close
終於去完台灣回來啦，今次其實都好好玩，有山有水有海有靚民宿，遲d同大家分享下，有排寫啊！抖左幾日個精神都未回復，唔知係去旅行太累還是病情唔穩定，每日個人都好沮喪，又靜唔到，個心好緊張，又心跳又手震，出街見到人好驚，返到屋企最舒服。可能自己無按指示食藥，又錯晒d份量，今日見完姑娘，好像藥力已沒用，還rebound了，比之前更嚴重，控制自己唔到，所以呢段時間都盡量比自己慢落嚟休息下。
從未試過會好似小朋友咁坐唔定。1分鐘都唔得，不斷地做野，係街見到熟人(除非是家人及好朋友)，好似見鬼咁，嚇到傻!
"人生無希望"呢個念頭成日都出現，還有會偏頭痛呢！宜家斷絕社交，除左令我安心的地方外，我盡量會留在家中比較自在，就連出門見到保安要打招呼呢個舉動都好吃力，在m記食個tea也發抖~天呀！怎會那麼嚴重~~看來我還是要睇睇醫生，政府呢個醫生實在太無醫德啦！浪費了一年時間。
我宜家盡量要將病情穩定下來~~才可以做到自己想做的事，才不會令身邊人擔心~~

從前每次high tea也很開心的，現在也沒什麼感覺，只為肚子。我要找回我的快樂
arrow
arrow
    全站熱搜

    傻．小玲^O^ 發表在 痞客邦 留言(0) 人氣()

    E-mail轉寄