傻‧小玲^O^@部落格

每次去親一田, AEON個D日式超市, 我總會買包日本甜薯, 唔知點解真係特別鍾意食, 因為佢好健康, 就咁烚就得唔洗調味, 有D人會食2條代替一餐作瘦身架~纖維高,脂肪少,

今日成日都無野做....老公外出晚飯..不用預備晚餐, 我的工作又少了~~可以專心打自己想打返既日誌~最近都好喜歡打blog, 可能可以透過呢個無人識我既平台就可以暢所欲言吧~昨晚唔係訓得幾好~所以今日又好晚先起到身~~每朝起身第一件事唔係洗臉~係去客廳既窗台睇下我既小花圃~睇下盆栽要唔要淋水~上星期去左花墟買左盆羅勒~奶奶幫我將佢一盆變兩盆~仲有之前買既鼠尾草~同埋我研究緊種唔種到既蔥~因為成日都要問菜檔拎好煩..係都市閒情學自己種~唔知得唔得~自給自足~呢個都係比我打發下時間既一樣野啦~~之前玩插花..不過因為夏天太快死...唔忍心..所以就買D盆栽試下..抵D 嗎~D 羅勒聽聞係驅蚊架...種左之後屋企真係少左啊~~$15蚊盆抵啦~~大家也可以試試哦~雖然窗台係好阻地方又唔實用~但將佢變做洋台咁又會有另外一個用處~也不錯吧~

第二朝一起身就食得~好飽好健康的養生早餐哦~煲到好稠的效果哦~我個人比較喜咸食~落少許海鹽已經夠味~食2碗已經飽飽啦~

自從買左p仔機...日日都整麵包...佢附送既食譜其實有好多款式..係直接法, 無落湯種, 我發覺隔2日都唔會變硬..實在太好啦~~可以日日食新鮮好味既麵包