傻‧小玲^O^@部落格

係我剛滿3個月之後~~害喜攪到身體狀況唔好~~唯有留在家好好休息~~呢段期間真係好灰架~~野又食唔落又攰~~所以要搵d野做比自己轉移下視線~~上下網睇下有咩可以做準備~~

見d準媽媽穩定左之後都會加入各類型既媽媽會~~~遲d開post再講~~~因為要加入各大奶粉商同bb用品既會先可以優先報佢地講座~~好似話會抽籤~~其實免費既產前講座真係好多~~不過我又唔係太舒服~~唔想個個都去~~~所以就睇下D comment邊個禮物豐富D內容唔錯先報名~~所以揀左大家都推介既美素佳兒 產前講座~~都係網上報名既~~我見係月尾咁我都差不多4個月可以聽定~~同埋個個話個三角枕好有用~~咁又係免費既~~好快就收到SMS通知出席~感覺應該唔難抽~~

<美素佳兒 陀B輕鬆好EASY產前講座 >

地點: 旺角帝京酒店6樓喜宴堂
日期: 2018年4月29日 (星期日)*
時間: 下午2時至下午4時
內容:

 1. 專業營養師分享懷孕期寶寶營養需要，拆解準媽咪飲食煩惱

 2. 註冊護士教授及示範寶寶沖涼、掃風同按摩技巧

 3. 免費拎走貼心實用<懷孕三角枕>，可作側睡或墊腳用途

由於座位有限，每位準媽媽只限攜同一位親友參加講座。
此講座只限成人參加，嬰兒及小童謝絕入場。

收到SMS話要提早登記同玩遊戲贏獎品~~好在就係旺角火車站好方便~~星期日老公又可以陪我~我地第一次去都好緊張~~所以早20mins到~~

個場都好大~~好多人去~~一入場就每人比左個貼紙貼住係身辨認~~之後拎到d講座簡介小冊子~有d書仔~~~同一枝好可愛既原子筆..跟住就玩遊戲~~拎禮物~~按佢指示要開一個程式~~玩個遊戲拎獎品~~再聽下佢講解個奶粉既特點~~係覺得呢個位佢有介紹自己品牌~~跟住就好輕易拎到牛牛既口水肩~~之後有本書仔係講懷孕既~~~再去最後一個攤位試媽媽奶~其實之前去產檢既時候都拎過來飲~~覺得好甜~~玩晒遊戲拎晒禮物就搵個位坐啦~~講座係2小時~~~現場應該都係一個都算大既Ballroom~~有水提供比媽媽們飲~坐得唔算迫~~但都滿場~早d去拎位同坐前d都好既~我見好多人都遲左來又要玩遊戲~~會miss左d野~

第一節係男既營養師講左大約45mins~~由於今次係我第一次聽~~所以都覺得佢講得幾好~唔悶場同幾有用~~大概記得佢講過孕婦會無記性係因為懷孕缺少左某樣野~同埋佢話一個星期都要曬到至少2次20mins既太陽但記得唔好搽防曬~~去吸收vitamin d幫助鈣吸收~~同埋便秘問題既孕婦可以食泡菜因為有益生菌但唔好蒸熱佢~~因為d菌會無晒~~我仲以為孕婦唔可以食辛辣野~不過佢係西醫既角度所以無戒口既概念~~唯一係雪糕真係唔好食~~原因唔係凍~~係因為驚會有生雞蛋係裡面易感染李斯特菌~~所以孕婦要好小心~~佢講完之後就有q&a session都有好多人問問題~~我覺得佢講得唔錯~~

中場有休息時間~~未玩遊戲既人可以再玩~~

第2節就有個註冊護士教同bb護理~~好似沖涼同按摩咁~~佢都講得唔錯~~好熟手~~不過因為好遠所以始終睇得無咁清楚~未講之前搵左2個新手爸爸示範~~都幾攪笑~~

之後就示範bb沖涼前有咩要準備好晒~~先清潔再沖涼~~我地第一次聽都聽得好入神~~希望之後沖涼會可以自己來~學多幾次應該就識架啦~仲有幫bb按摩既手勢~

好快就完場啦~~大家最緊要係離場前拎埋今日既重點三角枕~~~咁就完啦~~都唔洗等好耐~安排得幾好~~我之後都聽過幾個~覺得美素佳兒既講座都值得去~~算最大型~安排各方面都好好~禮物都算豐富~~所以各準媽媽記得入媽媽會拎晒D禮物丫~~同埋佢真係無HARD SELL~~所以感覺唔錯~~

http://web.friso.com.hk/hk/frisomumclub#

加入媽媽會

呢d係今日講座既戰利品~~

呢個三角枕我暫時未諗到點用~~可能到個肚大d先用到~~

收到sms有個app玩game~~係你懷孕唔同月份會有唔同禮物~~到生既時候有終極大獎~~唔知係咩呢~~

不過呢d禮物要去旺角銀座廣場換領中心自己拎~~所以我講完講座就順便去拎埋~~仲有之前入會既迎新禮物<牛牛被>

呢d我分左2次拎~記得帶埋懷孕證明~~星期一至日都開架~~個2本書仔都好有用~~仲有粉紅保溫杯同食物罐~禮物都好豐富丫