傻‧小玲^O^@部落格

餐廳      : FINDS Restaurant & Bar

地址      : 尖沙咀金巴利道39號帝樂文娜公館1樓

收費     : $328+1% service charges for two

時間     : 3:30-5:30p.m

remarks: 可預先到openrice app預訂位置, 前一天有staff打來confirm, 非常方便

之前上網SEARCH到呢間高級既北歐餐廳FINDS做緊個High tea set好抵, 每人只要$160~~雖然都有心理準備要打左底(食定野)先過來, 因為份量比較小~但見到佢用咁靚既花花餐具就忍唔住來試下~~這裡比較暗的環境好有氣氛~我之前訂位要求window seat~佢真係做到~雖然無view, 對面是地盤, 但有d 光線邊入來好似warm d~我地3:30準時到~見當時只有1至2張枱開始坐低左~到我地坐多15分鐘, 差不多全場都full 了~呢個北歐high tea果然好受歡迎啊~~今次係同丹麥哥本哈根的女生家品品牌greengate合作呢個tea set, 可惜香港無得買啊~佢比cath kidston更女生~如果見到我一定瘋狂~

入到去見到桌面上的餐具已令我尖叫~~未食野都覺得正啊~~(女生就是這樣易滿足)

很北歐鄉村風的花花碟同埋餐巾哦~很想帶返屋企哦~如果香港有賣就好啦~

很漂亮的糖罐~今次每個細節都有拍~窗邊有自然光透入, 不用特效也很美~

佢有個餐牌介紹tea set既食品, drinks 方面都有好多選擇~不同口味的咖啡~朱古力及有機香草茶等等,以這個價錢來說選擇很多了, 如果有需要佢地都會介紹既~

主角到啦~~之前上網search過都知道大概有d咩食, 咸甜點部份係比較細份...不過我們吃過午飯就足夠我會hea足2小時啦~

底層:有4款咸點, 分別係龍蝦煙燻魚子蕎麥薄餅、奶油三文魚五香牛肉、豬肉開心果鬆脆麥芽餅同埋磨菇酥

中層:3款甜點, 分別係橘子長奶油餅, 薄荷朱古力蛋糕及紅莓乳酪配碎白朱古力

頂層: 時令marcoon, 我覺得似有蘋果內餡既花生馬卡龍, 因為menu無寫

另外仲有2件~點少得high tea既靈魂~~~提子鬆餅, 佢有士多啤梨果醬同埋cream chesse; 仲有個青蘋果酥~呢個值得讚~好好味啊~~之前未食過啊~~

個杯好精緻啊~~佢後上, 然後佢會噴上d 酒, 有少少著火~好有視覺效果..好似係有酒既慕士咁, 但有d藥水味~要連埋d糖吃就好d~

我點左杯hot mocha~~拉花好靚~個咖啡幾好~唔算太甜~個波點杯好靚, 因為熱飲如果有手柄會更好~~我要等凍左先可以拎起來飲

另外妹妹叫左organic ginger lemongrass, 應該係薑檸茶~~個茶包係立體三角形既~超型啊~~

佢比個茶包你自己放入熱水中沖泡~叫茶好抵啊~~可以隨時加熱水~~似5-6次都仲有色架~下次可以試茶~

overall: 呢個北歐下午茶以這個價格來說也超乎我想像啊~其實只要打左底, 慢慢食下就唔會話好唔飽既~輕輕鬆鬆傾下計~真係一個有情調既好地方~值得一讚前台的工作人員服務態度也很好~~各位喜歡花花餐具的姊妹們不要錯過哦~~我會再來的~