傻‧小玲^O^@部落格

今日12week 4day~~等左好耐既威院照唐氏~~俗稱"度頸皮"~~係一個月前已經拎左期~好在醫院比到個近期我咁準確度就準D~雖然我自己有出去做T21~~不過安全起計都係度埋頸皮穩陣D~~因為我係呢度生B~有個RECORD都好~同埋今日老公都請左全日假陪我~~我地上個禮拜去完產檢之後~~再隔幾日又見到BB~~真係好開心~~

約左下午1:30~~咁我同老公都早左起身剩係食左早餐就揸車出去~~好在有車咁唔洗搭火車咁遠~都等我舒服D~~辛苦晒老公~泊車都唔平丫~~~一次半次唔緊要啦~

去到李嘉誠專科門診南翼~~搭LIFT上2樓就係產檢既地方~~"婦產科專科門診"

呢幾個月我都係咁進出呢個地方做產檢同聽講座~所以要熟D~~去到已經見到好多人~~今日星期4希望唔洗排咁耐~~去1號窗排隊~~都等左20分鐘~~跟住姑娘就會問你今日見唔見埋醫生~~如果見埋就會同你取消左9月個期~~我心諗是但啦~我有睇出面唔怕既~所以佢就比左張紙仔我...示意我去常規個到度高, 磅重, 量血壓同驗小便~~基本上係自己來~~有姑娘同你紀錄~~要留意係驗小便個時係要自己帶樽~無就要去便利店買~~~咁我當然有帶啦~~~費時帶住去洗手間留~~同健康院一樣~~睇下你有無糖尿咁~~跟住自己拎試紙放去樽仔到~~~無事就拎埋張紙仔走得~~出去大堂睇住電視等叫名~~~姑娘都講要攪成個下午要食定野~~

心諗弊啦~~無帶野食又唔行得開~~一陣會餓~~雖然我都係孕吐期無咩胃口但老公都要食架嗎~~所以叫老公去便利店買D野返來食~~結果我地等左約30MINS左右有叫名~~我心諗咁快~~

入到房見到個姑娘~~佢好詳情咁問我病歷~~我心諗咦~~係健康院咪答左囉~~已經帶埋健康院資料來~~~姑娘話原來係唔通架~~個電腦~~所以再問~~>_<不過唔緊要~~個姑娘都好細心好詳細~~又好傾~~~問完又出去等叫名~~姑娘話可能都等得耐...比左D分勉資料我睇下~~同埋出面有電視播緊餵人奶教學~~完全OPEN無打格~~在場好多老公陪太太覆診~~攪到我有少少尷尬~~雖然遲D都要係咁...

睇左一陣野...又食下野~~又同老公講下野~~又被叫名~~今次係一個好年輕既唔知醫生定姑娘問我有無興趣參加佢地同中大合作既陰道產剪會陰既計劃~~佢過大約90%既婦女係生產時都要剪陰3cm~~覺得無得揀對我地唔人道~~同埋會影響之後復原~~佢個計劃係係孕期同生產後都有不同檢查去mon住你個傷口來做研究~~其實唔太清楚係咩~~不過見到之後要不斷返醫院檢查~~加上我又唔係住得近~~所以無參加~~

之後又出返去等~~等左都唔記得幾耐~~係呢個時間又無咩做~~就去左登記處附近有d講座可以自己報名~~佢有好多產前講座~~同埋報名一定要親身~~而且要已經開始左第一次產檢先得~~

佢每個course都有個file~~file夾住報名紙~~有興趣既就填好~~如果要老公參與就填埋老公既名~~~每次只可以帶一名親友去參與~~

我今次都報左產前護理講座, 初生嬰兒護理, 產後飲食, 生產過程分勉同母乳講座~~一來免費~~二來想學多d野~~感覺威院應該專業d~~而且我有時間~~平時自己搭車去都好方便~~學多d個心安定d~

第時就唔怕照顧小b啦~~~不過由於佢d講座都係閒日~~所以只有初生嬰兒護理係叫埋老公陪我..因為我唔想佢請咁多假~~要留返有需要先用~~填好將表格入去3號窗既箱~~之後姑娘就會叫你名去拎返收據~~咁就成功報到架啦~~

之後坐多陣~~被叫名啦~~終於去到另一個房有得見BB~~~同去私家醫院一樣~~都係訓上床等醫生照個超聲波搵BB~~照左好耐..我諗有15mins~~成程都係動態~~所以好得意見到bb既手仔腳仔~~腰骨~~頭仔~仲見到佢打呵欠同腳仔不斷踢~~bb好活躍丫~~我地都好感動~~覺得呢件事好神奇~可能小b知道我地見佢~~佢好多活動~~攪到醫生搵唔到個有利位置度個頸皮~~所以試左好耐之後~~醫生話等我地出去行下~~希望轉到位~~~一陣易d照~~如是者我地又出去等~~呢個時間又被召入去見醫生~~醫生問我每個病歷~~呢個女醫生都好細心~~~影晒我既病歷~~知道我有甲狀腺問題而我又擔心~~所以佢幫我抽血驗下~~因為懷孕有機會令甲狀腺改變~~~影響到bb架~~跟住按佢指示落左去抽血中心抽血又上返來~~之後醫生又叫我~~佢見到我之前係廣華醫院有個紀錄肝酵素偏高咁我答佢係因為甲型肝炎而且無事~~安心D佢又叫我去抽血驗下肝~~~>___<好灰~~剛抽完左手又去抽右手~~好在老公陪我..成日係到行來行去~~好忙碌~~~個陣已經係4:45~~攪左3小時~~~

之後抽完血又等叫名再入去度頸皮~今次都照左一陣~~小B乖D啦~~~今次度到啦~~~頸皮正常~~~太好啦~~~我地都安心D~~雖然有驗T21~~但雙重保障~~又可以多個機會見BB幾好丫~~

見醫生個陣拎埋張催生紙~~如果遲過呢個日期就要自己去產房啦~~意味著之後無咩特別都唔洗過來威院~~

不過個醫生好好人...見我比較多病痛~所以話下一次來返威院產檢...唔洗去健康住~~

就係咁..今日既檢查就5點半先完成....攪左4小時~~~我地無食LUNCH....餓到我地死~~~~各位記得要食個飽先去丫...

醫生話雖然度頸皮無事~~但都要配合返媽媽年紀同埋抽血報告作準~~2星期無電話通知就代表無事~~~

**咁我之後都收唔到電話~~所以安心晒啦**