傻‧小玲^O^@部落格

今日係8月啦~~時間真的過得很快~~我做了主婦快一年了...下個月仲係我地結婚2周年紀念..過得好快...這一年真係好快就過...我也不斷地吃藥, 睇不同醫生, 心理上治療, 轉不同藥..每次都有新藥適應期, 通常會作嘔, 生悶氣, 頭暈,胃痛等等...受害人當然係一直係我身邊既老公啦..真係想說聲不好意思呢...想像唔到自己會像潑婦罵街一樣~~呢件事都唔會係我身上.所以每次發完脾氣好內疚~當然初初老公也唔會讓我..同佢併過啦..那當然是我輸啦~~之後同佢解釋返佢明白..呢d係反彈or 藥既副作用..是的..

我早陣子終於轉了醫生, 因為看政府呢個醫生太無醫得..跟左成年..除左識講因為我有甲狀腺底唔會醫生之外~~佢好似無講過其他有建設性說話, 仲叫我自己鍾意減幾多就幾多..唔食就唔食..完全不負責..我都知道佢好多症要睇...所以每次入去唔夠1分鐘..就被趕出來啦..感覺很不好受..佢連我最近點都唔會問, 剩係講d令人氣餒既說話~~忍左一年無咩大進展~因為減藥加上種種因素, 我就經輔導姑娘介紹左個唔太貴既私家醫生比我...本來唔想睇..因為想同老公慳d錢, 因為唔知幾時可以做得返野...但老公都話唔好再睇政府啦...試左出面先..因為睇政府要等好耐先可以覆診, 個醫生又唔好~~所以辛苦d都要架啦...轉個私家睇教返啱d藥, 姑娘話呢個係佢既朋友, 教會人士好有耐性, 我唔理得佢係唔係好醫生, 有耐性唔趕我走已經好好架啦~~~

結果睇左幾次...宜家第三次轉藥, 因為醫生話我個身體對藥物好敏感...試親都唔敢大劑量...佢比左幾隻新藥我...都會唔舒服...但最緊要唔好眼光光等天光..訓唔到真係咩心情都無...可能我生理時鐘好亂~所以早訓係唔得既..攪到2-3點先可以o訓到但又係成日醒...咁就真係好辛苦. 係頭一天會自動昏睡, 呢2日都唔係好訓得著~會唔會d藥又無效呢？咁快...>>真係好擔心成日轉藥我既身體應唔應付到...不過我要信醫生..醫生話一定會好快好既...做多d運動, 搵返自己既興趣, 試下生活得唔好咁急...佢都feel到我個人好急...我咩都趕咪攪到自己勁緊張...我要嘗試下放慢腳步...無法啦..呢個係香港人既通病~醫生對我有信心..我對自己都有信心..還是再休息返個人穩定返先出返來工作...醫生話都唔急於一時啦...等穩定左先...雖然身邊有好多人支持我..但係我軟弱既時候總覺得無人明白我..一個人好孤單呢....這場仗不好打....我希望我可以打到它~

  這個鼠尾草種了多個月, 在我上月去台灣時已經枯萎得七七八八..當時都覺得沒有救, 但老公說可能奶奶家地方大會救到呢...因為去了七天台灣, 所以我家裡的小植物就給了奶奶照顧了...結果回來的時候已經長滿新葉子...放回我家, 我每2天也用洗米水澆它...居然又長出花來啦...仲靚過之前~~好滾動啊~~~

快死的植物, 只要用多d時間同心機..佢依然會重新..真係無咩係唔可能架~~我信啦...我要加油~~~