傻‧小玲^O^@部落格

HAPPY NEW YEAR 2018~~新年快樂~~~!!

好耐無見~~過往2017年都好忙碌~~好多野做~~睇返原來都成年無分享自己既野~~其實我成日都想分享自己既野比大家知~~係呢件年都學唔少野~~收收埋埋都夠同大家講~~

來緊2018年希望可以經營返呢個BLOG~~~~幫到自己之餘又可以幫到大家~~雖然我近一年都沒更新~~但好多開心見到大家都有睇我既BLOG~~所以令我更有動力將我呢4年既人妻心得同大家分享~一齊做個靚靚人妻~要入得廚房出得廳堂的~~

咁我又係咁易回顧下我上年做左D咩~~其實上半年我係好忙既~~因為我搵到份政府工~~心諗~~咁耐無做過全職~都有人肯請我~~雖然係最低既文員職位~~人工唔高~不過聽講準時收工又返5天~~又HEA~~心諗緊係好啦~~見工都要2次~~不過唔難~~基本野~~都好幸運我被選中~~結果我就懷住少少驚既心情~~一試心態接受左個offer~~

1月中返工~~training 左3日~~因為呢個職位係請好多人架~~再分派去唔同部門~所以之前見工都唔會知返邊到~~上training最尾個日先知~~勁緊張~~而且屋企人都好支持我返份hea工熟習返~~上堂個陣都無咩野~~我仲要係唔太驚同d同學仔交流~佢地都好好~~唔太AGRESSIVE既人~~因為做得政府工都必定係唔求好進取~~我都要讚一讚自己可以克服到~~仲可以同佢地一齊食飯同搭車~~上堂個陣已經有幾個部門話唔好入會好忙同好驚~~有圖書館~康文署~民政處~警務處~運輸處~~都係要返SHIFT 或者超忙或者好恐怖~我心諗唔會咁好彩既~~當時仲唔識驚~~最慘係你返左3日工都未知自己做咩~~最後一日TRAINING~~放學前派信封~~我知道自己做警務處~~同另一個同學仔都係~要去灣仔總部辦手續~~當時都未知驚~~心諗就算警處都唔驚~有寫字樓架嗎~返灣仔幾好~我一直都想返寫字樓工~~有自己既working desk~唔洗坐counter對客~第二日去到人事部辦手續~~填左一大輔form~~mpf~~personal info等等~~咁大個女都未參觀過警察總部~~樣樣野都好新奇~~睇下見唔見到一哥~之後我同另一個同事就安排去影pass相~~好專業架~~即刻拎得~周圍行個d都可能係阿sir madam~~跟住攪左一個早上~~人事部同事終於派左張紙仔我地正式去邊返工~~係~無錯~~係宜家先知~~所以你明白我有幾不安~~我見到張紙寫住~荃灣分區總部~~oh~~真係返警局唔係office~~另一個同事好好咁留返係總部人事部~~>_<~~我心諗why me~~莫非佢認為我係u grad所以比d難道我~~我抱住好擔心既心情搭車去大窩口既分區總部搵返我個bosS~~好日唔去警處~~今日就警處一日遊~~好艱辛個搵到個疑似BOSS~~佢同我打左招呼~收左我張紙又比返張紙我~~跟住又同我講我唔係返呢度~~直接去青衣警處報到~~>___<~~心諗~攪咩丫~~又唔係呢到~~我走左2轉~~跟住搭車去我既終極返工地方~~"青衣警處"~~我仲未知自己做咩架~~因為警處都有好多部門~~我心諗點都比返份文職我啦~~救命~懷住緊張又不解既心情去到報案室~其實我勁驚~~因為呢一刻開始全部同事都係阿SIR~去到搵個警長~~打招呼~~我心裡面幾驚~~以為係阿SIR都惡~但佢地其實好NICE好好人~~佢終於話比我知我做"證物房"~~我心裡即刻產生強烈不安~~上堂miss講最恐怖既地方之一~~~阿sir已經講左好多將會面對同發生既事~~我個一刻真係完全接受唔到~~如果要我講就有排講~~等大家有興趣先再講啦~

如是者~~我就係係電視裡面先睇到既證物房返左4個月~~每日既工作都好新鮮~~點收證物~~再分類~包裝~~分發證物~~同阿sir chit chat~總之每日睇新聞知道附近有咩案件~~我就知道有咩收~~過程緊係有攪笑亦有驚嚇~不過每日都係驚多過喜~~工作其實好簡單~同事亦都好好好照顧我, 知我驚會盡力幫我~~我對sir 們都改觀左好多~心裡是溫暖既~~不過由於我本身悲觀既性格~同埋膽小~~我每日處理既證物會令我諗起d唔好既事~~正面d睇我地好應該愛惜自己生命~每樣事都有解決辦法~~但本身我正能量唔多~~再比呢d心酸既事情影響我剛康復的心情~實在是得不償失~所以頂左4個月~~發覺自己唔夠能量去應付~~同老公商量左後就決定resign~~每日惡夢既我終於要放下啦~~雖然剛剛上手好唔捨得d對我好好既同事~我會感恩即使我做左幾個月但佢地都好真心咁幫我...雖然短暫~~但我覺得呢4個月不平凡既旅程~~得著都多~~亦都好好感謝依然守住崗位既同事們~~

所以上半年~~我好充實同難忘~~到下半年有去左鹿兒島旅行~~散下心~~~做下YOGA~~~學習烹飪~~繼續做煮婦~~照顧好家庭~~真係要都近來~~先至可以令自己心情輕鬆返D~~畢竟我的經歷實在太震撼啦~~

停左藥一年啦~~過去一年都起起伏伏~所以唔係成日太有心情去分享~~我想2018要OPEN MY MIND~~睇書話寫日記有助減壓同穩定情緒

我知道自己個病會不斷上上落落~~但我知道長期食藥唔係辦法~所以我就要靠自己意志去幫自己~我唔想同身邊人講太多~~因為佢地自己已經有好多野要忙~我唔忍心再加重佢地負擔~同埋我知道普遍大眾都唔認識點樣去幫我地呢D病人~~~如果講錯野就會令我地唔開心~~我呢幾個月都不停睇書~~咩書都睇~~希望幫到自己~~開解自己~~

好推薦佛家講禪書~~雖然難明但你睇完自己會放開左~~我唔叻要慢慢參透~~達賴喇嘛既佛學道理都好值得推介~~我睇完個人明左~無咁執著完美個部份~

有時睇完書~~諗返下~~其實我既病同我由小到大既遭遇有好大關係~~我有一個家姐同細佬~但明顯地~我夾係中間係最受影響~成就亦沒有佢地咁好~~我相信同父母既對待係有關

我記得我出世開始~自己應該都好乖好守本份~~通過細佬同細佬做錯野~我無但係媽咪都會一齊打埋~~即係蓮坐法~~>_<好似我做咩好野都不比讚賞~甚至唔關我事都被責罰~可能之前年代生太多~都會比較忽略中間個個~而且我媽咪又係欺善怕惡既人~~所以我由小到大都係比較~忽略既情況下生活~我記得我同佢地好唔同~係偏向靜D遠離人群~或者係我自己係唔可以選擇自己既喜好~任人擺佈~成日都勉強自己做自己唔想既事~所以我更加養成自己做所有野都要完美~如果唔係就無人理~~亦都係咁我既自信心好低~~由讀書到工作~每一樣野都係為左別人而做~人係咁我又要係咁~無晒自己個人意願~呢個問題我係2年前開始輔導先知~原來過去30年都自己咁差~永遠將自己既心放係最後一位~~所以每做一年事都有壓力...因為都唔係自己想做~係為左人地開心而做~~自己大事亦一樣~~漸漸變得無左自己~~連我自己都討厭這個沒個性的我~~點解到宜家先知~好聽D係細心同顧累別人感受..但事實上我30年來都係為別人而活~~前個幾日睇左本書~~先知道咁樣係不對~~前幾天心情不好~甚至有諗過離開解脫~~原來我這些年來也是為人而活~咁但係佢地係唔會多謝你~~我覺得好辛苦~~唔知為咩~~但一諗起身體熟睡的老公上班咁努力比個咁好既家我...而且當我咁多年都無放自己係心上~~只有佢對我好~放我係心上~~我就唔捨得~~因為我知道我走左~佢會最唔開心~所以我要報答佢~~照顧佢一生一世~~這幾天陰天係特別容易病發~~所以自己要不斷睇書去平衡自己~~

回望人生過左3份1~~為他人而活都已經夠了~~接下來我的人生由自己決定~~自己想做咩就做咩~~唔想做就SAY NO~~我要為自己而活~不為他人~~

我要好好享受我的下半場~~做個開心快樂的人~~

2018~~要好好PLAN好我的人生~~我已經報讀左中醫食療課程~~要照顧好屋企人~~同埋自己對飲食上都有興趣~~

要每星期研究新菜式~~

每日做運動~

KEEP住打BLOG分享

幫老公手睇住頭家~

仲有好多好多書想睇~~

每做一件事就要問自己~"你這樣做會令你快樂嗎？"  快樂就做~唔快樂就唔做~人生下半場就容許自己任性點~~要有靠自己取得的快樂才長久~達賴喇嘛說的~~

祝願各位2018 新一年會更好~~~有個新開始!!GOGOGO~~~