傻‧小玲^O^@部落格

成4個月無打BLOG 啦~~~因為過去3個月都好唔舒服丫~~不過係有開心事分享~~~話說我地都其實一直想生BB~~因為好鍾意小朋友啦~~同埋已經結左婚4年啦~~2口子都好開心同滿足~我地都好想有自己既孩子~可惜結左婚之後~我又不斷因為焦慮症病情不穩~要長時間吃藥所以就無考慮~~當我係2年前下定決心戒左藥~(注意係要經醫生指導才可以哦)~~等我開始返返工作~~前篇有講因為工作性質唔啱所以做了5個月就請辭~那就是合適時間開始計劃下啦~~點知去完個日本返嚟~~做完例行BODY Check之後~~發現到我中左甲型肝炎~~>_<應該係咁啱食左唔熟既海鮮~~結果計劃又一再推遲~~要過多3個月等個肝酵素回復返先可以再計劃~~如是者又1月變到10月先可以開始準備~~~其實計劃懷孕係有咩要準備呢？我緊係唔知啦~咁當然要請教我姐姐啦~~~佢生左對孖仔已經好大個啦~~有姐姐真好~~可以請教下~~

好啦~~由10月開始~~我就好努力地上網找資料~~說什麼優生~~點樣同咩方法去懷孕都會影響bb同受孕機會~~我見到身邊的例子都唔係咁容易就可以生到BB~~有關體質~身心狀況等等~~其實沒有什麼公式~~

刻意去戒口又未必係會咁快成功~~不過都聽中醫講~~想懷孕就要好好養好子宮~~多休息~~少壓力~~~盡量戒飲凍野~~咖啡~~~咁以我為例子啦~~因為人人都唔同~~我就係計劃懷孕開始就已經食定葉酸

   葉酸 Folic Acid GNC 400MCG   ($160)

• 有助胎兒腦部發展
• 足夠的葉酸能夠降低神經管畸形和唇裂胎兒的出生率

3年前去家計會做產前檢查醫生已經開定叫我地最好懷孕前3個月要食定~~等BB有足夠葉酸幫助腦仔發展~~咁GNC比較易買~~係萬寧可以隨意買到~~反正食左無壞~我都有乖乖地~~

咁大家都知我係咖啡精~~係屋企日日都要自己沖一杯latte飲先安落~~咁我呢樣又無特別戒左~~係直到驗到有左無再飲~~醫師話一日一杯其實都唔會好影響~~um~~仲有係雪糕同凍飲~~其實我係有左之前係勁喜歡飲可樂~~檸檬茶~雪糕~~咁都聽到各方意見食生冷同飲凍野係會令宮寒~~會難受孕~咁我都係計劃懷孕就乖乖地盡量減少~~野食方面我無刻意咁轉變~~

我見到網上有好多文章都說如果想準D就要係排卵期幾天要勤力D~~我中醫係咁同我講~~我地初初都有盡量就既~~但唔會日日~~因為我自己既PERIOD唔係話好準~~~30-34日左右~~所以成日都唔會計到最exactly個日~~但有個辦法係會易d~~就係睇蛋清分泌~~~即係個日比較多就做功課~~命中會高d~~不過計來計去或會有壓力架~~所以唔知係咪咁~~過左2個月都無好消息~~因為太緊張~但每次就快來Period就好緊張驚中獎~~因為我通常都遲3-4日都唔出奇~~但自己又驚wor~~所以都拎枝平野~~大衛牌來驗一驗~~每次都係失望的無紅線~~

到第3個月我同老公調整左自己心態~~其實我地都算後生~~~又唔係試左好耐~~其實唔洗咁緊張~~平常心~~結果係新年前我仲答應返左份好辛苦既餅房PART -TIME~~心諗無咁易中既~~又唔係成日返~~賺下洗費都好~返左4日~~條腰累到呢~~因為要企8小時~~我心諗係正常既~~距離下次PERIOD仲有3日~~CYCLE 28左右啦~~平時我都唔會咁準~~但個日有D唔似平時谷M既感覺~~因為一向我都係前5日就會胸脹~頭痛~嗜睡~肚脹好似攪住咁~同埋特別餓~~但係DAY 28個日又覺得個胃口怪怪地~口淡淡~好累~腰痛但胸同肚都無谷~好似同平時唔同~~心血來潮就去拎支幾毫紙大衛牌驗下先~~其實都知道太早會驗唔同~~

佢說明書話係來經個日驗都準~~這是家姐介紹我的~~多驗不心痛~~驗到再買電子Confirm~

day 28 早上及下午

知道係用晨尿最準既~~當我都抱住試驗下既心態~~出去睇下電視轉個圈再返去睇~~咦~~點解好似隱約有條紅印咁~~我之前2個月驗係無野就無野~唔會有印~我心諗唔係掛~真係有左~~咁我當然係唔相信再求證下~~知道大衛牌都準~再問家姐意見~~佢建議我落去買最準個隻CLEARBLUE 電子去驗下確認安心D~~唔係有左唔知亂食野就唔好~~咁我諗諗下~~都係~~費時心掛掛~~所以就落左去買~~要成90蚊一枝架~仲剩返最後一枝~好在我買到~~跟住懷有好緊張既心情去驗啦~~其實我好驚咁早係假架~~上網睇好多人驗左都無~咩代學懷孕個D~~越睇越驚~~

DAY 28 下午

呢隻有埋WK幾既我第一次用~~好緊張~~沾左小便就會有個Loading 既漏斗要等結果~~好似都要2-3分鐘~~如果有左就會顯示WEEK數~如果無就會"NO Pregnant"~

等左一陣就出字啦~~嘩~~我幾驚又失望~~雖然無諗住咁快~~~結果顯示"1-2 weeks"~~嘩~~咁堅~~我真係興奮到呢~~即刻話比家姐知~~佢都恭喜我~~我真係唔相信係真~~因為真係好早~

Period預定期又未到~~其實好驚過多幾日就來~~因為我一向唔準~同埋又唔係話好明顯既懷孕徵狀~所以個心1516~~但係都當住係先~~是日我係整緊年糕架~~跟住無心機煮飯就見老公買外賣~~

其實真係想即刻WHATAPPS話佢知~不過我想當面睇佢反應~所以忍到佢收工~~跟住食食下飯拎枝CLEARBLUE出來恭喜佢~佢嚇到唔知講咩~~好突然~~但大家都開心~~雖然佢唔係太欣賞我既公佈方法~~但大家都好興奮但又半信半疑~雖然都知道係99%準~~但都係太早~~我地都覺得要睇埋period係唔係真係無按時來~然後再book產科醫生confirm~~

所以呢2星期就每日keep住用大衛牌驗一驗~~好鬼緊張~~因為我知道如果係正常懷孕既話體內既hgc會每日倍增~~

呢2星期勁難過~~又未100% confirm到~~咁啱又新年~~不過好在無咩唔舒服~係戒口~~唔食生冷涼野咖啡奶茶酒~~無人睇得出~~通常新年都會比人問幾時生架嗎~我幾想答佢但太早啦~所以我地都唔可以講~所有野都好小心~~因為頭3個月都係要最小心~直到新年後~~我地約左醫生~~計計下如果6week左右話唔定都照到野~~所以我地都唔急住太早去照~~當然等待既過程係辛苦~

day 40

好不容易忍到day 40~~~period真係成個幾星期無來~~~真係每日都驚佢會來~~見到朝早一驗~~"深紅線" 好快就出來啦~~太感激啦~~再re-confirm 驗多次貴貴既clearblue~~顯示3week+~~~

我地先放下心來~~今次應該都係真架~~

我地要當父母啦~~心情緊張地等耐去見bb 既week 6~~~好在有朋友同姐姐有經驗~~好多野都可以教我~~我才不會那麼驚慌~~心才定了點~~

朋友給我介紹了婦產科醫生~~是女醫生~~我也不太想是男醫生因為感覺會比較不自然哦~~所以回想起這個月來~~由唔知係唔係有左~到好似CONFIRM有左~~真係心情複雜~

相信好多姊妹們也遇到這個情況~~我這次也深深經歷到了~~個種感覺真的是難以形容~~~多謝上天比我地一個希望~~等我地一起衷心期待這個可愛的小生命~~^_^