傻‧小玲^O^@部落格

雀巢防敏媽媽會~~雀巢防敏1000天準爸媽湊b實戰坊

日期: 2018年5月1日

時間: 下午2時至下午4時

地點: 旺角帝京酒店六樓喜宴堂

剛滿3個半月~~第2次去既講座~~上網D mama group話實用同多禮物~同埋都大型d又有實戰~想學多少少湊bb既技巧~咁我又試下抽睇下中唔中~~感覺上應該容易中~~~揀左下午場~~無錯~~前2日剛去完美素佳兒~~今日勞動節假期又來~~

雖然孕吐既感覺依然嚴重~~不過前2日想去食lunch邊爐食唔到~~今日早起再去牛角就食到啦~~yeah~~唔知點解大左肚都好想打邊邊~~其實都健康~~唔計熱氣d~~~有菜有肉而且仲係烚既~~雖然前菜同甜品都唔食得~~咁唯有密密夾野烚啦~~

老公當然滿足完我既邊爐癮~~見我呢2個月都無咩食到~~~好可憐咁~~都想我食多d~~

好快我地食完~~跟住就去到會場~~都多人丫~~今次無上次咁一開始要玩遊戲~~佢係門口擺放左3個檔口~~分別係資深既陪月姐姐係度用假b示範緊幫bb沖涼、著衫, 換片同清潔~~係自由去聽既~~

今次都算係近距離~~睇得清楚d~~不過都多人~~講既野都係差唔多~~不過就要企係到睇~~如果你已經識既就可以唔睇~~搵個位坐等講座開始~

仲有係有個營養師個人咨詢環節~一對一既~~只要去拎個籌等叫名~~有2個營養師係到同你講孕期要食D咩~~~你做完一個問卷佢同你Review返~~都幾好~~~

話咁快講座就開始啦~~~其實佢都好少hard sell~~~要係未開始講座同埋休息個陣播下介紹咁~~

上半場就由一位營養師主講~~比較起上次美素佳兒~~我覺得雀巢係會講左d唔同既野~唔會點重覆~~佢著重講由懷孕去到BB出世既敏感問題~~上次係無講既~~大致上係如果父母本身都有敏感~~BB好大機會都會有~~再加上環境因素等影響~~都會有發問時間既~~好快就45MINS~~有break既時間比大家繼續去攤位學湊bb~~我地睇左幫bb沖涼同換片~~又再學多少少~~唔知之後仲記唔記得呢~~

再來下半場有個資深陪月姐姐講坐月食療同注意既地方~~呢d上一個講座係無既~所以我地都比心機聽~~有講炒米茶要點預備~~生左bb唔可以飲開水~~一定要飲米水~~再講坐月可以食咩~~

12朝之後惡露清晒先可以補~~我叫老公影晒D食譜~~等遲D家人同自己都可以參考~~佢係用中醫角度我覺得係幾好~~

之後好快就完結~~終於輪到我見營養師~~因為個時直正孕吐時期~~所以做完問卷D RESULT唔係咁好~佢都鼓勵我每星期要食到2個手掌既肉~~同2杯奶~~其他就要均衡~~

如果食唔到就要用dha 同鈣片去代替~~咁我都知道大概自己食野方面要努力d~~~

就係咁2小時既講座就完結啦~~重點係大家好守秩序咁排除離場等拎禮物~~每人有一個好可愛既袋子~~裡面D禮物都幾豐富丫~

GOON尿片試用裝

鴻福堂豬腳薑免費卷一包

思詩樂清潔棉

各牌子BB身體護理套裝

BRAUN黑色隔尿墊

我個人覺得呢個講座都值得去~~係學到野~~又有禮物拎~~謝謝老公2次都陪我丫~~