物片, 好多種唔同既殼物, 加奶食就ok, 我呢隻紫薯味限定也不錯, 再配自家製抹茶菠蘿包

唔想咁麻煩~~自家製吐司, 只需於裡面抹上牛油, 加入火腿同芝士片 (我用president 既chedder 芝士超好味), 放入焗爐180度5分鐘即成~~

炒蛋+腸仔+火腿+多士 (WITH 自家製草莓早醬)+茄汁豆-->百搭早餐A

除了煙肉磨菇粟米之外, 牛油果醬多士也很健康哦~~只要將牛油果打碎, 加鹽,黑椒同檸檬汁就可以啦~

大家也一起在家煮早餐~~美味又健康~~身邊人又食得開心~